1 SAMUEL 27:8 - PATHIAN LEKHABU THIANGTHO (BSI)

⁸ David leh a lawite chu a kuan to un, Geshur, Girzi leh Amalekte chu a vado un; ziate hi Telam ah kipat Shur lampi leh Aigupta gam lam tiang ah a la chêngte chu a hiu a.

1 SAMUEL 27:8 ပူးပေါင်းရင်းမြစ်များ

2 SAMUEL 14:23

Tichun, Joab chu a kipandok ah, Geshur ah a vachia ah, Absalom chu Jerusalem lam in a hun pui kit tai.

2 SAMUEL 14:32

Absalom in Joab kiang ah chun, “En in, la kiang ah, ‘Hung inla, lengpa kiang ah, Geshur ah kipat bang ding ah hung ka hi em? Zia tak ah chun hung um den mai leng kei â dingin phazaw ding hive’n,’ ti’n ei vagen piak lechin ka tia. Tu’hin lengpa kiang ah ei chiasak inla, mawna nei ka hileh ei that mai hen,” ti’n a gen a.

2 SAMUEL 15:8

Aram gam ah Geshur ah ka va um sung ah khan la suak in: Lalpa‘n dam ah Jerusalem khua ei pui tung kit chun, Hebron khua’n Lalpa ka vaho tei tei ding ahi, ti’n kitiamna ka la bawl hen,” a tia.

2 SAMUEL 3:22

Zia lai tak ah chun David suakte chu Joab tawh, a gâl bawlnau ah kipat gâllâk tam tak tawh a hung un. David in Abner chu a la sawldaw tak ziakin Hebron ah David kiang in Abner chu a la um talo in, thamuang tak in a la chiadok tai.

2 SAMUEL 3:3

a pani’na chu Karmel khua Nabal ji thi’san, Abigail tawh a chapau Khileab, ahi’n; a pathumna chu Geshur Lengpa Talmai chanu Maakah tawh a chapau Absalom ahi;

2 SAMUEL 8:12

ziate chu Edomte, Moabte, Ammonte, Philistinte, Amalekte leh Zobah khua Rehab chapa, Lengpa Hadadezer ah kipat a gâl lâk cheng chu tawh ahi.

1 KHANGTHU 2:23

Himaleh, Geshur tawh Aram in Havvoth-jair, Kenath tawh a khawpi sawmgukte chu a lâkpiak ui. Ziate zosia chu Gilead pa Makhir suante ngen a hiu.

PAWTDAWNA THU 15:22

Ziaphatchun, Mosi chun Israelte chu Tuipi San ah kipat chiadok dingin thu a pia’; tichun, Shur gamthip chu a lut tau a. Ni thum lam hial a chia nung un tui a mu zo ta puau a.

PAWTDAWNA THU 17:8

Ziaphatchun, Amalekte a hung ua, Rephidim mun ah chun Israelte a hung do tau a.

KISIMNA LEKHABU 13:29

Negeb lam ah chun Amalekte a chêng un, tânggam ah Hitte, Jebuste leh Amorte a chêng un, tuisuagiat pâm leh Jordan dung ah chun Kanaan mite a chêng ui,” a tiu a.

KISIMNA LEKHABU 14:45

Ziaphatchun, tâng gam ah chêng Amalekte tawh Kanaan mite hung kuan suk in, a hung do ua, a zo tau a; Hormah tiang in a hung del mang tau hi.

JOSHUA 12:5

Chuleh, Hermon tâng, Salekah, Geshur mite leh Maakath te tawh gamgi Bashan zosia leh Heshbon lengpa Sihon gamgi tiang leh Gilead gam kimkhat tiang inle vai a hawm a.

JOSHUA 13:13

Himaleh, Israelte’n Geshurte leh Maakathte chu vang a nawdok nai puau; Geshurte leh Maakathte chu tu’ni tiang hin Israelte lak in a chêngden tau a.

JOSHUA 13:2

Zia gamte hi a lâk nailote chu: Philistinte gam leh Geshurte gam zosia,

JOSHUA 16:10

Gezer khua um Kanaan mite chu vang a nawdok puau; tichun, Kanaan mite chu Ephraimte lak ah nasêm ah gawi dingin, tu’ni tiang hin a chêng den tau hi.

VAIHAWMTE 1:29

Ephraimte’n le Gezer mun ah chêng Kanaan mite chu a nawdok puau ah; Kanaan mite chu Gezer mun ah a lak un a chêng den tau hi.

1 SAMUEL 29:6

Ziaphatchun, Akhish in David chu a ko ah, a kiang in, “Lalpa hinna sâl in ka gen hi: midik tak la hi’n, gâldona mun ah hung pawt ah, ka kiang ah hung lut kit dingin muanmawna neuchale ka hun nei puai. Ka kiang la hung tun ah kipat tu’ni tiang hin, nangma ah diklona bangma ka mu nai paw’ngâl in. Himaleh, zia miliante hin a hun ngaina puau hi.

1 SAMUEL 30:1

Ziazaw a ni thum ni chun, Amalekte’n, Negeb leh Ziglak a la zaw’na nung un; David leh a lawite chu Ziglak a hung tung ua, Amalekte’n a la hâl tum zawu ahi tai.