1 SAMUEL 22:3 - PATHIAN LEKHABU THIANGTHO (BSI)

³ Zia tak ah kipat chu David pawtdok in, Moab gam ah Mizpeh a tung a. Moab lengpa kiang in, “Pathian in kei â ding ah bang ei hun bawl piak ding a hem ti ka het masang sia, lungsiat tak in ka nu leh pa la kiang ah hung uh hen la, la kiang ah hung um tadi leu ti ah hung don ka hi,” a vatia.

1 SAMUEL 22:3 ပူးပေါင်းရင်းမြစ်များ

THILSIAM THU 47:11

Joseph in a pa tawh a suapite chu umna ding mun a khual tupsak ah, Pharaoh thupiak dungzui in Aigupta gam phatna pen pen, Rameses mun chu a go ding un a pia tai.

2 SAMUEL 8:2

Chuleh, Moabte le a zo kit ah; amau chu lei tual in a lupsak ah, te’na khauhual in a te’ ah; te’na khauhual chan ni tiang ah umte chu a tha dingte, te’na khauhual tawn khat sung ah umte chu a hawi dingte a hiu. Tichun, Moabte chu David suak in a lut tau ah, sia a choisak tai.

PAWTDAWNA THU 20:12

La nu leh la pa ja in; chutileh, Lalpa la Pathian in a hun piak gam ah hin la dam sung nikhua a sawt theina dingin.

1 TIMOTHI 5:4

Meithâi pakhat chun chate a hem, tute a hem a nei chun, ama Insung ah sakhaw lam ah a mawpuakna zil masa hen la, a nu leh pate chung ah phatna thuk hen; zia chu Pathian mit mu ah kipak um ahi ngal a.

VAIHAWMTE 11:29

Ziaphatchun, Lalpa thagau chu Jephthah chung in a hung tung ta’n; tichun, Gilead leh Manassehte chênna gam chu a chuan suk ngâl a. Gilead gam ah kipat in Mizpah in a gâl kâi ah, zia Gilead gam ah Mizpah ah kipat chun Ammonte gam lam in a gâl kâi tai.

RUTH 4:10

Zia lo ah chunle, mithi chu a min mang lo ah, a golua ding siam piak ding leh, mithi chu a unaute lak leh a umna mun kul kot bul ah a min a manlo’na ding in, zia Mahlon ji meithâi, Moab numei Ruth hile ka ji dingin ka chaw tai, ti tu’ni hin a hiatpite ngen la hitau hi,” a ti tai.

RUTH 4:17

A Invêng numeite chun, “Naomi â dingin chapa pakhat a piang tai,” a tiu ah; a min dingin Obed a sak tau a. Ama chu Jesse pa ahi’n, ama chu David pa ahi.

1 SAMUEL 14:47

Saul in Israelte chung ah leng hi’na a chan phat ah chun, a lang a lang ah a mêlmateu a do ta’n; ziate chu: Moab, Ammon, Edom, Zobah lengpa leh Philistinte a hiu ah; a kiheina lam lam in a zo pek a.

1 SAMUEL 22:2

Mi lungdongte, leiba neite leh a lung awi lo taphot a hung khawm un; amau lak ah hotu’n a hung pang tai. A kiang ah umte chu za li lam hial a ting tau a.

1 SAMUEL 22:4

Moab lengpa kiang ah um dingin a nusia ah, David chu a kul lam a chun a vaum kit tai.

1 SAMUEL 3:18

Tichun, Samuel inle bangma îmlo in a leng in a gendok tai. Ziaphatchun, Eli in, “Lalpa ahi chu lam, pha a sak dan dan in bawl mai ta hen,” a ti tai.