1 SAMUEL 24:9 - PATHIAN LEKHABU THIANGTHO (BSI)

⁹ David in Saul kiang ah chun, bang ding ah la kiang ah, David in hun thalup gua ahi, tite thugen taksang ziang la hem?

1 SAMUEL 24:9 ပူးပေါင်းရင်းမြစ်များ

SAM 101:5

A Invêngte a gûk ah minsiat sak gawte chu, hi’mangthai ing ka. Mi kiletsak leh mi huhamte chung in dawthei pua’ng ka.

SAM 141:6

Amau thiamlo chansak dingte kiang ah piak daw ahi’phat leh, ka thugente hi a phat dan hun he ta’n au.

THUPILTE 16:28

Mi lungkawi chun kituaklona a siamdok sek a, mi hoguk chîng mi chun gual leh pâi phate a khen jak sek hi.

THUPILTE 17:4

Thil phalo bawlte chun paukam phalo a ngaichâng zing un; mi lepchia inle thusia lam in a bil a daw sek hi.

THUPILTE 18:8

Kihogûkna mûk phun hi an tui tak gual ahi’n; taksa sunggil in a lut suk sek hi.

THUPILTE 25:23

Mâl thigua’n gua a hun puak lut gual hin, mi a umlona gensiat chîng chun, lungnatna mêl a tunsak sek hi.

THUPILTE 26:28

Lei zuauthei chun ama hi’liamte ma chu a muda sek in, pakchakna lêm kam chun thil a bawlsia sek hi.

THUPILTE 29:12

Vaihawmtu’n zuau thu a ngaisak chun, a vaihawmpite zosia a hi’gilo hi.

JEREMIAH 37:18

Chuleh, Jeremiah in Lengpa Zedekiah kiang in zia gual hin a gen nalai a: “Nangma tawh, la suakte tawh, zia mipite chung ah hin bang ka bawlkhial ah, suangkul ah lei khum a hem?

THIAMPUTE LEKHABU 19:16

Zuau gen ah mi lawttua in vak lumlet kin la, la Invêngte manthaina dingle hawl diak kin, Keima hi Lalpa la Pathian ka hi’ngâl a.

JAKOB 3:6

Lei hi meikuang ahi. Lei hi I taksa bâkte lak ah gitlona bûk ahi’n; taksa zosia a subuak ah, pianken nungchang zosia a kâksak ah, zia ma chu gawtmun mei in a kâng sek hi.

1 SAMUEL 20:1

David chu Ramah lam ah Naioth ah kipat in a taimang ah. Jonathan kiang in a hung ah, a kiang in, bang ka bawl ziak a hem? Bang a hem ka gitlona? La pa chung ah le bang bawlkhial ka nei ah, thalup ding ei guat a hem? ti’n a dong a.

1 SAMUEL 20:41

Tanglakpa chia mang zaw zaw ah chun, David chu suang kisia khawm pang ah kipat chu hung pawtdok in, a mai ah leitual si’n a bok khup a. Thumvei hial a bok khup ah, a kichawptuau ah, a kikâ khum ta mai un; David chu a thasia zaw diak hi.

1 SAMUEL 24:10

Tu’ni ma ma hin la hinna Lalpa‘n kawlhawm ah khan ei la pia ta ahi, ti la mit ngei in la mu tai; mi khenkhat in that ziang in ei tiu ah; ahi’n, la hinna ka hawi piak la hi. A kiang un, ka hotupa chung in ka khut tha pua’ng ka, ama chu Lalpa sathaunu’ ahi ngâl in, ka ti ahi.

1 SAMUEL 24:8

A nung ah chun David le a kipandok ah, kawlhawm ah kipat chun a pawtdok ah, Saul chu a vak gâl ko ah, “Ka hotupa, lengpa!” a ti’n. Saul in a et phatin, David in leitual si’ bokkhup in jana a pia tai.

1 SAMUEL 26:18

bang ding ah ka lalpa‘n a suakpa hi tha gua delzui zing a hem? Bang ka hun law ah a hem? Ka khut in bang bawlkhial ka nei em?

1 SAMUEL 26:19

Tu’hin, ka lalpa, lengpa chun a suak thugen hi a la ngai in. Keima thalupna ding ah hun tîl chu Lalpa ahi chun, a kiang ah kithoina thilpiak chu pom ta hen; himaleh, a hun tîl chu mihing ahileh vang, Lalpa ah kipat ka gochan ding lai nusia in, ‘Chia inla, pathian dangte na sêm in,’ ei ti ziakin tu’ni tiang ah del châkvai ah ei umsak ziakin, Lalpa ma ah hânsia law in um tau hen.