1 SAMUEL 20:5 - PATHIAN LEKHABU THIANGTHO (BSI)

⁵ David in Jonathan kiang ah chun, Jing hi thathak kût ni hiding a hita’n, lengpa kiang ah an ka nêk lo thei lo hiding a hi’n; himaleh, gamlak ah jan thum vakisêl ing ka.

1 SAMUEL 20:5 ပူးပေါင်းရင်းမြစ်များ

2 LENGTE 4:23

Ama chun, “Bangziak ah, tu’ni chia gua la hem? Tha thak ni a hem, sabbath a hem le ahi diak pua’n,” a tia. Amanu chun, “A khawk puai,” a tia.

SAM 55:12

Ei gensete chu ka mêlmate ahi puau in, hizaw maileu chu thuak thei zaw ding ka hi’n; ka chung ah kiletsakte chule ei do-te a hipuau, hizaw maileu kisêlmangsan mai ding ka hi’n.

SAM 81:3

Thathak leh I kût hunbiu thalik lai tak inle, pengkul mût un.

THUPILTE 22:3

Mi pilvâng chun lau umna a la mu lawk in, a kisêl mang sek a; mimawl in vang a khawni ngailo ziakin, a thok khawlaw sek hi.

AMOS 8:5

“Bangtik leh tha a hung lik in, bu ka zuak thei ta diam uh maw? Bangtik leh sabbath ni bei in, gehu bu ka zuak thei diam uh maw? Ziaphat chuleh, ephah te’na hi’neu ing ka tiu in; shekel chu sulian ing ka tiu in, bûkna diklo ah zuau thep chîng ing kau:

KISIMNA LEKHABU 10:10

La kipakna niu leh la kût hunbî ding kiguatna hunbîte leh la thathak si’n un, hâlmang thillat leh chamna thillat la bawlna ding uh niteu ah chun pengkulte chu la mût sek ding uh ahi; Lalpa la Pathian âng ua nanghaw thasângpa hetzingna hi’n ah: Kei hi Lalpa la Pathian uh ka hi.

KISIMNA LEKHABU 28:11

Chuleh, thasin ah a ni masa pen leh, Lalpa kiang ah hâlmang thillat dingin: bawngchal gual pani, belamchal khat, belamno sagi, kum khat ah upa, demna bei chiat la lat zing ding uh ahi’n;

JOHAN 8:59

Ziaphatchun, suang ah se ding gua’n suang a luak tau a; himaleh, Jesu chu a kisêl ah, tempul ah kipat chun a pawtdok tai.

NASEPTE 17:14

Ziaphatchun, unaute’n Paul chu tuipi lam in a sawl ngal tau a; Sila leh Timothi chu vang zia chun a umzing tau hi.

KOLOSSA 2:16

Chutichun, nêk thu leh dawn thu a hem, kût ni thu a hem, tha thak thu a hem, sabbath thu a hem in kuama’n hun dem dâ tau hen.

1 SAMUEL 19:2

Jonathan in David kiang in, “Ka pa Saul hin hun thalup gua zing ahi; ziaziakchun, jing’ jingkal hileh kiveng tak in um inla, khoi tak munthip a hem khat in vakisel in aw.

1 SAMUEL 20:18

Jonathan in a kiang in, “Jing hi thathak kût ni hiding ahi’n; nang la umlo ding ziakin an nêk phat leh la panna awng ta ding ahi.

1 SAMUEL 20:19

Jing kit leh chia suk kit nalai inla, la kisêlna masa lam ah khan chia suk inla, zia tak ah Ezel suangpi pang ah khan a la um zing in.

1 SAMUEL 20:24

Tichun, David chu khûl lak ah chun a vakisêl tai. Thathak kût a hung hi’phatin, lengpa chu luaithena an ne dingin a hung ta’n,

1 SAMUEL 20:27

Himaleh, a jing ah thathak kût zaw phat ah chunle David chutna chu a awng in a um nalai a. Saul in Jonathan kiang in, “Jesse chapa hi ja’ni leh tu’ni tiang ah, bang ziak ah luaithe’na hung pang lo ahi em?” ti’n a dong a.

1 SAMUEL 20:4

Jonathan in David kiang in, bang hiziang lehle la gen taphot hi’piak ing ka, a tia.

1 SAMUEL 20:6

La pa’n ei hawl ah ei mu lo phat leh, kum si’n ah a Inkuan ua kithoina pang dingin David in a khawpiu Beth-lehem ah chia ding ka hi, ti’n a don ah ka la chiasak ahi, a la tin la.