1 SAMUEL 27:1 - PATHIAN LEKHABU THIANGTHO (BSI)

¹ David in a lungthim in, “Saul khut ah hin chu ni khat vang thi ngei ding ka hi; kei â dingin Philistinte lak ah kisel khêl ah phazaw a um ta puai; chutileh, Saul in Israel gam paw lam ah ei delzui thei talo ding ahiziak in, a khut ah kipat suakcha hi mai ding ka hi,” ti a ngaitua a.

1 SAMUEL 27:1 ပူးပေါင်းရင်းမြစ်များ

1 LENGTE 12:26

chuleh, Jeroboam in, “Lenggam hi David Inkuan lam ah lut kit ziang thei ahi’n.

1 LENGTE 12:28

Tichun, lengpa chun, midangte lemguatpina dungzui in, sana bawngno lim pani a siam a. Mipite kiang ah chun, “Jerusalem ah la chiatonau kha a sawt tho tai. Aw Israel, la Pathianteu, Aigupta gam ah kipat hun puidokte chu ziate hi a hiu,” a tia.

1 LENGTE 19:3

Ziaphatchun, a lau ah; a kipan ah a hinna dingin a jam mang ah, Judai gam ah Beer-sheba lam in a hung ah; zia tak ah chun a suakpa a nusia tai.

2 KHANGTHU 25:17

Ziaphatchun, Judai gam ah Lengpa amaziah chun a mipilte a dong ah; tichun, Israelte Lengpa Jehu chapa, Jehoahaz chapa Joash kiang in mi a sawl un, a kiang ah chun, “Hung inla, kido hitiu,” a vatiu a.

SAM 116:11

ka lauthawng lai in, “Mitin vang zuauthei a hiu,” ka la ti hen.

SAM 55:7

gamla tak in leng mang ing ka tin, gamthip ah vaum mang ta’ng ka tin; (Selah)

PAWTDAWNA THU 14:12

Aiguptate nasêm in um hiat hiat mai hitiu, ka tiu kha zia hin ei sia ahi hilam. Thalêk gamthip ah thi sâng in, Aigupta mite suak ah um den mai chule kei uh â dingin phazaw ma ma ding ahi ngal in,” a tiu a.

THUPILTE 13:12

Lungtup kibang lo chu lungthim natna ahi’n; lungtup mualsuana chu hinna thing gual ahi.

ISAI 51:12

Kei, Keima hi ka hi nanghaw hun thamuanpa chu; a thi mang ziang thei mihing bep leh, hampa gual ah vul kit ziang ding haw hi, bang ding ah lau la hiu em?

KISIMNA LEKHABU 14:3

Mite chemjam ah thi ding bep ah bang ding ah Lalpa‘n ei la puidaw a hi tam? I ji leh chateu chu mi gâl anchâk ah a pan sâng un, Aigupta gam lam ah chia kit ziang leu hin phazaw ma ma lo ding a hem?” a tiu a.

MATTHAI 14:31

Thakhat in Jesu’n a khut in a vak man ah, a kiang in, Aw ginna tawmpa, bangatia ginglâ la hem? a tia.

MARKA 4:40

Chuleh, a kiang ua chun, “Bangatia, chuti lawm lawm ah lau ziang la hiu em? Ginna la nei zo ma ma lo uh ahi maw?” a tia.

2 KORINTH 7:5

Makedonia ka tun unle taksa ah chawldamna him him ka nei puau in, langkhat langkhat ah sukgenthei in ka um un; pawlam in kidonate a um ah, sunglam in launate a um hi.

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.

1 SAMUEL 16:13

Ziaphatchun, Samuel in sathau bûk sakî chu a hun la, a suapite mit mu ah chun sathau a nu’ tai; zia ni kipat chun Lalpa thagau a chung in a hung um ziang tai. Tichun, Samuel le a kipandok ah Ramah lam in a chia kit tai.

1 SAMUEL 20:3

Himaleh, David in kitiam hial in, la pa hin lei ngainat hi a he chutiloleh, lungngai kha’n ah, a ti hiding ahi. Himaleh, a dik tak ah gen in, Lalpa leh nangma hinna sâl in ka hun hil ahi, thi’na tawh ka kikâl uh hi kãl khat bepcha ahi, ti’n a dawnhu a.

1 SAMUEL 22:5

Ziaphatchun, jawlnei Gad in David kiang in, “Kul ah chun um den ziang kin; pawtdok inla, Judai gam ah chia in,” a hung tia. Tichun, David a pawt kit ah, Hereth gammâng lam in a chia tai.

1 SAMUEL 23:17

David kiang ah chun, “Lau him him kin; ka pa Saul in hun mai kha ngai ngai lo ding ahi’n; nang hi Israelte chung ah leng ah pang ding la hi; zia tak chuleh, nang zathuap ah pang ding ka hi; ka pa Saul inle zia gual chu hung hiding la hi, ti a henai,” a tia.

1 SAMUEL 25:30

Lalpa‘n ka lalpa chung ah thilpha bawl piak ding a la tiam zosia chu la chung ah a bawl ah, nang chu Israelte chung ah leng ah a hun pansak phat leh,

1 SAMUEL 26:19

Tu’hin, ka lalpa, lengpa chun a suak thugen hi a la ngai in. Keima thalupna ding ah hun tîl chu Lalpa ahi chun, a kiang ah kithoina thilpiak chu pom ta hen; himaleh, a hun tîl chu mihing ahileh vang, Lalpa ah kipat ka gochan ding lai nusia in, ‘Chia inla, pathian dangte na sêm in,’ ei ti ziakin tu’ni tiang ah del châkvai ah ei umsak ziakin, Lalpa ma ah hânsia law in um tau hen.

1 SAMUEL 29:2

Philistin mi liante chu a za têl leh a sang têl in a kizawt zung zung un; David tawh a sepaite chu Akhish nungdâl in a pang un;

1 SAMUEL 29:3

Philistin sepai hotute chun, “Zia Hebraite hi bang bawl ding ah hung pang a hiu em?” a tiu a. Akhish in Philistin sepai hotute kiang ah chun, “Zia hi David, Israelte lengpa Saul suakte lak ah mi, zia ni bang jat leh kum bang jat a hem ka kiang ah um ahi tâk hi helo la hiu em? Ka kiang ah a hung um ah kipat tu’ni tiang hin a diklona ka mudok nai puai,” ti’n a dawnhu a.