1 SAMUEL 28:7 - PATHIAN LEKHABU THIANGTHO (BSI)

⁷ Ziaphatchun, Saul in a suakte kiang in, “Numei dawithiam pakhat ka vakawm ah, ka dot theina dingin, ei kandaw piak tiam un,” a tia. A suakte chun a kiang in, “Endor ah dawithiam numei pakhat a um hi,” a ti tau hi.

1 SAMUEL 28:7 ပူးပေါင်းရင်းမြစ်များ

2 LENGTE 6:33

Amau tawh a kiho zing lai un, lengpa chu a kiang in a hung sukah, “Zia buaina hi Lalpa ah kipat ahi! Bangziak ah, Lalpa ah kinem zing nalai ding ka hem?” a hung ti tai.

1 KHANGTHU 10:13

Tichun, Saul chu a ginum lo ziakin a thi tai; Lalpa thupiak zui lo in Lalpa chung in a ginum pua’n; zia bep chule hilo in, Lalpa dong lo in thitha jawlte haw po a dong zaw ta’n,

SAM 83:10

amau chu Endor khua’n a mangthai un, lei â ding ah êknîn gual bep a hitau hi.

ISAI 19:3

Aigupta mite thil guanggal zosia, ka hisiat piak ding ziakin, a sung ua a thagau uh chu suadok piak ing ka; tichun, milimte leh mithisate, thithate leh dawi leh kaute hun dong ta’n au;

THIAMPUTE LEKHABU 19:31

Nangma kihibuakna dingin, dawi leh âisân thiamte dot leh ho in nei kin; Keima hi Lalpa la Pathian uh ka hi’ngâl a.

HABAKKUK 2:3

Huntiam bîk â ding ah kilâkna bîk a um nalai in; tawpna ding thu a gen chu thawn pua’n a; vaigei ding ah a kilat chun ngâk ham ham inla, hung tung tho tho ding ahi’n, hung vaigei ta pua’n a.

NASEPTE 16:16

Ni khat chu pauchapna mun ah ka chiau leh, nungak pakhat, thithajawl a um ah, thilhithei tak ahi’n, amanu chun a âisân ziakin a pu â dingin sum tam tak a law sek a.

DAN LEKHABU 18:11

âisân chîngte, thitha leh dawi ho-te leh mi thisate thu dong sekte him him chu la lak un a um lo ding uh ahi.

JOSHUA 17:11

Issakhar leh Asher gam sung ah chun Manasseh in Beth-shean leh a khawpelte, Ibleam leh a khawpelte, Dor leh a khawpelte, Endor leh a khawpelte, Taanakh leh a khawpelte leh Megiddo leh a khawpel ah chêng zosia (a pathumna hi Naphtali ahi’n) a nei un.

1 SAMUEL 28:3

Samuel chu a thi ta’n, Israelte zosia’n a sûn un, ama khawpi Ramah ah chun a vui tau a. Saul in phunsânte leh dawithiamte zosia chu a gam ah kipat in a la naw mang zawsa ahi tai.