1 SAMUEL 22:7 - PATHIAN LEKHABU THIANGTHO (BSI)

⁷ Saul in a kiang ah ding sepaite kiang ah chun, “Ngai un, nanghaw Benjaminte haw, Jesse chapa hin lou leh grep huante hun pia’n, sepai sang khat chung ah te, za têl chung ah te hotu hun siam ding a hem?

1 SAMUEL 22:7 ပူးပေါင်းရင်းမြစ်များ

2 SAMUEL 18:1

Ziaphatchun, David in a kiang ah sepai um zosia chu a kai khawm ah, sang khat chung ah hotu dingte leh za khat chung ah hotu dingte a guat a.

2 SAMUEL 20:1

Zia lai chun, Benjamin phung ah mi Bikhri chapa, mi dukdak lo Sheba kiti hi a um in. Ama chun pengkul a mut ah, zia gual hin tâng a sam ta’n: “David ah hin bangma chan I nei puau hi, Jesse chapa ah hin chanvo I nei puau hi! Aw Israelte haw, la puan In lam chiat un chia tau in!” ti’n tâng a sam tai.

1 LENGTE 12:16

Israelte zosia chun lengpa’n amau a ngaisak puai ti a het phat un, mipite chun lengpa kiang in, “David ah pat bang chan I nei ua a hem? Jesse chapa ah gochan bangma I nei puau hi. Aw Israelte haw, la puanbûk lam un chia kit tau in! Aw David, la Inkuan ki-etphat mai in,” ti’n a dawnhu tau a. Tichun, Israelte chu a puanbûk lam chiat un a kihemdok zo tau hi.

1 KHANGTHU 12:16

Benjamin leh Judah phung ah mi khenkhat le David kisêlna kulpi lam ah chun a hung ua,

ISAI 11:1

Jesse bulsum hung sel intin, a zung ah kipat in bâk khat hung khangdok in a.

ISAI 11:10

Zia ni phat chuleh, Jesse zung chu namtinte â ding ah tepte’na hung hi’ntin; namtin in ama umna hun kandok ta’n tin uh; tichun, a chênna chu hung lûn ma ma ta’n a.

1 SAMUEL 18:14

Lalpa‘n a umpi ziakin David chu a kiheina lam taphot in a lawting pek a.

1 SAMUEL 20:27

Himaleh, a jing ah thathak kût zaw phat ah chunle David chutna chu a awng in a um nalai a. Saul in Jonathan kiang in, “Jesse chapa hi ja’ni leh tu’ni tiang ah, bang ziak ah luaithe’na hung pang lo ahi em?” ti’n a dong a.

1 SAMUEL 20:30

Ziaphatchun, Saul chu Jonathan chung in a lungna ma ma ah; a kiang in, “Nang, numei dukdak lo leh lochalnu chapa hin, Jesse chapa kha nangma leh la nu sukmualphona ding ah la la têl a hi ti he lo ah lei bawl a hem?

1 SAMUEL 22:13

Saul in a kiang in, “Bang ding ah nang tawh Jesse chapa hin ka siatna ding vaisawm ah, vaithum tawh chemjam la piak tawh, ama â ding ah Pathian la dot piak nalai ah; tu’ni tiang ah hin ei thalupna ding lemchâng hawl a hita hilam?” ti’n a gen hi.

1 SAMUEL 22:9

Edom mi Doeg, Saul suakte chung ah hotupa chun, “Jesse chapa kha Nob khua, Ahitub chapa Ahimelekh kiang in a hung ka la mu’n;

1 SAMUEL 25:10

Himaleh, Nabal in David suakte kiang ah chun, David chu kua a hem? Jesse chapa la tiu chu kua a hem? Tu’lai ah hin suak a puteu ah kipat tai mang a tam tau hilam.