1 SAMUEL 25:39 - PATHIAN LEKHABU THIANGTHO (BSI)

³⁹ David in Nabal a thi tai ti a het phat in, “Nabal in ei hosiatna thu ei ngaitua piak ah, a suak hi thil phalo bawl lo ding ah ei la tutâng Lalpa chu choihoi in um ta hen. Lalpa‘n Nabal chu a thil phalo bawl man a dit ta ahi,” a tia. Ziaphat ah chun, David in mi a sawl ah, Abigail chu a ji dingin a va hêlsak tai.

1 SAMUEL 25:39 ပူးပေါင်းရင်းမြစ်များ

2 SAMUEL 1:16

David chun, “Nangma kam ngei ngei in, ‘Lalpa sathaunu’, chu ka that hi,’ la ti tâk ziakin la thisan maw la kipuak ding ahi,” a ti tai.

1 LENGTE 2:44

Lengpa chun Shimei kiang ah chun, “Ka pa David chung ah la thil phalo bawl zosia la lunggil ngei in la kihet nai; ziaziakchun, Lalpa‘n la gitlona la luchung in hun dit kit ding ahi;

ESTHER 7:10

Tichun, Mordekai khailupna ding ah Haman in a bawlsa chun ama chu a khailum tau a. Ziaphatchun, Lengpa lungnatna chu a dai tai.

ESTHER 9:25

ahi’n la, Esther chu Lengpa kiang ah a hung phatin, Judate siatna ding guanggalpa thil phalo chu a luchung in chu hen la, ama leh a chapate chu khailupna chun khailup hiu hen, ti’n Lengpa chun a thupiak chu lekha’n a zikdok tai.

SAM 7:16

A thil bawlsiatnau ga chu a luchung un kile’kit intin, amau luchung ngei in a hiamngam nau chu a chu tai.

SAM 9:5

Namtin la zilgai ah, mi nunsiate la gawt chimit ah, a min uh le kumtuang, kumtuang â dingin la thai mang tai.

THUPILTE 18:22

Ji mu chu thilpha mu ahi’n, Lalpa doisakna chang ahi.

THUPILTE 19:14

In leh go thilte chu pate ah kipat lua a hisek in, ji chingthei chu vang Lalpa piak ahi.

THUPILTE 22:23

Lalpa‘n amau chu genpi gêl gêl ding ahi ngal a; amau haw chomgam taphot chu, Lalpa‘n amau hinna le chomnâm ding ahi.

THUPILTE 31:10

Ji pha chu kua a hem mu zo ding? Suang mantam san chi sâng inle a lûl zawi.

THUPILTE 31:30

Ngaikâina hi kithepna mai ahi’n, mêl hoina hile bangma ahi puai; himaleh, Lalpa ki’chate chu pâkchat ding ahi.

SOLOMON LÂ 8:8

Suapi numei naupang nawi le nei nai lo khat ka nei un. Ama hung hêl a um phat leh, ka naunuu chu bang ka bawl piak ta diam uh?

MIKAH 7:9

Kei lam ah a pan ah, kei a ding ah vai ei hawm piak masang sia chu, Lalpa chung ah thil ka la hi’khial tâk ziakin, a lungnatna paw zing ta’ng ka. Ama’n vâk ah ei puidok intin, tichun, a dikna chu mu ta’ng ka.

2 KORINTH 13:7

Ahi’n, thil la sukkhial lona ding un Pathian kiang in ka don a; zia chu keihaw doi um ah ka lat theina ding uh hilo in, a pha taphot la hitheina ding uh ahi zawi, kei uh chu doilo gual in um ta leng uh le,

1 THESSALONITE 5:23

Chamna Pathian ngei chun la pum un hi’thiangtho ta hen; chuleh, la thagau uh leh, la lungthim uh leh, la taksau chu I Lalpa Jesu Khrista hung tiang ah thiangtho leh demna bei in um ta hen.

2 TIMOTHI 4:18

Lalpa chun thil phalo ei dote zosia lak ah ei hukdok intin, a van-gam chu bit tak in ei tun in a. Ama kiang ah chun lopina kumtuang in um ta hen. Amen.

VAIHAWMTE 5:2

“Israelte lak ah kithutuakna a um zing in, mipite kiphal tak ah a hung kipiakdaw phat un, Lalpa chu pâk un!

1 SAMUEL 24:15

Ziaziakchun, nang tawh kei chungchâng ah hin Lalpa‘n vaihawm hen la, a dik leh a maw khen ta hen. Enchian hen la, ei panpi in, nang ah kipat in ei hukdok ta hen! ti’n a gen tai.

1 SAMUEL 25:26

Tu’hin, ka lalpa, Lalpa hinna leh nangma hinna sâl in ka gen ahi; thisan sua lo ding leh nangma ngei in phuba la lo dingin Lalpa‘n a hun tûktân ziakin; tu’hin vang, la mêlmate leh ka lalpa chung ah thil phalo bawl gaw tapo chu Nabal tawh bang in um mai tau hen.

1 SAMUEL 25:32

Ziaphatchun, David in Abigail kiang in, “Lalpa, Israelte Pathian, tu’ni ka mu ding ah nang hun sawlpa chu pâk in um ta hen!

1 SAMUEL 25:34

Lalpa, Israelte Pathian in nang hun suna lo ding ah ei tutâng dingin nang hi a hun sawl la hi hih; ka kiang ah kin tak ah hung lo hilechin, matheilo in jing khua hung vak leh Nabal chu, pawsal khat chale hawi lo ah hung that gam ding ka hiu,” ti’n a dawnhu a.

1 SAMUEL 25:40

David suakte chu Karmel ah Abigail kiang a vatun phat un, a kiang in, “David in a ji ding ah nang pui ding ah ei sawl uh ka hiu,” a tiu a.

1 SAMUEL 26:10

Chuleh, David in, “Lalpa hinna sâl in ka gen ahi: Lalpa‘n ama chu that na’n ah; ahiloleh, a hinkhua bei ni hung tung intin, gâlmun ah le a hinkhua la thei ahi.