1 SAMUEL 27:9 - PATHIAN LEKHABU THIANGTHO (BSI)

⁹ A gam vasim in, numei pawsal pakhatle hawi lo in a that ah, a belamteu, a bawngteu, a sabiltungteu, a sangawngsauteu leh a nîk leh puanteu chu hun la’n, Akhish kiang in a hung kit tau a.

1 SAMUEL 27:9 ပူးပေါင်းရင်းမြစ်များ

THILSIAM THU 16:7

Lalpa vansawlchâk pakhat in gamkeu ah Tuinâk kiang ah, Shur zotna lam lai ah chun a la lamtua a.

THILSIAM THU 25:18

Amau chu Havilah gam ah kipat in Shur gam, Aigupta jawn ah Assuria lam kâi ah um ahi; a suapite zosia tawh kigâlchân ah chun a chêng den tai.

JOB LEKHABU 1:3

Mi neinung tak ahi ziakin, belam sang sagi, sangawngsau sang thum, bawngchal tuak za nga, sabiltungpi za nga leh nasem ding suak tampi nei in sualam gamkai ah mi hausa pen ahi.

PAWTDAWNA THU 15:22

Ziaphatchun, Mosi chun Israelte chu Tuipi San ah kipat chiadok dingin thu a pia’; tichun, Shur gamthip chu a lut tau a. Ni thum lam hial a chia nung un tui a mu zo ta puau a.

JOSHUA 6:21

Ziaphatchun, khawpi sung ah um zosia, pawsal leh numei, chapang leh piting, bawngchal, belam leh sabiltung a leng un chemjam in a that gam sik sek tau hi.

1 SAMUEL 15:3

Tu’hin kipan inla, Amalekte chu vado inla, a nei zosiau vasusia sik sek in; a numei a pawsal, naupang leh nausen hitaleh, a bawngchalteu, a belamteu, a sangawngsauteu leh a sabiltungteu natiang uh hawi neilo in that gam in, a ti ahi,” ti’n a gen a.

1 SAMUEL 15:7

Saul in Amalekte chu Havilah ah kipat Aigupta sualam ah um Shur tiang in a that gam tai.

1 SAMUEL 15:8

Amalekte lengpa Agag chu a hingmat ah, midang zosia chu vang chemjam in a that suak tai.