1 SAMUEL 21:11 - PATHIAN LEKHABU THIANGTHO (BSI)

¹¹ Akhish suakte chun, “Zia hi gam khat ah lengpa David kha hilo a hia hem? Lâm kawm ah kidawngtua ah La a sak uh: ‘Saul in a sangtêl a that in, David in a sîngtêl a that hi,’ a tiu kha ama hi a tiu hilo a hem?” a la tiu a.

1 SAMUEL 21:11 ပူးပေါင်းရင်းမြစ်များ

SAM 34:1

Bangtik lai inle Lalpa chu chawihoi zing ing ka tin; ama pâkna chu ka kam in pawt zing in a.

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.

1 SAMUEL 19:18

David a tai mang ah, a suakcha ta’n; Ramah khua Samuel kiang a vatung ah, Saul in a chung ah a bawl dan zosia chu a hil a. Samuel tawh kiton in Naioth khua’n a vachêng tau hi.

1 SAMUEL 27:1

David in a lungthim in, “Saul khut ah hin chu ni khat vang thi ngei ding ka hi; kei â dingin Philistinte lak ah kisel khêl ah phazaw a um ta puai; chutileh, Saul in Israel gam paw lam ah ei delzui thei talo ding ahiziak in, a khut ah kipat suakcha hi mai ding ka hi,” ti a ngaitua a.

1 SAMUEL 27:2

Tichun, David a kipandok ah, a kiang ah um sepai za guk chu tawh, Gath khua Maoth chapa, Lengpa Akhish kiang in a chia tau hi.

1 SAMUEL 29:5

Zia hi a kidawngtua ah lâm kawm ah La a sak uh: ‘Saul in a sangtêl a that in, David in a sîngtêl a that hi,’ a tiu David kha hilo a hem?” a ti tau hi.