1 SAMUEL 3:14 - PATHIAN LEKHABU THIANGTHO (BSI)

¹⁴ Ziaziakchun, Eli Inkuante gitlona hi bang gualah kithoina leh thillat inle ngaidam hi talo hial ding ahi, ti’n sia ka sam ta a hi,” a hun ti tai.

1 SAMUEL 3:14 ပူးပေါင်းရင်းမြစ်များ

SAM 51:16

Kithoina chung ah kipakna la nei paw’ngal a; hâlmang thillat hun pelengle pom lo ding la hi’ngal a.

ISAI 22:14

Sepai honte Lalpa ma ma chun, ka nakhang ah ei hun hil a: “Matheilo in, la thi masiau, la thil bawl khial uh ngaidam hita pua’n a,” ti’n sepai honte Lalpa Pathian in a gen hi.

JEREMIAH 15:1

Ziaphatchun, Lalpa‘n ka kiang in: Mosi leh Samuel, ka ma-âng ah hung ding hial ziang leule, zia mipite lam ah hin ka lungthim chu kihei diak ta pua’n a. Ka muphâk lona del mang unla, chia mangsak un!

JEREMIAH 7:16

Nang vang, zia mite â ding ah hin pauchap kin la, amau â dingin dot piak kin la, paupuak kin la, ka kiang in hun gen piak kin; a la limsak lo ding ka hi’ngal a.

EZEKIEL 24:13

La hûknau buakna ka hun silthian guat inle, la buaknau ah kipat in la thiang thei diak puau hi; ka lungnatna a dam masia’n, sukthian kit hita pua’n lau.

THIAMPUTE LEKHABU 15:31

A lak ua um ka biakbûk supawlche ah, a buaknau ziak ah a thi’lona ding un, ka mipi Israelte chu a buaknau la hi’thiantho ding ahi, a tia.

1 SAMUEL 2:25

Mi kua a hem khat in midang khat chung ah thil bawl khial leu, mi kua a hem khat bêk in Lalpa kiang ah a gitlonau chu ngaidam dot piak thei ding ahi’n; himaleh, min Lalpa chung ah thil bawl khial leu kua’n dot piak thei ta ding a hem?” ti’n a hil sek a. Himaleh, amau thalup ding chu Lalpa‘n pha a la sak lam a la hi tak ziakin, a pau thu gente chu bangma’n a ngaisak puau hi.