1 SAMUEL 23:2 - PATHIAN LEKHABU THIANGTHO (BSI)

² David in Lalpa a dong ah, “Zia Philistinte chu do ah chia ding ka hem?” a tia. Lalpa‘n David kiang in, “Chia inla, Philistinte chu vado inla, Keilah khua chu va hukdok in,” a hun tia.

1 SAMUEL 23:2 ပူးပေါင်းရင်းမြစ်များ

2 SAMUEL 2:1

Zia nung ah chun, David in Lalpa chu a dong a, “Judai gam ah khawpite pakhat pen pen hi do dingin kuan to ding ka hem?” a ti’n. Lalpa‘n a kiang in, “Kuan to in,” ti’n a dawnhu a. David in, “Khoi tak pen ka zuan diam?” ti’n a dong a. Ama’n, “Hebron zuan in,” ti’n a dawnhu a.

2 SAMUEL 5:19

David chun Lalpa kiang in, “Philistinte do dingin va kuan to ding ka hi em? Amau chu ka khut in lei pia diam?” ti’n a dong a. Tichun, Lalpa‘n, “Kuan in, Philistinte chu la khut ah hun pe ngei ngei ding ka hi,” ti’n a dawnhu tai.

2 SAMUEL 5:23

David in Lalpa a dot phatin, zia gual hin a hun dawnhu ah: “Va zuan to ziang kiu in; a nung lam un vel unla, begaw thing bul jawn ah chun do un.

1 KHANGTHU 14:10

David in Pathian a dong ah, “Philistinte do dingin kuan ding ka hi em? Amau chu ka khut in lei pia diam?” a ti’n. Lalpa chun a kiang in, “Kuan to in, amau chu la khut ah hun pia ding ka hi,” ti’n a gen tai.

SAM 32:8

La chiana ding lampi chu hun kawk mu in, hun hil ing ka tin; ka mit ah hun entha zing in, lem hun guat piak ding ka hi.

JEREMIAH 10:23

Aw Lalpa, mihingte hi a nop dan dan ua, umthei ahi puau ti ka hia’i, mihing thitheite hin a um ding dan tak un, a kãl uh a suan thei puau hi.

KISIMNA LEKHABU 27:21

Ama chu thiampu Eleazar ma-âng in ding intin, Lalpa ma-âng ah Urim ah thutanna chu dot piak sek intin; ama thu’ pawtdok in, ama thu ma ah lut intiu in, ama tawh a kiang ah Israel mipi um khawm zosia kiton in au,” a ti’n.

JOSHUA 9:14

Tichun, upate chun a nêkthei puakteu chu a nêkpi tau ah, Lalpa ah kipat thuhilna vang a don puau a.

VAIHAWMTE 1:1

Tu’hin, Joshua thi’nung in Israel chate’n Lalpa kiang in, “Keihaw lak ah Kanaan mite do ding ah kuan to masa ding leh amau vado masa ding chu kuate ka hiu em?” ti’n a dong tau a.

1 SAMUEL 10:22

Tichun, Lalpa a dong kit ua, “Ama chu zia hi hung pang lo a hem?” ti in; chuleh, Lalpa‘n, “En un, van lak ah kisel ahi,” ti’n a hun dawnhu a.

1 SAMUEL 14:37

Tichun, Saul in Pathian a dong ah, “Philistinte hi ka vadel zui nalai diam? Amau hi Israelte khut in la pia diam?” ti in. Himaleh, zia ni chun a hun dawnhu puai.

1 SAMUEL 23:3

Himaleh, David sepaite chun a kiang in, “Ngaitia, zia Judai gam ah um hi bawn kilau ma ma ah, Keilah khua Philistin sepaite I vado nâk lai vang ua leh lau um ta law lo ding a hem?” a ti tau a.

1 SAMUEL 23:4

Ziaphatchun, David in Lalpa a dong kit ah, Lalpa chun, “Keilah ah chun chiau in; Philistinte chu la khut ah hun pia ding ka hi’ngâl a,” ti’n a hun dawnhu a.

1 SAMUEL 23:6

Ahimelekh chapa, Abiathar in Keilah lam ah David kiang ah a jam lai ah chun, thiampu puanâk Ephod pakhat a la paw tung a.

1 SAMUEL 30:8

David in Lalpa a dong ah, “Zia pawlte hi ka delzui diam? Ka delpha nalai diam?” ti in. Ama chun, “delzui in; delpha’n la tin, a khut ua kipat vahukdok kit sik sek ding la hi,” ti’n a hun dawnhu tai.