1 SAMUEL 26:8 - PATHIAN LEKHABU THIANGTHO (BSI)

⁸ Abishai in David kiang ah chun, “Tu’ni hin Pathian in la mêlmapa chu la khut in a hun pia ta hi. Tu’ ma ma hin ama hi cheicha’n lei tual tawh kilden ziang ing ka; sut kit le ngai ta pua’n a,” a tia.

1 SAMUEL 26:8 ပူးပေါင်းရင်းမြစ်များ

2 SAMUEL 16:9

Ziaphatchun, Zeruiah chapa Abishai in lengpa kiang ah chun, “Bang ding ah zia uicha thisa bep hin ka lengpa chu hânsia law khum mai mai a hem? Chia ing ka tin, a luchang vala ding ka hi,” a tia.

SAM 31:8

Chuleh, ei do-te khut in ei pedok kin la; ka keng hi mun awngthawl tak ah la lângkâi zaw tai.

JEREMIAH 40:15

Ziaphatchun, Kareah chapa Johanan chun a gukcha’n, Mizpah khua chun Gedaliah kiang in, “Lungsiat in, kuama het lo dingin, Nethaniah chapa Ishmael vathat dingin ei chiasak in aw. Ama’n bang ding ah nang hun that in, la kîm leh kiang ah Juda mi kikhawmte hi the’chek ah um in, Judai gam ah nutsia ah um sunte hi hi’mangthai ah um mai ding a hiu em?” ti’n a vagen a.

NAHUM 1:9

Lalpa kãl ah bang a hem la ngaitua? Tawpna hun bawl ding ahi; kuama’n ama a vêl in do pua’n au;

ROMTE 11:32

Pathian chun mi zosia chung ah jangaina a neitheina dingin, mi zosia chu thumat lona ah chun a khum khawm suak ta ahi.

DAN LEKHABU 32:30

Bangtidan ah mi khat in mi sang khat zo thei ah, mi pani’n a sîngtêl jam siatsak thei a hiu ah, a Suangpiu in a khotdawsa a hiu ah, a Lalpau in a nutsiasan a hilo ngâl leh?

JOSHUA 21:44

A pu leh pateu kiang ah a la kitiam gual in, kil tin ah kipat in Lalpa‘n muanna a pia ta’n; a mêlmateu zosia a khut un Lalpa‘n a piaksa ahi ziakin, a mêlmateu lak ah khat chale amau do ngam a um ta puau hi.

VAIHAWMTE 1:4

Judah chu a kuan to ah, Lalpa‘n Kanaan mite leh Periz mite chu a khut in a pia ta’n; Bezek ah chun mi sîng khat a vathat tau a.

1 SAMUEL 23:14

David chu Ziph Gamthip tânggam ah kawlhawm ah chun a um den ah, nisi’n leh Saul in a hawl zel ah; himaleh, Lalpa ‘n ama chu Saul khut in a pedok puai.

1 SAMUEL 24:4

David sepaite chun a kiang in, “Tu’ni hivang Lalpa‘n la kiang ah, ‘La gâlte chu la khut ah hun pia’ng ka tin, la nop nop la law ding ahi,’ ti ah a genna hun chu hung tung a hita hi,” a tiu a. Ziaphatchun, David awlchân a chia ah, Saul puanâk chual mong neukhat a va âttha tai.

1 SAMUEL 24:5

David in Saul puanâk chual mong a va âtthak ziak ah chun a vainung in a hung lauthawng ma ma hi.

1 SAMUEL 26:23

Lalpa‘n a dik leh ginum taphotte chu kipakman a pesek in; tu’ni’n la hinna Lalpa‘n ka khut in ei pia ta’n; himaleh, Lalpa sathaunu’ chung ah ka khut ka thanuam puai.

1 SAMUEL 26:7

Tichun, zia jan ah chun David tawh Abishai chu Saul giabuk in a va lut un; Saul chu a sepaite’n a ûm kîmvêl uh, a lailung ah thamuang tak ah ipmu leh a lutûn ah a cheicha lei ah kisunchang chu tawh a vamu tau a. Abner tawh a sepaite chu a kîmvêl in a ipmuu hi.

1 SAMUEL 26:9

Himaleh, David in Abishai kiang ah chun, “That him him kin; Lalpa sathaunu’ chung ah khut tha chu thiammaw chang lo ah kua suakcha ding a hem?” ti’n a dawnhu a.