1 SAMUEL 3:19 - PATHIAN LEKHABU THIANGTHO (BSI)

¹⁹ Samuel a hung khanlet dungzui in Lalpa‘n a umpi zing ah, a thugen mal khat ziang le a thawn in a umsak puai.

1 SAMUEL 3:19 ပူးပေါင်းရင်းမြစ်များ

THILSIAM THU 21:22

Zia lai ah chun, Abimelekh tawh a sepai hotu Phikol chun Abraham kiang in, “La thilbawl tapo ah Pathian in a hun umpi ah;

THILSIAM THU 28:15

La kiang ah um zing ing ka tin, la chiana tapo ah hun vêng zing ing ka tin, la kiang ah ka thugen hi ka bawl masang sia hun nusia lo ding ka hi,” a ti’n.

THILSIAM THU 39:2

Lalpa chu Joseph kiang in a um zing ah; ama chu mi lawting tak a hung hi’n: chun a pu Aigupta mi In ah chun a um tai.

THILSIAM THU 39:3

Lalpa chu a kiang in a um zing ah; a thil hi taphot ah a lawtinsak hi ti a pu chunle a he tai.

1 LENGTE 8:56

A thutep dungzui ah a mi Israelte kiang ah chawldamna pia ta, Lalpa chu pâk in um hen; a suak Mosi mangcha’ thutiam pha a la gen zosia lak ah thumal pakhat chale a thawn puai.

2 LENGTE 10:10

Ziaziakchun, Lalpa chun Ahab Inkuan chungchâng ah a la gen, Lalpa thute chu pakhat chale lei tual ah ke’tha lo ding ahi, ti hi he tau in; Lalpa‘n a suak Elijah mang ah a la gen chu a bawl ta ahi,” a tia.

2 LENGTE 15:12

Zia hi Lalpa thu Jehu kiangah a la gen kha ahi, “Khang li’na tiang in la chate chu lalchutpha ah chutsak ding ka hi,” tia a la gen gual ah khan a hung guitung tai.

2 LENGTE 22:16

Lalpa chun zia gual hin a gen hi: Zia mun leh zia tak ah umte chung ah hin thil phalo hun tut ding ka hi; Judah Lengpa’n lekhabu a simdaw thute ngei chu hun guitunsak ding ka hi:

ISAI 43:2

Tuili thûk la hawthen tak leh le, hun umpi ing ka tin; luiliante hawtheng lechinle, hun chup pua’n tin; meikuang paltheng ma lechinle, hun kâng diak pua’n tin; meikuang in hun kângtum lo ding ahi.

ISAI 44:26

a suakpa kamsuak hi’det piak a, a tângsamte thugenlawk guitunsakpa chu ka hi. Jerusalem chung thu ah chun, “Mipi hun chênsak kit ding ka hi,” tipa leh, Judai gam ah khuate kiang ah: “Bawl thak ah um kit ding la hiu, la sung ua suksiat ah umsate kha, hun tungding kit ding ka hi,” ti’pa;

ISAI 55:11

zia gual tho ah chun, ka kam ah kipat ka thu pawtdok sa chule, a thawn in kile’kit ziang pua’n tin, ka hi’guat chu hun hi’zo intin, ka sawlna lam lam ah chun, a thil hi’ding zosia chu pha tak in mualsua in a.

MATTHAI 1:23

“Nungak thiangtho chu gâi intin, Chapa hing intin, a min in Immanuel sa’n au” zia chu, “I kiang un Pathian a um hi,” ti’na ahi.

LUKA 1:28

Tichun, vansawlchâk chu a kiang in a hung a, “Chibai, nang nasa tak ah doichuam! Lalpa la kiang in a um hi,” a tia.

LUKA 1:80

Tichun, naupang chu a hung khanglian deu deu a, lungthim lam in a hung hat tiat tiat a, Israelte kiang ah a hung kilâk masia chu gamthip in a um zing tai.

LUKA 2:40

Zia nausen chu hung khang lian deu deu in, a hung hat deu deu ah, pilna’n a hung dim ah; a chung ah Pathian doisakna a um zing tai.

LUKA 2:52

Tichun, Jesu chu pilna leh taksa lam in a khang tiat tiat ah, Pathian leh mihing doisak in a um deu deu tai.

2 KORINTH 13:11

A kichaina dingin, suapite haw, mangpha! Kisutûp unla, lungmuang tak in um un; lungthim munkhat puu inla; kicham dial dial in um un; hepina leh chamna Pathian chu la kiang un um zing in a.

DAN LEKHABU 18:22

jawlnei in Lalpa min ah thu a gen hi’ngâl ah guitung lo leh, a diklona mu chian ahi chun, zia chu Lalpa ah kipat hilo ahi, ti’na ahi, jawlnei in a ginkawmngai ah a gen mai mai ahi, zia gual chu lau kiu in.

2 TIMOTHI 4:22

Lalpa‘n la thagau umpi ta hen. Hepina’n hun umpi ta hen. Amen.

JOSHUA 21:45

Lalpa‘n Israelte kiang ah thilpha a tiam zosia kha, pakhat chale a thawn in a um pua’n, a guitung kim chiat hi.

VAIHAWMTE 13:24

Numei chun chapa a hun hing ta’n, a min dingin Samson a sa tai. Naupang chu a khang lian ah, Lalpa‘n a maljawl ta’n.

1 SAMUEL 10:7

Zia gual ah tepte’na chu la hun mu phat leh, Pathian in a hun umpi ziak in, bawl ding ah pha a sak taphot chu bawl mai in.

1 SAMUEL 12:2

Ngai un, la lengpau chun ma a hun pui ta’n; kei ka hileh vang têksia samkâng ka hi tai; himaleh, ka chapate chun a hun umpi zing ui. Ka naupan lai ah kipat in tu’ni chan hi ka hun kaihuai la hiu hi.

1 SAMUEL 16:18

Tangvalte lak ah pakhat in a hun dawnhu ah, “Beth-lehem khua mi khat thilgi tum thiam, mi hangsan leh gâlhat, thugen thiam leh ngaituana kitup tak nei khat ka mu’n; Lalpa umpi mi le ahi,” ti’n a dawnhu a.

1 SAMUEL 18:12

Lalpa‘n Saul chu taisan in David chu a umpi tâk ziakin, Saul in David chu a huphul ma ma tai.

1 SAMUEL 18:14

Lalpa‘n a umpi ziakin David chu a kiheina lam taphot in a lawting pek a.

1 SAMUEL 18:5

David chu Saul in a sawlna lam lam in a chia ah, a lawting pek ah; ziaziakchun, Saul in a sepaite chung ah hotu dingin a siam tai.

1 SAMUEL 2:21

Chun, Lalpa‘n Hannah chu a tepte ah; tichun, chapa pathum leh chanu pani a hun hing tai. Chuleh, naupang Samuel chu Lalpa ma’n a hung khanglian tai.

1 SAMUEL 2:26

Zia hun ah chun naupang Samuel chu hung khanglian jel in, Lalpa leh mipite doisakna chang in a khanglian deu deu tai.

1 SAMUEL 9:6

Himaleh, ama chun, “Zia khua hin Pathian mi pakhat a um in; mite’n a ja ma ma ziang uh ahi. Ama thugen taphot chu guitung mai ahi. Tu’hin ama kiang ah chia lehin, I buaina thu hi ei hil thei khâk leh,” ti’n a dawnhu a.