1 SAMUEL 25:24 - PATHIAN LEKHABU THIANGTHO (BSI)

²⁴ A kengbul ah bokkhup in, David kiang ah chun, ka Lalpa, zia thilphalo hi kei ei ngaw inla; lungsiat tak in, la suak hi la kiang ah thu gensak inla, la suak thugen hi ngai tiam in.

1 SAMUEL 25:24 ပူးပေါင်းရင်းမြစ်များ

THILSIAM THU 44:18

Ziaphatchun, Judah chun Joseph a vanai ah, “Aw he pu, lungsiat tak in he pu, la suak hi la kiang ah thu kam khat ei gensak inla, la lungnatna chu la suak chung ah hin kuanjaksak ziang kin; nang chu Pharaoh tawhbang bang la hi’ngal in.

2 SAMUEL 14:12

Ziaphatchun, numei chun, “Ka lalpa, lengpa kiang ah hin lungsiat tak in la suak hi kam khat bêk ei gen sak nalai in,” ti’n a don ah. Ama chun, “Gen ta’n la,” a tia.

2 SAMUEL 14:9

Tekoa numei chun lengpa kiang in, “Ka lalpa, lengpa, keima leh ka Inkuan in zia chung thu hi mawpaw mai ing ka tiu in, lengpa leh a lalchutpha chu thiammaw chang kiu hen,” ti’n a gen a.

2 SAMUEL 20:17

Ama chun zia nu kiang chu a hun nai ah,; numei chun, “Joab chu la hi em?” ti’n a dong a. Joab in, “Aw, ka hi,” ti’n a dawnhu a. Ziaphatchun, a kiang in, “La suak thu gen hi ngai in,” a tia; ama’nle, “Ka ngai hi,” a tia.

2 LENGTE 4:37

Amanu chu a hung in a kengbul in a hung bokkhup ah, lei tual ah chun a a mai ah leisi’n chibai a bûk ah; chun, a chapa chu kipai kawm in a chia tai.

ESTHER 8:3

Chuleh, Esther in Lengpa kiang in thu a gen kit a; a kengbul ah bokkhup in, kap kawm kawm in Agag mi Haman in Judate chung ah thil phalo a bawl guat dante chu sudanglam dingin a don tai.

THUPILTE 25:15

Dawtheina’n vaihawmtu a thunun thei a, kamsuak nem in gu leh châng a hi’bong thei hi.

THUGENTU 10:4

Vaihawmtu la chung ah a lungnat pêt in, la umna mun chu nusia ziang kin; thipbek ah la umtheina ziakin, sukkhialna nasa tak le a hi’dam thei hi.

MATTHAI 18:29

A suak chanpipa chun, a kengbul ah bokkhup in, ka chung in jangai in, a leng in hun din kit sik sek na’ng ka, a tia.

1 SAMUEL 24:8

A nung ah chun David le a kipandok ah, kawlhawm ah kipat chun a pawtdok ah, Saul chu a vak gâl ko ah, “Ka hotupa, lengpa!” a ti’n. Saul in a et phatin, David in leitual si’ bokkhup in jana a pia tai.

1 SAMUEL 25:23

Abigail in David a mu phât in, sabiltung chung ah kipat hung kum in, David ma-âng ah chun lei tual si’n a bokkhup ta mai a.

1 SAMUEL 25:25

Ka Lalpa, zia mi umdan helo, Nabal hi bangma’n ngai dâ mai in; ama hi a min gual gual hi mai ahi; a min hi Nabal ahi gual ma’n, mingol ahi; keima la suak hin, ka Lalpa tangval hun sawlte kha ka la mu pua ahi.

1 SAMUEL 25:28

Lungsiat tak in, la suakpa bawlkhialna hi ngaidam in; ka lalpa hin Lalpa mêlmate do la hiziak in, Lalpa‘n ka pu Inkuan hidet in tin, la dam sung sia thil phalo him him kimu lo ding ahi ngâl a.