1 SAMUEL 23:9 - PATHIAN LEKHABU THIANGTHO (BSI)

⁹ David in ama do ding ah Saul hung kuan ding ahi ti a la het phat in, thiampu Abiathar kiang in, “Thiampu puanâk Ephod kha hun la tiam in,” a tia.

1 SAMUEL 23:9 ပူးပေါင်းရင်းမြစ်များ

1 LENGTE 2:26

Lengpa chun thiampu Abiathar kiang in, “Anathoth ah la gam lam ah chia mang in; thi tâk la hi. Himaleh, Ka pa David âng ah Lalpa Pathian thuthung thingkuang la jawn sek ziak leh, ka pa a sukgentheinau ah la la gentheipi ziakin, tu’hun ah hin hun that ziang lo ding ka hi,” a tia.

JEREMIAH 33:3

Ei ko in, chutileh hun dawnhu ing ka tin, la het ngai lo thil thupi takte leh kisêlgute hun hil ding ka hi.

HOSEA 3:4

Israelte chu hun sawt tak leng leh lal chapa neilo in, kithoina leh dawikhuam bei ah, thiampu awmphaw leh milim pathian le nei lo ah hung um ding a hiziak un.

KISIMNA LEKHABU 27:21

Ama chu thiampu Eleazar ma-âng in ding intin, Lalpa ma-âng ah Urim ah thutanna chu dot piak sek intin; ama thu’ pawtdok in, ama thu ma ah lut intiu in, ama tawh a kiang ah Israel mipi um khawm zosia kiton in au,” a ti’n.

NASEPTE 14:6

apostolte chun a la hiau ah, Lustra leh Derbi leh Lukaonia gam ah khuate leh a kiangvêl ah khuate ah chun a jam mang tau a;

NASEPTE 9:24

ahi’n, a thiltup uh chu Saul in a la he ta’n. Amau haw chun a thatheina ding un, kul kotkhak zosia chu a sûn a jan in a châng tau a;

1 SAMUEL 10:22

Tichun, Lalpa a dong kit ua, “Ama chu zia hi hung pang lo a hem?” ti in; chuleh, Lalpa‘n, “En un, van lak ah kisel ahi,” ti’n a hun dawnhu a.

1 SAMUEL 14:18

Saul in Ahijah kiang in, Pathian thuthung thingkuang kha hun la tiam un, a tia. Zia hun ah chun Pathian thuthung thingkuang chun Israelte kitonpi zing ahi.

1 SAMUEL 22:20

Himaleh, Ahitub chapa Ahimelekh chapate lak ah pakhat, a min Abiathar chu a suakcha’n, David a zui tai.

1 SAMUEL 23:10

David in, “Aw Lalpa, Israelte Pathian, la suakpa hin keima ziak ah Keilah khua do ding ah Saul hung kuan ding ahi ti ka la he hen.

1 SAMUEL 23:6

Ahimelekh chapa, Abiathar in Keilah lam ah David kiang ah a jam lai ah chun, thiampu puanâk Ephod pakhat a la paw tung a.

1 SAMUEL 23:8

Saul chun, Keilah lam ah chia suk ah, David leh a lawite zosia vaman dingin, a sepaite zosia chu a ko khawm a.

1 SAMUEL 30:7

David chun Ahimelekh chapa thiampu Abiathar kiang in, “Thiampu puanâk kha hun la tia,” ti’n a don a. Tichun, Abiathar in Ephod chu David kiang in a hun chawi a.