1 SAMUEL 20:8 - PATHIAN LEKHABU THIANGTHO (BSI)

⁸ Ziaziakchun, la suak kiang ah thu a tak tak ah la tiam tâk ziakin, pha tak in bawl in. Ahi’n, thil bawlkhial ka hileh vang nang in ei that ziang in; bang ding ah la pa kiang ei tut khel khel ding la hi em? ti’n a gen a.

1 SAMUEL 20:8 ပူးပေါင်းရင်းမြစ်များ

THILSIAM THU 24:49

Tu’hin, ka pu chung ah ti tak tak ah hepina la nei ua, dik tak ah la bawl ding uh leh ei hil un; la hilo ding uh leh le ei hil ziang un: Changlam a hem, veilam a hem ah ka kihei theina ding in, a ti tai.

THILSIAM THU 47:29

Israel thi’na ding hun a nai phatin, a chapa Joseph a ko ah, a kiang in, “Tu’hin, la doisakna ka chan ahi chun, ka malpi nuai ah hin la khut hun gol inla, ginum tak leh dik tak ah ei enkol dingin thu tiam in, Aigupta gam ah hin ei vui kin la;

2 SAMUEL 14:32

Absalom in Joab kiang ah chun, “En in, la kiang ah, ‘Hung inla, lengpa kiang ah, Geshur ah kipat bang ding ah hung ka hi em? Zia tak ah chun hung um den mai leng kei â dingin phazaw ding hive’n,’ ti’n ei vagen piak lechin ka tia. Tu’hin lengpa kiang ah ei chiasak inla, mawna nei ka hileh ei that mai hen,” ti’n a gen a.

1 KHANGTHU 12:17

amau lamtua dingin David a vachia ah, a kiang un, “Kei lamah pang ah, ei panpi ding ah hung la hiu leh, ka lungthim zosia’n hun pom ziang ing ka tin; himaleh, ka mêlmate kiang ah ei zuak dingah hung la hiu leh vang, la chung un ka khut tha lo malengle, I pu leh pateu Pathian chun hun muchian hen la, vaihawm ta hen,” ti’n a gen a.

SAM 116:11

ka lauthawng lai in, “Mitin vang zuauthei a hiu,” ka la ti hen.

THUPILTE 3:3

Thutakna leh ginumna chun hun nusia kiu hen la, ziate chu la ngawng ah khivui gual in awk inla, la lunggil suangpêk ah zik lut in.

NASEPTE 25:11

Thil hi’khial tak tak ka hi ah, thina ding hial ah gitlona nei ka hi chun thi le ka nial puai; himaleh, tu’ ei hêknau haw ah hin ka thiam lona bangma a mu puau ah, ziaziakchun, kuama’n amau khut in ei pia thei pua’n au. Lengpa kiang tung zaw ding ka hi,” a tia.

JOSHUA 2:14

Zia mi teni chunle a kiang in: “Ka thil hung bawl uh kuama hil lo ah la um phot chun, Lalpa‘n zia gam hi ka khut ua ei piak phat leh, pha tak in hun bawl ing kau. I gen gual ua I umlo po po uh leh Lalpa‘n I hinnau la mai hen!” a ti tau a.

JOSHUA 22:22

“Lalpa, pathiante Pathian! Lalpa, pathiante Pathian! Ama’n a henai; Israelte’n le he tau hen! Lalpa kihei mangsan gua ah a chung ah ka hel ziak ua, zia mâichâm hi bawl ka hiu chun, tu’ni ma ma hin ei that gam ziang unla,

RUTH 1:8

Naomi chun a mo te ni kiang ah chun, “La nuteu In lam gêl ah chia kit mai tau in, kei leh mithite chung ah la phatnau dungzui in Lalpa‘n la chung un pha tak in hun bawl ta hen.

1 SAMUEL 18:1

David in Saul kiang ah thu a gen zaw phatin, Jonathan in David chu a lungsiat ma ma ziang ta’n; tichun, ama a kilungsiat gual tuk in David chu a lungsia tai.

1 SAMUEL 18:3

Jonathan in ama hinna tawh kibang hial ah David a lungsiat tâk ziak in, a kiang in thuthung a siam tai.

1 SAMUEL 20:16

Tichun, Jonathan in David Inkuante tawh a kikâl un thuthung siam in, zia gual hin a gen ah, “Lalpa‘n David mêlmate chung ah phuba la ta hen,” ti in.

1 SAMUEL 20:9

Jonathan in, zia gual chun vang gêl him him kin! Ka pa’n la chung ah thil phalo bawl gua ahi he leng, bang ding ah hun hil lo mai jen ding ka hi em? ti’n a dawnhu a.

1 SAMUEL 23:18

Tichun, amau teni chun Lalpa âng ah thuthung a siam un; David chu Horesh ah a um den ah, Jonathan chu In lam in a chia kit tai.