1 SAMUEL 25:13 - PATHIAN LEKHABU THIANGTHO (BSI)

¹³ David in a sepaite kiang ah chun, la kawng un la chemjam uh vop chiat un! a tia. Tichun, a chemjam uh a kawng un a vop chiat tau ah, David inle a chemjam a vop ah; sepai za li ding vel in David a zui un, za ni vel chu a vanteu vêng dingin a nusia tau hi.

1 SAMUEL 25:13 ပူးပေါင်းရင်းမြစ်များ

2 SAMUEL 15:18

A milian leh lalte zosia’n a hun makhel tau ah; ama vengtu Khereth mite, Peleth mite leh Git mi za guk Gath khua kipat hun zui zosia chunle a hun makhel tau hi.

THUPILTE 14:29

Hetna thûk tak nei mi chu a lung a niang in; mi lungchom chun a ngolna a taklang hi.

THUPILTE 16:32

Mi lungdia thei chu thagum hat sâng in a phazaw hen; a lungnatna kisûm zo mi chu, khawpi la zo mi sâng in a pha zawi.

THUPILTE 19:11

Lunggêl thei mi chu a lungna vak pua hen, mi phatlona kihiatmawsak chu a lopinau ahi.

THUPILTE 19:2

Hetna bei ah thil khat doina mai chu a pha pua hen; kalsuan kin-gang talua chule chotkhialna ahi.

THUPILTE 20:22

“Thil phalo chu keima’n thuk kit na’ng ka,” ti kin; Lalpa ngâk lechin, ama’n hun panpi in a.

THUPILTE 25:8

La mit in a mu taphot vaihawmna ma ah hêk dingin tut ziang kin; a tawp ah la Invêngte’n a hun himualpho phat leh, a law ngaina helo in um ziang khan la.

JOSHUA 9:14

Tichun, upate chun a nêkthei puakteu chu a nêkpi tau ah, Lalpa ah kipat thuhilna vang a don puau a.

1 SAMUEL 22:2

Mi lungdongte, leiba neite leh a lung awi lo taphot a hung khawm un; amau lak ah hotu’n a hung pang tai. A kiang ah umte chu za li lam hial a ting tau a.

1 SAMUEL 23:13

Ziaphatchun, David tawh a sepaite, mi za guk ding vel chu a kipandok un, Keilah khua a nusia tau a; a chiatheina lam lam un a vâkvai tau a. Keilah khua David in a nusia tai ti Saul a hil phat un, a do ding ah kuan a guat uh chu a haisan tau hi.

1 SAMUEL 25:12

Tichun, David tangval sawlte chun a hun nusiau ah, a hung tun kit phat un a thugen zosia chu a hil tau hi.

1 SAMUEL 27:2

Tichun, David a kipandok ah, a kiang ah um sepai za guk chu tawh, Gath khua Maoth chapa, Lengpa Akhish kiang in a chia tau hi.