1 SAMUEL 20:32 - PATHIAN LEKHABU THIANGTHO (BSI)

³² Ziaphatchun, Jonathan in a pa Saul kiang ah chun, “Bang ding ah ama chu thalup ding la guat a hem? Bang a susia a hem?” ti’n a dawnhu tai.

1 SAMUEL 20:32 ပူးပေါင်းရင်းမြစ်များ

THILSIAM THU 31:36

Chun, Jakob chu a hung lungna ta’n, Laban chu a vau tai: “Bang ka hi’khial ah, bang a hem ka gitlona, hiti lawm lawm ah lei hun delzui ziang hi?

THUPILTE 22:24

Mi lungna hât chu gualpha’n siam kin la; mi lungchomte chule kivoppi diak kin,

THUGENTU 7:9

Lungna pai ziang kin, lungnatna hi mingolte laigil in a chêngden sek hi.

THUGENTU 9:3

Zia hi khawvel ah thil tung lak ah phalo ma ma khat chu ahi: Mitin chung ah kibang tak ah thil a hung tun mai hi. Zia mai chule hilo in, mi zosia lungthim hi phatlo na’n a dim in; a damsungsiau a lungthim ua ngolna dim in, zia nung chun mithite kiang lam a zuan tau hi.

JEREMIAH 17:9

Mihing lungthim chu thil dang zosia sâng in a sezaw’n, chinchan bei a hiziak in, kua a hem hethiam thei ding?

MATTHAI 27:23

Gam ukpa chun a kiang un, “Bangatia a hem, bang thil hikhial a nei em?” a tia. Himaleh, nasa zaw diak in a hung kiko ua, “Kros ah khenden in,” a hun ti kit ua.

LUKA 23:22

A thumveina chun, a kiang un, “Bangatia hem? Bang a hi’khial a hem? Ama chung ah hin thina ding hial bangma ka mu puai, sawi ing ka tin, thâdok mai ing ka,” a ti kit a.

JOHAN 7:51

“Mi ama kam ngei ah a thu het leh, a thilhite het ahi ma’n I dan un mi thiamlo a chansak ngai ah a hem?” a tia.

1 SAMUEL 18:11

a lungthim in, “David hi bâng tawh khawden ing ka,” ti ah a ngaitua dungzui in a cheicha chun a khaw ta mai a. Zia gual ah chun nivei hial a bawl ta’n; himaleh, David chu a suakcha jel hi.

1 SAMUEL 19:4

Jonathan in a pa Saul kiang in, David phatnate chu zia gual hin a a gen ah; “Lengpa chun a suak David chung in, thil phalo bangma bawl ki’hen: la chung ah bangma a hi’khial kha puai. Nang â ding ah thilpha tak bawl zing ahiziak in, Lengpa’n le David chung ah thil phalo la bawl lo ding ahi,” a tia;

1 SAMUEL 19:5

ama hinna tiangle îtcha lo khop in, Philistin mipa chu a la that ta’n; ama ziakin Israelte â dingin, zaw’na lopi tak Lalpa‘n a la pia ta ahi. Zia chu nang inle la mu’n, la kipak ma ma hi; bang a tia, a ziak bei kei ah, mawna nei lo chung ah khut thâk gua, David tha la guat ziang a hem? ti’n a gen tai.

1 SAMUEL 20:1

David chu Ramah lam ah Naioth ah kipat in a taimang ah. Jonathan kiang in a hung ah, a kiang in, bang ka bawl ziak a hem? Bang a hem ka gitlona? La pa chung ah le bang bawlkhial ka nei ah, thalup ding ei guat a hem? ti’n a dong a.

1 SAMUEL 20:7

A pha chu, a tileh la suak hi thamuang intin; a lungnat leh vang, ka chung ah thil phalo bawl gua ahi ti he ziang in.

1 SAMUEL 22:14

Ziaphatchun, Ahimelekh in lengpa chu a dawnhu ah, “La suakpa David gual tuk ah ginum kua dang a um em? Ama chu lengpa mâkpa le hi, a bawl ding la ti taphot bawl ziang leh, la Insung ah mi za-um ahi nalai a.