1 SAMUEL 29:3 - PATHIAN LEKHABU THIANGTHO (BSI)

³ Philistin sepai hotute chun, “Zia Hebraite hi bang bawl ding ah hung pang a hiu em?” a tiu a. Akhish in Philistin sepai hotute kiang ah chun, “Zia hi David, Israelte lengpa Saul suakte lak ah mi, zia ni bang jat leh kum bang jat a hem ka kiang ah um ahi tâk hi helo la hiu em? Ka kiang ah a hung um ah kipat tu’ni tiang hin a diklona ka mudok nai puai,” ti’n a dawnhu a.

1 SAMUEL 29:3 ပူးပေါင်းရင်းမြစ်များ

THILSIAM THU 14:13

Chun, a lak ua mi pakhat hung suakcha chun Hebrai mi Abram a hung hil a: Ama chu Amor mi, Mamre gangpi thingbul ah chêng ahi’n. Mamre chu a suapite Eshkol tawh, Aner tawh, Abram tawh pang khawm a hiu a.

1 KHANGTHU 12:19

Saul do ding ah Philistinte tawh David a hang kuan lai ua chun, a lak ua Manasseh phung ah mite khenkhat chu David lam ah pang dingin a hung jamdok tau a. Philistinte hotute chun, “Amau hin a pu Saul lam ah hung pang intin, thi law bep kha’i tiu,” a ti ziak ua a la sawl mang him uh ahiziak in, ama hin Philistinte hi a la panpi tak tak man puai.

1 KHANGTHU 12:20

Ziklag lam zuan ah a kile’kit lai ah Manasseh te lak ah ama lam ah hung kipete chu ziate hi a hiu: Manasseh sepai sang khat chung ah hotu a la pangte Adnah, Jozabad, Jediael, Mikael, Jozabad, Elihu leh Zillethai a hiu.

DANIAL 6:5

Zia mite chun, “Zia Danial hi vang Pathian tawh a kikâl thu lam ah a hilo ngal leh demna ding mu puai tiu,” a kitiu a.

JOHAN 19:6

Thiampu lalte leh hotute chun a la mu phât un, a hung kiko ua, “Kros ah khenden in! Kros ah khenden in!” a hun tiu a. Pilat chun a kiang un, “Pui unla, vakhenden tau in, keima’n vang a chung ah hin demna ding ka mu puai,” a tia.

ROMTE 12:17

Thil phalo chu thil phalo ma’n thuk kiu in. Mi zosia mit mu ah thil mêlpha chu hawl un.

1 PETER 3:16

Nunnem leh ja um tak ah um in, sia leh pha hetna chîm tak nei unla, nang uh hun gensete’n Khrista ah la umdan uh phat ziakin mualpho in au.

1 SAMUEL 14:11

Tichun, Philistin sepaite chu a paniu in a vakimu sak tau ah; zia phat ah chun Philistinte chun, “En tiam u, Hebraite kawhawm ah a kisêlnau ah kipat in a hung pawtdok ui,” a tiu a.

1 SAMUEL 25:28

Lungsiat tak in, la suakpa bawlkhialna hi ngaidam in; ka lalpa hin Lalpa mêlmate do la hiziak in, Lalpa‘n ka pu Inkuan hidet in tin, la dam sung sia thil phalo him him kimu lo ding ahi ngâl a.

1 SAMUEL 27:1

David in a lungthim in, “Saul khut ah hin chu ni khat vang thi ngei ding ka hi; kei â dingin Philistinte lak ah kisel khêl ah phazaw a um ta puai; chutileh, Saul in Israel gam paw lam ah ei delzui thei talo ding ahiziak in, a khut ah kipat suakcha hi mai ding ka hi,” ti a ngaitua a.

1 SAMUEL 27:7

Philistinte gam ah David châm sung chu kum khat leh tha li a ting hi.

1 SAMUEL 29:6

Ziaphatchun, Akhish in David chu a ko ah, a kiang in, “Lalpa hinna sâl in ka gen hi: midik tak la hi’n, gâldona mun ah hung pawt ah, ka kiang ah hung lut kit dingin muanmawna neuchale ka hun nei puai. Ka kiang la hung tun ah kipat tu’ni tiang hin, nangma ah diklona bangma ka mu nai paw’ngâl in. Himaleh, zia miliante hin a hun ngaina puau hi.

1 SAMUEL 4:6

Philistinte’n a kiko thawm uh a la het phat un, “Zia Hebraite giamun ah thawmgi hi bang thu ahi tam?” a tiuah. Lalpa thuthung thingkuang chu a giamun ua a puak tung uh ahi ti a het phat un,