1 SAMUEL 22:16 - PATHIAN LEKHABU THIANGTHO (BSI)

¹⁶ Lengpa chun, “Ahimelekh, nang leh la Insung mite thigam ding la hiu,” ti’n a gen a.

1 SAMUEL 22:16 ပူးပေါင်းရင်းမြစ်များ

1 LENGTE 18:4

Jezebel in Lalpa jawlneite a la thâlup lai ah khan, Obadiah in jawlnei za khat a pui ah, kawlhawm khat ah sawmnga nga’n a sêl ah, vaithum leh tui in a la vâk a.)

1 LENGTE 19:2

Ziaphatchun, Jezebel in thupawtu pakhat Elijah kiang in a sawl a, “Jing ah tu’hun phat hileh amau hinna gual ah la hinna ka bawl lo ngei ngei leh, pathiante chun kei ei chuti bawl in, a khawk zaw’n le ei bawl uh hen,” ti’n a vagensak a.

ESTHER 3:6

Himaleh, Mordekai chung bep ah khut thâk chu a hawmthaw ta’n. Tichun, Mordekai chu kua mi a hem ti a hilsau ahiziak in, Ahasueras lenggam pumpi Mordekai chipite Juda mi zosia chu bang gual ah sukmangthai ding a hem ti chu Haman in a ngaitua tai.

THUPILTE 28:15

Migentheite chung ah vaihawmtu gilo chu, sakeibaknei hâm leh savom hâng mi del tawhbang ahi.

DANIAL 2:12

Zia a thugen ziak uh chun lengpa a lungna ma ma ah, Babulon ah mipil zosia chu that gam dingin thu a pia tai.

DANIAL 2:5

Lengpa chun Kaldaite kiang ah chun, “Zia hi mipi zosia het ah ka thupuan ahi: Ka mang leh a hilchetna lei hil theilo ua leh, sât tel in um in la tiu in, la In uh le suksiat sik sek hi’n a.

MATTHAI 2:16

Herod in, Mipilte chun ama a lepbawl uh ahi, ti a hetdok phatin a lungna ta ma ma a. Tichun, mi a sawl ah, aksi kilat lai ah mipilte thu a dotna hun dungzui in, Beth-lehem leh a kîmvêl ah naupang kum ni ah pat a nuai lam zosia chu a that tai.

NASEPTE 12:19

Herod in a hawl phat in a mu ta him him pua’n, a ngâkte chu a dawpchian ah, tha dingin thu a pia tai. Peter chu Judea gam ah kipat Kaisaria khua’n a chia suk ah, zia chun a um den tai.

DAN LEKHABU 24:16

Chate gitlona ziakin a pa thalup ding a hipua’n, pate gitlona ziak ah le a chate thalup ding ahi diak puai; mi tin amau gitlona ziak bep ah amau thalup ding a hiu.

1 SAMUEL 14:44

Saul in, “Jonathan, la thi tei tei ding ahi; Pathian in a nop leh a khawk zaw’nle ka chung ah hun bawl mai hen,” a ti ta’n.

1 SAMUEL 20:31

Jesse chapa hi lei ah a dam sung sia, nang hin, la lenggam hileh sukdet in um pua’n ah; a kin thei pen in vakosak inla, hun pui lût in; a thi lo tâk leh aw!” ti’n a dawnhu a.

1 SAMUEL 22:15

Tu’ni bep ah hi ama â ding ah Pathian ko piak ei sa la hem? Hinaisai lo ahi! La suakpa leh ka Inkuanpite pakhat cha hile Lengpa hin ei ngaw him him kin; zia thu chu la suakpa hin bangma hetkhâk ka nei puai,” a tia.

1 SAMUEL 22:17

Lengpa chun ama vêng ah pang, a kiang ah dingte kiang ah chun, “Kihei unla, Lalpa thiampute chu that un, David tawh kithukop a hiu; a jam ahi ti he ngâl in ei hil puau hi,” a tia. Himaleh, lengpa sepaite chun Lalpa thiampute chung in a khut uh a tha ngam puau hi.