1 SAMUEL 29:8 - PATHIAN LEKHABU THIANGTHO (BSI)

⁸ David in Akhish kiang ah chun, “Aleh, bang ka hi’khial ah a hem? La nasêm ah ka hung pan lim ah kipat tu’ni tiang hin bang ka bawl ziak ah, ka lalpa, lengpa mêlmate do ding ah ei pansak theilo la hiu em?” ti’n a dawnhu a.

1 SAMUEL 29:8 ပူးပေါင်းရင်းမြစ်များ

MATTHAI 6:13

Gilo ding ah thepna hun in ei puilût kin la, gilo lak in ei hukdok zaw’n: Gamte, thil hi’theinate, lopinate, kumtuang in nang â ahi, Amen,” ti in.

1 SAMUEL 12:3

Zia hin ka um hi; ka chung ah lungkim lo zosia’n Lalpa leh a sathaunu’ ma-âng ah hin gen un. Kua bawngchal ka lâkpiak a um em? A leh, kua sabiltung ka lâkpiak a um em? ahiloleh, kua dawha bawl in a nei ka lâkpiak la um awm? Kua ka hun êngbawl la um awm? Mit kithumsak in kua kiang ah golgûkna ka la ngai em? Zia gual chu a um chun hun gen un, hun dit kit sik sek ing ka,” a tia.

1 SAMUEL 17:29

David in, “Bang ka bawl ah a hem? Thil um dan ka dot mai mai ahi chulam,” ti’n a dawnhu a.

1 SAMUEL 20:8

Ziaziakchun, la suak kiang ah thu a tak tak ah la tiam tâk ziakin, pha tak in bawl in. Ahi’n, thil bawlkhial ka hileh vang nang in ei that ziang in; bang ding ah la pa kiang ei tut khel khel ding la hi em? ti’n a gen a.

1 SAMUEL 26:18

bang ding ah ka lalpa‘n a suakpa hi tha gua delzui zing a hem? Bang ka hun law ah a hem? Ka khut in bang bawlkhial ka nei em?

1 SAMUEL 27:10

Akhish in, “Tu’ni’n kua sim ah kuan la hiu em?” ti a dot phat leh, David in, “Judea Negeb,” ahiloleh, “Jerahmeel Negeb,” a hem, “Kent te chênna Negeb,” tite hin a dawnhu jel sek a.

1 SAMUEL 28:2

David in Akhish kiang in, “A pha ngut hi, ziaphat chuleh la suak hin bang bawl thei ahi em ti hun he ta’n la,” ti’n a dawnhu a. Akhish in David kiang ah chun, “A pha ngut hi, ei vêng ah la pan ding ahi tai,” a ti tai.

1 SAMUEL 29:7

Ziaziakchun, a la chia kit mai in; thamuang tak in a la chia kit inla, zia Philistin miliante lung nopmawna ding hin bangma bawl kin,” a ti tai.