1 SAMUEL 25:38 - PATHIAN LEKHABU THIANGTHO (BSI)

³⁸ Ni sawm ding vêl zaw ah chun, Lalpa‘n Nabal chung in a khut a tha ta’n; tichun, a thiden tai.

1 SAMUEL 25:38 ပူးပေါင်းရင်းမြစ်များ

1 SAMUEL 26:10

Chuleh, David in, “Lalpa hinna sâl in ka gen ahi: Lalpa‘n ama chu that na’n ah; ahiloleh, a hinkhua bei ni hung tung intin, gâlmun ah le a hinkhua la thei ahi.

NASEPTE 12:23

Ziaphatchun, ama’n Pathian kiang ah lopina a piak lo ziakin, Lalpa vansawlchâk in phutlo in a gawt ah, gûlkût in a ne, a thi tai.

2 KHANGTHU 10:15

Tichun, lengpa chun mipite thugen chu a ngaisak ta pua; Lalpa chun Shilon khua’ Ahijah kiangah, Nebat chapa Jeroboam kiangah a thutiam dungzui ah a guitun theina ding ah, Pathian in a chuti bawlsak chu a la hi’ngal a.

2 LENGTE 19:35

Zia jan ma ma’ chun, Lalpa vansawlchâk a hung ah, Assuria mite kikulna mun ah sepaite nuai khat leh sîng giat leh sang nga a that ah; jingkal khawvak phatin, a thisa ngen a la hitau hi.

2 LENGTE 15:5

Zia hun lai ah chun, Lalpa‘n lengpa chu a hun gawt ah, a thi tiang in a phâk zing ah, a chuam in a umsak ui. Ziaphatchun, lengpa chapa Jotham chu a gam pumpi leh a Inkuante zosia chung ah vaihawm in a pang tai.

2 SAMUEL 6:7

Uzzah chung in Lalpa lungnatna a hung puang ta’n; thuthung thingkuang a khut ah a tûk ziakin, Pathian in a chung in khut a tha ta’n, Pathian thuthung thingkuang kiang in a thi den ngal tai.

1 SAMUEL 25:33

Tu’ni thisan sua lo ding leh ka khut ngei ah phuba ka lâk lona ding ah ei tutâng la ngaituana pha chu pâk in um hen la, nangma ngei chu pâkchâk in um ta’n!

1 SAMUEL 6:9

Chuleh, en zui un; Beth-shemesh lam a zot chun a gam lam uh zuan hi ding a hiu; ziaphat chuleh, zia gual ah natna hun tut hi ama ziak ahi ti kichian ta’nah; achutiloleh vang, ei gawt hi ama khut hilo ahi ti hetthei hin tin, a tung ding mawng ahi ti kihechian ta’nah,” ti in.

PAWTDAWNA THU 12:29

Jankim lai tak in Lalpa chun Aigupta gam pumpi cha upa pen zosia, lalchutpha ah chu Pharaoh chapa upa pen ah kipat suangkul mun thim ah umpa chapa upa pen tiang leh gancha suak masa pen zosia tiang in a hun that gam ta’n.

1 SAMUEL 25:37

Jingkal in, Nabal chu a zudawn kham le a hung pha ta’n; a ji chun thil um dante chu a hil phat in, a lungphût a chawl in, suangtum gual ah khawhelo in a um tai.

2 KHANGTHU 13:20

Abijah damsung in Jeroboam chu a kiduadok kit zo ta puai; Lalpa khutlum thuak in a thi pai tai.

SAM 104:29

La mai la sêlguk phat leh a lungjing sek un; a hat uh la lâkpiak phat leh a thiu a, leivui a suak kit ta sek ui.

SAM 73:19

Bangtidan a hem mitphet kâl sung bep ah, huaisia tak ah hi’châkvai ah a um ziang tâk uh hi!