1 SAMUEL 23:4 - PATHIAN LEKHABU THIANGTHO (BSI)

⁴ Ziaphatchun, David in Lalpa a dong kit ah, Lalpa chun, “Keilah ah chun chiau in; Philistinte chu la khut ah hun pia ding ka hi’ngâl a,” ti’n a hun dawnhu a.

1 SAMUEL 23:4 ပူးပေါင်းရင်းမြစ်များ

2 SAMUEL 2:1

Zia nung ah chun, David in Lalpa chu a dong a, “Judai gam ah khawpite pakhat pen pen hi do dingin kuan to ding ka hem?” a ti’n. Lalpa‘n a kiang in, “Kuan to in,” ti’n a dawnhu a. David in, “Khoi tak pen ka zuan diam?” ti’n a dong a. Ama’n, “Hebron zuan in,” ti’n a dawnhu a.

2 SAMUEL 5:19

David chun Lalpa kiang in, “Philistinte do dingin va kuan to ding ka hi em? Amau chu ka khut in lei pia diam?” ti’n a dong a. Tichun, Lalpa‘n, “Kuan in, Philistinte chu la khut ah hun pe ngei ngei ding ka hi,” ti’n a dawnhu tai.

2 LENGTE 3:18

Zia hi Lalpa mit mu ah chun thil neucha bep ahi, Moab la khut un pedok ding ahi.

1 KHANGTHU 14:10

David in Pathian a dong ah, “Philistinte do dingin kuan ding ka hi em? Amau chu ka khut in lei pia diam?” a ti’n. Lalpa chun a kiang in, “Kuan to in, amau chu la khut ah hun pia ding ka hi,” ti’n a gen tai.

JOSHUA 8:7

a nung lam ua la chân-gûknau mun chiat ah kipat hung pawt in, khawpi chu la hun bulu ding uh ahi; Lalpa la Pathian un la khut un hun pia ding ahi ngâl a.

VAIHAWMTE 6:39

Ziaphatchun, Gideon in Pathian kiang in, “Thu khat bep hun gen kit ing ka tin, ka chung ah lungna ziang kin; lungsiat tak in belam mul ah patepna pakhat bep ei etsak kit in; tu’chung ah hin belam mul chu hul sak inla, a kîmvêl ah lei tual chu daitui kiaksak in,” a tia.

VAIHAWMTE 7:7

Ziaphatchun, Lalpa‘n Gideon kiang in, “A khut ah tui luak ah dawn mi za thum te bep hun khenthâk piak ing ka tin, ziate khut ah chun Midiante chu hun pia ding ka hi. A dang cheng chu kile’kit tau hen,” a tia.

VAIHAWMTE 7:9

Zia jan ah chun Lalpa‘n Gideon kiang in, “Tho inla, a giamun uh va bulu in; la khut ah ka piaksa a hita ngâl a.

1 SAMUEL 10:22

Tichun, Lalpa a dong kit ua, “Ama chu zia hi hung pang lo a hem?” ti in; chuleh, Lalpa‘n, “En un, van lak ah kisel ahi,” ti’n a hun dawnhu a.

1 SAMUEL 23:2

David in Lalpa a dong ah, “Zia Philistinte chu do ah chia ding ka hem?” a tia. Lalpa‘n David kiang in, “Chia inla, Philistinte chu vado inla, Keilah khua chu va hukdok in,” a hun tia.

1 SAMUEL 23:3

Himaleh, David sepaite chun a kiang in, “Ngaitia, zia Judai gam ah um hi bawn kilau ma ma ah, Keilah khua Philistin sepaite I vado nâk lai vang ua leh lau um ta law lo ding a hem?” a ti tau a.

1 SAMUEL 23:5

Tichun, David tawh a sepaite chu Keilah ah chun chia in, Philistinte chu a vado tau ah; a ganchateu chu lak piak in, tam tak a that tau a. Tichun, David in Keilah khua chêngte chu a hukdok tai.

1 SAMUEL 28:6

Saul in Lalpa kiang ah thu a dot phatin, Lalpa‘n mang lam hileh, Urim hileh jawlneite mang inle a dawnhu ta puai.

1 SAMUEL 30:8

David in Lalpa a dong ah, “Zia pawlte hi ka delzui diam? Ka delpha nalai diam?” ti in. Ama chun, “delzui in; delpha’n la tin, a khut ua kipat vahukdok kit sik sek ding la hi,” ti’n a hun dawnhu tai.