1 SAMUEL 20:30 - PATHIAN LEKHABU THIANGTHO (BSI)

³⁰ Ziaphatchun, Saul chu Jonathan chung in a lungna ma ma ah; a kiang in, “Nang, numei dukdak lo leh lochalnu chapa hin, Jesse chapa kha nangma leh la nu sukmualphona ding ah la la têl a hi ti he lo ah lei bawl a hem?

1 SAMUEL 20:30 ပူးပေါင်းရင်းမြစ်များ

JOB LEKHABU 5:2

Mingol chu a lungkhamna’n thi khawlaw in, mimawl chu itsikna’n a that sek ngâl a.

THUPILTE 14:29

Hetna thûk tak nei mi chu a lung a niang in; mi lungchom chun a ngolna a taklang hi.

THUPILTE 15:2

Mipil lei chun hetna thu dik tak in a gendok sek in; mingolte kam in vang ngolna thu a sêkdok sek hi.

THUPILTE 19:12

Lengpa siatsona chu sakeibaknei kitum gual ahi’n, a doisakna ahileh vang hampa chung ah dâi kia gual ahi.

THUPILTE 19:19

Mi lungchom chun gawtna mu’n tin; hukdok male chin hukdaw kit ngen ngai in a.

THUPILTE 21:24

Mi chapo leh kihisakpa min chu, mi nuaisiapa ahi’n; kilopisak tak in thil a bawl sek hi.

THUPILTE 25:28

Ama lungthim thunun zo lo mi chu, khawpi kulbâng nei lo tawh bang ahi.

THUPILTE 27:3

Suang leh piaunêl chule a gik ma ma in, himaleh, mingol in mi a hi’buaina chu, zia te ni sâng ah chun a gik zaw nalai hi.

MATTHAI 5:22

Himaleh, ke’n vang, kuale a unau chung ah lungna tapo chu vaihawmna â dingin lauthawn um tak in um intin; chuleh, kua’n le a unau kiang ah, “Raka, Panna bei” ti tapo chu vaihawmte vaihawm piak lauthawn um tak in um intin; chuleh, a unau kiang ah, “More, Mingol” ti tapo chule vaihawm piak lauthaw’n um tak in um in a, ti ka hil la hiu.

EPHESA 4:31

Thangtawmna, lungnatna leh siatsona, hânsiatna tawh kigensiatna zosia chu haisan tau in, lungthim sia zosia tawh.

EPHESA 6:4

Ahi’n, nanghaw pate haw, la chateu hi’lungna kiu inla, Lalpa thununna leh zilgaina chun kaihuai zaw tau in.

1 SAMUEL 20:29

‘Ei chiasak in; ka khawpiu ah Inkuan kithoina bawl ding ka hiu in; ka suapipa’n, La hung pan tei tei ding ahi ei ti hen, la mittung ka hinâk chun, ei chiasak inla, ka suapite vamu’ng ka,’ a tia. Zia thu ziak ah chu lengpa luaithe’na dawkan ah hi hung pang lo ahi,” ti’n a dawnhu tai.

1 SAMUEL 20:31

Jesse chapa hi lei ah a dam sung sia, nang hin, la lenggam hileh sukdet in um pua’n ah; a kin thei pen in vakosak inla, hun pui lût in; a thi lo tâk leh aw!” ti’n a dawnhu a.