1 SAMUEL 26:23 - PATHIAN LEKHABU THIANGTHO (BSI)

²³ Lalpa‘n a dik leh ginum taphotte chu kipakman a pesek in; tu’ni’n la hinna Lalpa‘n ka khut in ei pia ta’n; himaleh, Lalpa sathaunu’ chung ah ka khut ka thanuam puai.

1 SAMUEL 26:23 ပူးပေါင်းရင်းမြစ်များ

2 SAMUEL 22:21

Ka dikna dungzui in Lalpa‘n kipakman ei piai; ka khut nasepte a thiantho dungzui in ei dit ta ahi.

2 SAMUEL 22:25

Ziaziakchun, ka dikna tawh kigûn in, a mit mu ah ka thiantho tawh kigûn in, Lalpa‘n ei dit tai.

1 LENGTE 8:32

van ah la ngaitha’n la, mawna nei chu thiamlo chansak ah, a umdan gual ah ama luchung ah chuksak ding leh, midik chu a diktat dungzui ah dit ah thiamchan dingin, la suakte chung ah thu tan in.

NEHEMIAH 13:14

Aw ka Pathian, ka Pathian In leh a sung ah nasepna â ding ah ka thilbawl phat hi hezing inla, nuaimang ziang kin.

JOB LEKHABU 34:11

Mi te’n a thilbawl dungjui chiat un thuk in, mi tin a khawsak dan tawh kituak chiat in, a chung un tunsak ding ahi ngâl a.

SAM 62:12

aw Lalpa, ngilneina hi nang â ahi. Mi tin a nasep dungzui un la din sek ngal a.

1 SAMUEL 24:11

En in, he pa, la puanâk chual mong ka khut ah um hi; nang in tha dingin ei hawl vêl ziang malechin le, nang hun that lo ah, la puanâk chual mong ka âtthak thei ah kipat hin, la chung ah khut thanuam lo ka hi’dan hethei in la.

1 SAMUEL 24:12

Nang leh kei kikâl thu Lalpa‘n vaihawm mai ta hen! La chung ah ka khut ka thâk lo ziak hin a nop leh Lalpa‘n ka chung ah phuba la zaw mai hen!

1 SAMUEL 24:18

Tu’ni ka hinna Lalpa‘n la khut ah a hun piak lai inle ei that lo ah, pha tak ah lei khawtua dan lei etsak zaw ta’ngâl a.

1 SAMUEL 24:19

Zia gual chun min a mêlma sikha leh, kua a hem dam tak ah tha’suak kit ding? Tu’ni ka chung ah la thilbawl phat ziak hin, Lalpa‘n phatna’n hun vuk ta hen.

1 SAMUEL 26:11

Lalpa sathaunu’ chung ah khut tha dingin Lalpa‘n ei phal puai; a lutûn ah a cheicha tawh a tuiûm kha hun la’n la chia tai ti,” a tia.

1 SAMUEL 26:22

David in, “Aw lengpa, la cheicha zia tak ah hin a um hi. La tangvalte lak ah pakhat hung lâksak in.

1 SAMUEL 26:9

Himaleh, David in Abishai kiang ah chun, “That him him kin; Lalpa sathaunu’ chung ah khut tha chu thiammaw chang lo ah kua suakcha ding a hem?” ti’n a dawnhu a.