1 SAMUEL 3:17 - PATHIAN LEKHABU THIANGTHO (BSI)

¹⁷ Eli chun, “La kiang ah a gen kha bang a hem? Ka kiangah îm kin. La kiangah a gen kha lei hil noplo chun, Pathian in la chung ah a nop nop bawl ziang hen, a sângah khawk zaw’nle bawl mai ta hen,” ti’n a gen a.

1 SAMUEL 3:17 ပူးပေါင်းရင်းမြစ်များ

2 SAMUEL 14:18

Ziaphatchun, lengpa chun numei kiang ah chun, “La kiang ah ka hun dot taphot chu îm la nei lo ding ahi,” a tia. Numei chunle, “Ka lalpa, lengpa chun hun gen ta’n la,” ti’n a dawnhu a.

2 SAMUEL 19:13

Chuleh, Amasa kiang inle, ‘nang hile ka chanau kinaipi hilo la hem? Tu’ kipat hin, Joab thasâng ah ka sepaite hotu lianpen ah ka hun pansak lo ngei ngei leh, Pathian in a nop nop ei law mai zaw hen,’ vatiu in,” ti’n a sawl a.

2 SAMUEL 3:35

Mipi zosia chun nitum masang ah bang a hem bêk ne dingin David chu a sawl un; himaleh, David chun, “Nisa tum masang ah an hileh nêkthei thil bang hiziang leh le ka nêk chun, Pathian in a law law ei law mai zaw hen,” ti’n a kitiam tai.

2 SAMUEL 3:9

Lalpa‘n David kiang ah a tiam gual ah keima’nle ka hipiak lo ngei ngei leh, Pathian in Abner hi a law law ei law mai hen la, a huaisia zaw diak inle ei thuk hen;

1 LENGTE 22:16

Himaleh, lengpa chun a kiang in, “Lalpa min ah thutak lo ngal bangmacha gen lo ding ah bang zat vei hun kihaksialsak ding ka hem?” a tia.

2 LENGTE 6:31

ama chun, “Tu’ni hin, Shaphat chapa Elisha chu a luvom a man lo’nâk leh, Pathian in a law law ei law hen la; a huaisia zaw’n le, ka chung in bawl mai hen,” a ti tai.

SAM 141:5

Mi dikte chun ei vuau hen la, mi ginumte’n ei zilgai uh hen. Mi gilote sathau ka luchang nu’ in um ki’hen la, ka pauchapna chu thil phalo a bawlteu do-na a hizing ngal a.

JEREMIAH 38:14

Lengpa Zedekiah in jawlnei Jeremiah chu a ko ah, Lalpa tempul lutna pathumna chun a valamtua a. Jeremiah kiang in lengpa chun, “Thil pakhat ka hun dot ding a um in, ka kiang ah bangma îmgu kin aw,” a tia.

JEREMIAH 42:4

Jawlnei Jeremiah chun, a kiang un, “A pha ngut hi, la dot dungzui un Lalpa la Pathian kiang un pauchap ing ka tin, banghitaleh, Lalpa‘n ei dawnhu gual gual in la kiang un hun hil ing ka; nanghaw kiang ah bangmacha îmgu pua’ng ka,” ti’n a dawnhu tai.

DANIAL 4:19

Ziaphatchun, Danial, Belteshazzar kiti chu, lungkham tak in chomkhat a um a. A ngaituanate chun a sudîpchâk ta’n. Lengpa chun, “Belteshazzar mang hileh, a hilchianna chun hun subuai kiu hen,” a tia. Belteshazzar in, “Ka lalpa, mang chu nang hun mudate chung ah tung hen la, a hilchianna chule la mêlmate chung in tung ta hen!” ti’n a dawnhu a.

MIKAH 2:7

Israel mipite hi hânsia dong ah la bawl a hem? Lalpazaidaw zo lo a hita a hem? Zia gual tak ah chun bawl lawm lawm ding a hem? dik tak ah bawlte chu, nem tak in a kiang ua thu gen lo ding a hem?” a tiu a.

KISIMNA LEKHABU 23:17

A kiang a hung tun phatin, Balak chu Moab upate zosia tawh a hâlmang thillat kiang in a la ding khawm un; Balak in, “Lalpa‘n bang a gen em?” ti’n a dong a.

MATTHAI 26:63

Himaleh, Jesu chu thipbek in a um a. Chun, thiampu lianpen chun, Pathian hing min in kigenchian dingin ka hun sawl la hi, Messiah, Pathian hing Chapa chu la hi em? ei hil in, a tia.

RUTH 1:17

La thi thi na’n thi’ng ka tin, zia chun kivui ing ka. Thi’na lo’ngal in nangma tawh ei khen chun, Lalpa‘n a nop nop ei law mai zaw hen! a ti chak kei tai.

1 SAMUEL 14:44

Saul in, “Jonathan, la thi tei tei ding ahi; Pathian in a nop leh a khawk zaw’nle ka chung ah hun bawl mai hen,” a ti ta’n.

1 SAMUEL 20:13

Himaleh, ka pa chun la chung ah thil phalo bawl gua ahileh vang, nang kiang ah ka hun hil lo ah, la bitna ding ah hun sawl mang lo ah ka um chun, Lalpa‘n Jonathan chung ah a khawk zaw sêm inle bawl mai zaw hen. Ka pa a la umpi gual in Lalpa chun hun umpi zing ta hen.

1 SAMUEL 25:22

Jingkal khawvak tiang ah, zia mipa thil neite lak ah pawsal khat ziangle hawi lo ah ka bawl lo tâk leh, Lalpa‘n David chung ah a khawk zaw’nle hun bawl mai hen, a la tisa ahi.

1 SAMUEL 3:16

Himaleh, Eli in Samuel chu a ko ah a kiang in, “Ka chapa Samuel,” a tia. Ama’nle, “Zia hin ka um hi,” ti’n a dawnhu a.