1 SAMUEL 25:10 - PATHIAN LEKHABU THIANGTHO (BSI)

¹⁰ Himaleh, Nabal in David suakte kiang ah chun, David chu kua a hem? Jesse chapa la tiu chu kua a hem? Tu’lai ah hin suak a puteu ah kipat tai mang a tam tau hilam.

1 SAMUEL 25:10 ပူးပေါင်းရင်းမြစ်များ

2 SAMUEL 20:1

Zia lai chun, Benjamin phung ah mi Bikhri chapa, mi dukdak lo Sheba kiti hi a um in. Ama chun pengkul a mut ah, zia gual hin tâng a sam ta’n: “David ah hin bangma chan I nei puau hi, Jesse chapa ah hin chanvo I nei puau hi! Aw Israelte haw, la puan In lam chiat un chia tau in!” ti’n tâng a sam tai.

1 LENGTE 12:16

Israelte zosia chun lengpa’n amau a ngaisak puai ti a het phat un, mipite chun lengpa kiang in, “David ah pat bang chan I nei ua a hem? Jesse chapa ah gochan bangma I nei puau hi. Aw Israelte haw, la puanbûk lam un chia kit tau in! Aw David, la Inkuan ki-etphat mai in,” ti’n a dawnhu tau a. Tichun, Israelte chu a puanbûk lam chiat un a kihemdok zo tau hi.

PAWTDAWNA THU 5:2

Himaleh, Pharaoh chun, “Israelte ka chiasak ah, a thu ka ngai ding Lalpa chu kua a hem? Zia Lalpa chu ka hepua’n, Israelte chu le pawt daw sak lo ding ka hi,” a tia.

THUPILTE 15:1

Nêm tak ah dawnhuna chun lungnatna a dai sak sek ah; dangkhau in vang lungnatna a choktho sek hi.

THUGENTU 7:10

“Bang ding ah tu’lai hun sâng ah, malai hun kha phazaw a hem?” ti kin. Zia la dotna hi pilna ziak ahi paw’ngal a.

ISAI 32:5

Mingol chu ngaisân um kiti ta pua’n tin, michavai chule mi ja-um kiti diak ta pua’n a.

ISAI 32:7

Michavaite chu chavai tak ah um in, thil phalo ngen a ngaituau a; migentheite siatna ding ngaitua’n zuau a gen un, mitasamte dikna thu le a le’lam in a heimang sek ui.

VAIHAWMTE 9:28

Ebed chapa Gaal chun, “Abimelekh la tiu chu kua a hia, ei haw Shekhem ah umte hi kua I hiu ah a hem a na I sep mai ding uh chu? Jerubbaal chapa leh a khawnbawl Zebul in Shekhem pa Hamor mite na a la sep uh hilo a hem?

1 SAMUEL 20:30

Ziaphatchun, Saul chu Jonathan chung in a lungna ma ma ah; a kiang in, “Nang, numei dukdak lo leh lochalnu chapa hin, Jesse chapa kha nangma leh la nu sukmualphona ding ah la la têl a hi ti he lo ah lei bawl a hem?

1 SAMUEL 22:2

Mi lungdongte, leiba neite leh a lung awi lo taphot a hung khawm un; amau lak ah hotu’n a hung pang tai. A kiang ah umte chu za li lam hial a ting tau a.

1 SAMUEL 25:9

David tangval sawlte chu Nabal kiang a tun phat un, a thu vaithâk zosia chu David min in a gen tau a; tichun, a ngâk zing tau hi.