1 SAMUEL 23:17 - PATHIAN LEKHABU THIANGTHO (BSI)

¹⁷ David kiang ah chun, “Lau him him kin; ka pa Saul in hun mai kha ngai ngai lo ding ahi’n; nang hi Israelte chung ah leng ah pang ding la hi; zia tak chuleh, nang zathuap ah pang ding ka hi; ka pa Saul inle zia gual chu hung hiding la hi, ti a henai,” a tia.

1 SAMUEL 23:17 ပူးပေါင်းရင်းမြစ်များ

SAM 118:6

Lalpa kei lam ah pang ahi, lau pua’ng ka. Mihing in bang ei law thei ding a hiu em?

THUPILTE 14:26

Lalpa laute chun muanna det tak a nei un, a chate chunle bitna det tak nei ding a hiu.

THUPILTE 19:21

Mihing lunggil in guanggalna tam tak a um in; ahi’n la, Lalpa doilam bep chu guitung in a.

ISAI 35:3

Khutbân zawngkhâlte chu hi’hat unla, khup zawite chule hihât tau in.

ISAI 35:4

Lungthim dawilokte kiang ah chun: “Kihatsak inla, lau kin! Ngai in, la Pathian chu phuba la ding ah, hung kuan ding ahi’n, tizat um tak ah dit kit ding ah hung intin, nangma hun hukdok ding ahi,” tiu in.

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

ISAI 54:17

Nangma do-na ding ah matchâk kisiam zosia chu, lawting ngai pua’n tin; chuleh, vaihawmna mun ah hun nial, lei taphot chu nialtha ta’n la. Zia hi Lalpa nasêmte gochan leh, keima panpi’na chu ahi, ti’n Lalpa‘n a gen hi.

LUKA 12:32

Lawi tawmchate haw, lau kiu in; lenggam hun piak ding hi la Pau kipakna lam tak ahi ngal a.

NASEPTE 28:16

Rom ka tun phat un, Paul chu sepai pakhat a vêng ding a guat chuam uh chu tawh, a nop dan dan ah umsak dingin a phal piak tai.

NASEPTE 5:39

ahi’n la, Pathian ah kipan ahileh vang, nang un amau chu zo thei pua’n lau; chutitaleh, Pathian tawh kido hung hi’khawlaw nalai ding la hiu!” a ti’n. Ama thugen chu dik a sa chiat tau a.

ROMTE 15:24

Spain gam ah ka chia tak leh, ka chia kawm ah nang uh hun mu ka kinem a. Nangmau hun pawl zet phot in, zia gam ah chia ding ah chun lei hung thak thei uh le ka kinem hi.

HEBRAITE 13:6

Ziaziakchun, ei un hangsan tak in, “Lalpa chu ei panpipa ahi, mihing in bangma ei law ding lau pua’ng ka,” I tithei ui.

1 SAMUEL 20:31

Jesse chapa hi lei ah a dam sung sia, nang hin, la lenggam hileh sukdet in um pua’n ah; a kin thei pen in vakosak inla, hun pui lût in; a thi lo tâk leh aw!” ti’n a dawnhu a.

1 SAMUEL 22:23

Ka kiang ah um den inla, lau kin; ka hinna hawlpa hin nang hinnale a hun hawl hi; ka kiang ah um lechin bit ding la hi,” ti’n a gen tai.

1 SAMUEL 24:19

Zia gual chun min a mêlma sikha leh, kua a hem dam tak ah tha’suak kit ding? Tu’ni ka chung ah la thilbawl phat ziak hin, Lalpa‘n phatna’n hun vuk ta hen.

1 SAMUEL 24:20

Tu’hin vang nangma chu leng ah hung pang ding la hi, ti leh, Israel lenggam hi nangma khut ah tundin hung hiding ahi ti ka hechian tai.

1 SAMUEL 24:21

Ka nung ah ka suan leh pâk hung um dingte sumangthai lo ding leh, ka pa Inkuan ah mite lak ah kipat ka min thaimang lo dingin Lalpa min in thutiam ei bawl piak in,” ti’n a don a.

1 SAMUEL 24:4

David sepaite chun a kiang in, “Tu’ni hivang Lalpa‘n la kiang ah, ‘La gâlte chu la khut ah hun pia’ng ka tin, la nop nop la law ding ahi,’ ti ah a genna hun chu hung tung a hita hi,” a tiu a. Ziaphatchun, David awlchân a chia ah, Saul puanâk chual mong neukhat a va âttha tai.

1 SAMUEL 25:30

Lalpa‘n ka lalpa chung ah thilpha bawl piak ding a la tiam zosia chu la chung ah a bawl ah, nang chu Israelte chung ah leng ah a hun pansak phat leh,