1 SAMUEL 26:9 - PATHIAN LEKHABU THIANGTHO (BSI)

⁹ Himaleh, David in Abishai kiang ah chun, “That him him kin; Lalpa sathaunu’ chung ah khut tha chu thiammaw chang lo ah kua suakcha ding a hem?” ti’n a dawnhu a.

1 SAMUEL 26:9 ပူးပေါင်းရင်းမြစ်များ

2 SAMUEL 1:14

David in a kiang ah chun, “Lalpa sathaunu’, chung ah khut thâk ding chu bangtidan ah tiza lo hial la hem?” ti’n a dong tai.

2 SAMUEL 1:16

David chun, “Nangma kam ngei ngei in, ‘Lalpa sathaunu’, chu ka that hi,’ la ti tâk ziakin la thisan maw la kipuak ding ahi,” a ti tai.

2 SAMUEL 19:22

Himaleh, David chun, “Nanghaw Zeruiah chate haw, bang kisakla’na la hiu em; tu’ni hin ka mêlma pan gua la hiu em? Tu’ni hin Israelte lak ah mi pakhat bêk thalup ding ahi ka tia hem? Tu’ni hin Israelte chung ah leng ka hi tai ti kihet lo eisa la hiu em?” ti’n a dawnhu a.

SAM 105:15

a kiang un, “Ka sathaunu’te hi khoikha kiu in; ka jawlneite le khoikha kiu in,” a la ti’n.

SAM 17:4

Midangte thilbawl ahileh vâng chu, la kam ah thu pawt dungzui in, thagum sua’na lampite chu ka pêl hi.

SAM 57:1

Ei lungsiat inla, aw Pathian, ei lungsiat in; ka hinna’n nangma a hun bêl in, siatna huipi a kithial masia, la thalîm nuai hun bêl ing ka.

SAM 7:4

ka gualpha thil phalo ah thuk ka la hi ah; ahiloleh, a ziak bei ah ka mêlma siatna ding bawl ka la hi chun,

1 SAMUEL 10:1

Samuel chun sathau bûk khat a hun ladok ah, a luchung a sunkhum ah; a chawp ah a kiang in, “Lalpa‘n a mipi Israelte chung ah vaihawm dingin a hun têl ah sathau a hun nu’ hi. Lalpa mipite chung ah vaihawm inla; chuleh, a kîmvêl ua a mêlmateu khut ah kipat hin amau la hukdaw ding ahi. Tu’hin Lalpa‘n a gochante chung ah vaihawm ding ah a hun têl ahi ti la hettheina ding ah tepte’na chu zia hi ahi:

1 SAMUEL 12:3

Zia hin ka um hi; ka chung ah lungkim lo zosia’n Lalpa leh a sathaunu’ ma-âng ah hin gen un. Kua bawngchal ka lâkpiak a um em? A leh, kua sabiltung ka lâkpiak a um em? ahiloleh, kua dawha bawl in a nei ka lâkpiak la um awm? Kua ka hun êngbawl la um awm? Mit kithumsak in kua kiang ah golgûkna ka la ngai em? Zia gual chu a um chun hun gen un, hun dit kit sik sek ing ka,” a tia.

1 SAMUEL 26:8

Abishai in David kiang ah chun, “Tu’ni hin Pathian in la mêlmapa chu la khut in a hun pia ta hi. Tu’ ma ma hin ama hi cheicha’n lei tual tawh kilden ziang ing ka; sut kit le ngai ta pua’n a,” a tia.