1 SAMUEL 25:1 - PATHIAN LEKHABU THIANGTHO (BSI)

¹ Samuel a thi ta’n; ama sûn dingin Israel mite zosia a hung khawm tau a. Ramah khua a In mun ah chun a vui tau hi. Ziazaw chun, David a kipandok ah, Paran gamthip lam zuan in a chia suk tai.

1 SAMUEL 25:1 ပူးပေါင်းရင်းမြစ်များ

THILSIAM THU 14:6

Seir tâng gam leh El-Paran, gamkeu nai ah um tiang ah chêng Hor mite chule a hung that gam tau a.

THILSIAM THU 21:21

Paran gamthip ah chun a chêng den ta’n; a nu chun Aigupta gam ah mi a ji dingin a vapui piak tai.

THILSIAM THU 23:2

Sarah chu Kanaan gam ah Kiriath-arba khua (Hebron le kiti sek) ah chun a thi tai; tichun, Abraham chu Sarah sûn ah kap dingin a chia ta’n.

THILSIAM THU 50:11

Zia gam ah Kanaan mite chun Atad phualjawl ah a mithi sûn uh chu a muu in, “Zia hi Aiguptate mithi sûnna nasa tak ahi,” a tiu a. Zia mun min ding chun, Abel-mizraim a sak tau ah; zia chu Jordan lui gâl ah um ahi.

1 LENGTE 2:34

Tichun, Jehoiada chapa Benaiah chu a chia to ah, a chung in a khut a tha ta’n, a that tai; chuleh, ama chu gamthip ah a In ah chun vui ahi tai.

2 LENGTE 21:18

Tichun, Manasseh chu a pu leh pate kiang in a ipmu ta’n, ama In ûmna huang sung ngei ah chun a vui ua; zia chu Uzza huan kiti kha ahi; a chapa Amon in a thasâng in vai a hun hawm tai.

2 KHANGTHU 33:20

Tichun, Manasseh chu a pu leh pate kiang in a ipmu ta’n, ama In ah chun a vui tau hi. Ama chapa Amon in a thasâng in vai a hawm tai.

SAM 120:5

Meshek gam ah malzin ah, Kedarte puanbûk lak ah ka chên hi, ka chung a gik na lawm lawm e!

ISAI 14:18

Namtin lal zosia lopi tak in, amau thân chiat un a lum tau a;

ZEKARIAH 1:5

La pu la pateu khoi ah a um zo tau em? Jawlneite le kumtuang in a dam ua a hem?

KISIMNA LEKHABU 10:12

Tichun, Israelte chu Sinai gamthip ah kipat in a pawl pawl in a kizawtdok un; chuleh, sûmpi chu Paran gamthip in a kichawl tai.

KISIMNA LEKHABU 12:16

Ziazaw chun, mipite chu Hazeroth ah kipandok in, Paran gamthip in a giak malam tau ahi.

KISIMNA LEKHABU 13:26

gam entha chiate chun Kadesh mun, Paran gamthip ah chun Mosi tawh, Aron tawh, Israelte zosia kiang in thu a hun tut kit tau a; a gam ah theigate chule a etsak un.

KISIMNA LEKHABU 13:3

Tichun, Mosi chun Lalpa thupiak gual in, Israelte lakah luchang chiat chu Paran gamthip ah kipat in a sawldok tai.

KISIMNA LEKHABU 20:29

Mipi zosia’n Aron a thi tai ti a het phât un, Israel Inkuan zosia’n Aron sûnna ni sawmthum a nei tau a.

NASEPTE 8:2

Pathian ngaisak lawi khat chun, Stephen luang chu a vui un, ngai tak in a sûn tau hi.

DAN LEKHABU 34:8

Moab phâijang ah Israelte’n Mosi chu ni sawmthum a sûn ua; tichun, Mosi a sûnna hun uh chu a bei tai.

1 SAMUEL 1:19

Jingkal ma takah tho in Lalpa a ho tau ah; Ziazaw chun, Ramah khua a In lam uh zuan in a chia kit tau a. Elkannah in a ji Hannah chu a luppi ah; tichun, Lalpa‘n ama chu a hezing hi.

1 SAMUEL 28:3

Samuel chu a thi ta’n, Israelte zosia’n a sûn un, ama khawpi Ramah ah chun a vui tau a. Saul in phunsânte leh dawithiamte zosia chu a gam ah kipat in a la naw mang zawsa ahi tai.

1 SAMUEL 7:17

Chuleh, a chênna mun ahi ziakin, Ramah lam in a hung kit sek ah; zia mun ah kipat chun Israelte chung ah thudik in vai a hawm ah, zia tak ah chun Lalpa â dingin mâichâm pakhat a siam tai.