1 SAMUEL 25:36 - PATHIAN LEKHABU THIANGTHO (BSI)

³⁶ Abigail chu Nabal kiang a hung tung kit ah; ama chun lengpa gual ah a In ah luaithe’na thupi tak a siam lai tak ahi’n. Nabal chu zu a dawn kham ziakin, lungthim nuam tak in a la um ah; tichun, jingkal lam ah khawvak masang sia bangma a hil puai.

1 SAMUEL 25:36 ပူးပေါင်းရင်းမြစ်များ

2 SAMUEL 13:23

Kum ni nung in Ephraim kiang ah Baal-hazor ah chun Absalom in belam mulmêtna a nei ah, zia tak ah pang ding ah chun lengpa chapate zosia le a chial a.

2 SAMUEL 13:28

Ziaphatchun, Absalom in a suakte chu thu a pia’n, “Amnon zukham ah lim tak ah a hung um hun chu a la entha zing unla; chuleh, keima’n la kiang ua, ‘Amnon chu sat un,’ ka hun ti phat leh ama chu la tha ziang diu ahi. Lau kiu in; keima thu hun piak hilo a hem? Hang tak leh kipawsalsak tak in um un,” a tia.

2 SAMUEL 3:20

Abner chu mi sawmni tawh kiton in, Hebron ah David kiang in a hung un, David chun Abner leh a lawite â dingin luaithe’na a siam tai.

1 LENGTE 20:16

Sûnchang lai tak in a kuandok tau a; Ben-hadad in ama pankhawmpi leng sawmthum leh nite tawh uain a dawn kham lai tak uh ahi’n.

SAM 112:5

Huangphal tak ah thunglâk sak ah, dik tat tak ah bangkim bawltu chu, phatna’n a vuk sek hi.

THUPILTE 20:1

Zu hin mi a suchavai ah, zukha hin mi a kinaksak hi; kuale zia haw bawl taphot chu mipil ahi puai.

THUGENTU 10:19

Limna dingin luaithena siam ahi’n, uain in hinna a hitai in; dangka chu thil zosia awnghukna’n a pang hi.

ISAI 28:3

Ephraim zukhamte kiletsakpi, pakcha lal lukhuk chu a keng in chuan dên ding ahi.

ISAI 5:11

E he, nang uh zudawn ding ah jingkal matak ah tho ah, nitâk jan sawtpi pi zudawnna chêngthuak den sekte;

JEREMIAH 51:57

A milian leh a mi pilteu, gam awpte, vaihawmte leh, a sepai hangsante natiang in dawn khamsak ding ka hi; lum den intiu in, khanglo kit ta pua’n au; Lengpa, a min Sepai honte Lalpa chun a ti ahi.

HOSEA 4:11

Zu leh zu thak chun a hetthiamnau a lamang hi.

NAHUM 1:10

Linggui kiphanchak gual ah phanchak in a um tau in, zungolveite gual in a kham zo tau; bupawl keugawp mei in a kâttum gual in a um zo tau hi.

MATTHAI 10:16

Ngai un, ngei hon lak ah belam um gualin ka hun sawl la hiu hi; tichun, gûl gual ah pil, vakhu gual ah poikhoi lo in um un.

LUKA 14:12

Chuleh, a chialpa kiang ah chunle, “Sûn a hem, jan a hem ah gualvâkna la siam tak leh, la gualte, la suapite, la chanaute leh la Invêng ah mihausate chu ko kin; achutiloleh, amau haw chun hun ko thuk kit pai intiu in, din zo kit kha’n au.

LUKA 21:34

La lungthimteu chu nêk papna leh zu duna leh, zia khawvel dam sung ngaituanate ah la kisukbuai lai tak ua leh, la kigin lo lai tak ua a hung tun phut ziang lona ding in, kiging zing in um un.

ROMTE 13:13

Sûn ah khawsa gual ah pha tak in um hitiu; zudawn buai leh zukham ah umlo in, hûk leh kidoicha umlo in, kina’ leh kithangsia umlo in;

EPHESA 5:14

mu thei ah hung um zosia chu vâk ah mi ahi ngal in. Ziaziakchun, “Nang ipmu hak inla, mithi lak ah kipat hung tho ta’n, chutileh, Khrista chun vakna hun pia’n a,” a la tii.

EPHESA 5:18

Zukham in um kiu in; zia ah chun kisûm lona a um sek hi; zia sâng ah chun Thagau in dim zaw tau in.

1 SAMUEL 25:19

a tangvalte kiang in, ka ma lam in a la chia pek unla, la nung un hung ding ka hi, a tia. Zia thilte chu a pawsal Nabal a hil puai.

1 SAMUEL 25:37

Jingkal in, Nabal chu a zudawn kham le a hung pha ta’n; a ji chun thil um dante chu a hil phat in, a lungphût a chawl in, suangtum gual ah khawhelo in a um tai.