1 SAMUEL 22:17 - PATHIAN LEKHABU THIANGTHO (BSI)

¹⁷ Lengpa chun ama vêng ah pang, a kiang ah dingte kiang ah chun, “Kihei unla, Lalpa thiampute chu that un, David tawh kithukop a hiu; a jam ahi ti he ngâl in ei hil puau hi,” a tia. Himaleh, lengpa sepaite chun Lalpa thiampute chung in a khut uh a tha ngam puau hi.

1 SAMUEL 22:17 ပူးပေါင်းရင်းမြစ်များ

2 SAMUEL 15:1

Zia nung ah chun, Absalom in sakol kângtalai leh sakolte chu a kiguanggal ah, a ma-âng ah tai dingin mi sawmnga le a guanggal a.

1 LENGTE 1:5

Tu’hin, Haggith chapa Adonijah chu ama leh ama kichawisâng in, “Keima hi leng hiding ka hi,” a kitia; a ma-âng ah tai ding mi sawmnga tawh kângtalai leh sakolte a guanggal a.

1 LENGTE 14:27

Lengpa Rehoboam in zia phawte thasâng ding ah chun sum-eng phawte a siam ah; Lengpa In vêngte leh lengpa In kotkhak vêngte lak ah lianpen khut ah chun a kolsak tai.

1 LENGTE 18:4

Jezebel in Lalpa jawlneite a la thâlup lai ah khan, Obadiah in jawlnei za khat a pui ah, kawlhawm khat ah sawmnga nga’n a sêl ah, vaithum leh tui in a la vâk a.)

2 LENGTE 10:25

Hâlmang thillat a piak zaw phat ah chun, Jehu in a vengtute kiang leh hotute kiang in, “Hung lut un la hung that un; kuamacha suachâk sak kiu in,” a tia. Tichun, chemjam in a sat lum tau a. A vengtute leh hotute chun a sepdok zel ua, ziazaw chun, Baal tempul ah Insawng ah chun a lut tau hi.

PAWTDAWNA THU 1:17

Himaleh, naulaidomte chun Pathian a lau un; Aigupta lengpa thupiak gual ah bawl lo in, pawsal nausente chule a la hinghoi sek un.

NASEPTE 4:19

Himaleh, Peter leh Johan chun a dawnhuu ah, “Pathian mit mu ah chun Pathian thu mat sâng ah nang uh thu mat jawk chu dik ding a hem, ti hi ngaituau in;

1 SAMUEL 14:45

Ziaphatchun, mipite chun Saul kiang in, “Zia gual khop ah Israelte hukdawna ding bawldokpa Jonathan chu maw la thalup ding? Thi maijen pua’n ah! Lalpa hinna sâl in ka gen ui; tu’ni hin ama Pathian in a kithuapi ziakin a samzang khat ziang le lei tual ah ketha pua’n ah,” ti’n a dawnhu tau a. Tichun, mipite chun Jonathan a hukdok tau ah, thalup a hita puai.

1 SAMUEL 2:31

Ngai in, nangma hatna leh la pu leh pate hatna ka tan bot ni chu hung tung ding ahi tai; tichun, la Inkuan sung ah kipat kuama têk chan dam um talo ding la hiu.

1 SAMUEL 20:33

Saul in Jonathan kiang ah David a vatha’na dingin a thalpi chu a pia’n; tichun, Jonathan in a pan David tha tei tei gua ahi, ti chu a hechian tai.

1 SAMUEL 22:13

Saul in a kiang in, “Bang ding ah nang tawh Jesse chapa hin ka siatna ding vaisawm ah, vaithum tawh chemjam la piak tawh, ama â ding ah Pathian la dot piak nalai ah; tu’ni tiang ah hin ei thalupna ding lemchâng hawl a hita hilam?” ti’n a gen hi.

1 SAMUEL 22:16

Lengpa chun, “Ahimelekh, nang leh la Insung mite thigam ding la hiu,” ti’n a gen a.

1 SAMUEL 25:17

Ziaziakchun, tu’hin zia chu hia’n la, la bawl ding dan ngaitua in; ka pu leh a Inkuante zosia chung ah thil phalo tak hung tung tawl in ah; ka pu lah a lungchom ziakin bangma genna thei ahi paw’ngâl in, a vati tau hi.

1 SAMUEL 8:11

A kiang un, “Leng khat in la chung ua vai a hun hawm phat leh, zia gual hi hung hi ding ahi: La chapateu kilâk intin, a kângtalai leh a sakolchungchuang sepai dingin hun mat piak in tin; chuleh, a sakol kângtalai âng ah tai masa dingte’n mang in tin;