1 SAMUEL 28:15 - PATHIAN LEKHABU THIANGTHO (BSI)

¹⁵ Ziaphatchun, Samuel in Saul kiang ah chun, “Bang ding ah ei subuai mai mai ding bep ah ei kodok la hi em?” a hun tia. Saul in, “Philistinte’n ei do un, Pathian in lah ei nusia ta’n; mang lam hileh, jawlneite mang inle ei dawnhu nuam ta pua’n, ka lung a kham ma ma phatin, nang in ka bawl ding ei hil lechin tia, hung ko ka hi,” ti’n a dawnhu a.

1 SAMUEL 28:15 ပူးပေါင်းရင်းမြစ်များ

SAM 51:11

La kiang ah kipat ei paidok kin la, la thagau thiangtho hi ei lâkpiak kin.

THUPILTE 14:14

Mi dukdak lo in a sep ga kiluak intin, mipha’nle a sep phatna ga kiluak in a.

HOSEA 9:12

Chate hun nei ta mawng leule, pakhat ziang le a sûn lo uh koi pua’ng ka. Amau ka nutsia dingte chung chu a gik na lawm lawm e!

MATTHAI 25:41

Chun, ah veilam ah umte kiang ah chun, nanghaw hânsedawlte haw, diabol leh a sawlchakte â ding ah kiguanggal kumtuang meipi lam ah chun chia tau in;

VAIHAWMTE 16:20

Ziaphatchun, a kiang in, “Samson, Philistinte a hung tau!” a tia. A hung khatlaw phatin, “Hun dang ah gual tho khan vak kije ing ka tin, vak kitomdok ing ka,” ti’n a ngaitua ah. Lalpa‘n a la taisan ta ahi ti lam him him a he puai.

1 SAMUEL 18:12

Lalpa‘n Saul chu taisan in David chu a umpi tâk ziakin, Saul in David chu a huphul ma ma tai.

1 SAMUEL 23:2

David in Lalpa a dong ah, “Zia Philistinte chu do ah chia ding ka hem?” a tia. Lalpa‘n David kiang in, “Chia inla, Philistinte chu vado inla, Keilah khua chu va hukdok in,” a hun tia.

1 SAMUEL 23:4

Ziaphatchun, David in Lalpa a dong kit ah, Lalpa chun, “Keilah ah chun chiau in; Philistinte chu la khut ah hun pia ding ka hi’ngâl a,” ti’n a hun dawnhu a.

1 SAMUEL 28:11

Ziaphatchun numei chun, “Kua ahi em ka hun kodaw piak ding chu?” ti’n a dong ah. Ama chun, “Samuel ei kodaw piak in,” ti’n a dawnhu a.

1 SAMUEL 28:16

Samuel in, “Lalpa‘n nang hun nusia ah, la mêlma ah pang ahi tâk ziakin bang ding ah ei dong nalai la hi em?

1 SAMUEL 28:6

Saul in Lalpa kiang ah thu a dot phatin, Lalpa‘n mang lam hileh, Urim hileh jawlneite mang inle a dawnhu ta puai.

1 SAMUEL 28:8

Tichun, Saul chu a kisiam lamdang ah, puan chuam in a kithuam ah, pawsal pani tawh zia lam ah chun a chiau a. Jan in zia nu kiang chu a va tung un. A kiang in, “Dawi ei ho piak inla, a min ka hun gen pen pen chu ei ko daw piak tiam in,” ti’n a don a.

1 SAMUEL 30:6

Mipite chu a ji leh chateu ziak ah a lungthim uh a nat ma ma ziakin, David chu suang ah se’lup a guat ziang phat un, David â dingin lauthawn um tak ahi tai. Himaleh, David chu Lalpa a Pathian ah chun ama leh ama a hung kisuhat tai.