1 SAMUEL 20:3 - PATHIAN LEKHABU THIANGTHO (BSI)

³ Himaleh, David in kitiam hial in, la pa hin lei ngainat hi a he chutiloleh, lungngai kha’n ah, a ti hiding ahi. Himaleh, a dik tak ah gen in, Lalpa leh nangma hinna sâl in ka hun hil ahi, thi’na tawh ka kikâl uh hi kãl khat bepcha ahi, ti’n a dawnhu a.

1 SAMUEL 20:3 ပူးပေါင်းရင်းမြစ်များ

2 SAMUEL 15:21

Himaleh, Ittai chun, lengpa kiang in, “Lalpa hinna leh ka lalpa sâl in ka kitiam ahi, lengpa, ka lalpa chiana taphot ah chun thi’na ding hi’n hinna ding hilehle, la suak hin hun zui ding ka hi,” ti’n a dawnhu a.

2 LENGTE 2:2

Elijah chun Elisha kiang in, “Zia tak hin a la um in; Lalpa chun Bethel lam ah chia dingin ei sawl ahi,” a tia. Himaleh Elisha chun, “Lalpa a hin zing ziakin leh, nang ngei le la hin zing ziakin, hun nusia lo hial ding ka hi,” a tia. Tichun, Bethel ah a chia suk tau a.

2 LENGTE 2:4

Elijah in a kiang in, “Elisha, zia hin a la um ta’n; Lalpa‘n Jeriko ah ei sawl ahi,” a tia. Himaleh, ama chun, “Lalpa a hin zing ziak in leh, nang ngeile la hin zing ziakin, hun nusia lo hial ding ka hi,” a tia. Tichun, Jeriko a hung tung tau hi.

2 LENGTE 2:6

Ziaphatchun, Elijah in a kiang in, “Zia hin a la um in; Lalpa‘n Jordan ah ei sawl ahi,” a tia. Himaleh, ama chun, “Lalpa a hin zing ziakin leh, nang ngei le la hin zing ziakin, hun nusia lo hial ding ka hi,” a tia. Tichun, a paniu in a chia pek tau hi.

SAM 116:3

Thi’na khauhualte chun ei zem ah, Sheol gûte chun ei zo ta’n; lungkhamna leh beidonna ka tuak hi.

JEREMIAH 38:16

Tichun, Lengpa Zedekiah chun a gûk in Jeremiah kiang ah kitiamna a nei ah, “Hinna ei pepa Lalpa min in ka kitiam hi. Hun that pua’ng ka tin, a hun thalup gawte khut inle hun pedok diak pua’ng ka,” a ti tai.

JEREMIAH 4:2

“Lalpa min in!” ti ah kitiam ngam ah, thutak ah vaihawmna dik leh, umchan dik tak la zui uh chun, nam tinte chu keima maljawl ah um in, ei kisuanpi ta’n au.

DAN LEKHABU 28:66

La hinkhuau chu lauthawng leng leng ah mang in; a sûn a jan ah dipdap zing ta’n la tin uh; thamuang tak ah hinkhua mang kit ngai ta pua’n lau.

DAN LEKHABU 6:13

Lalpa la Pathian uh chu lau unla, ama na bep sêm in, a min bep in kitiam sek un.

HEBRAITE 6:16

Mihingte’n a lopizaw te min sal in thu a tiam sek un, zia kitiamna chun kinialna zosia a tawp sek hi.

1 SAMUEL 1:26

Chuleh, a nu chun, “Aw he pu! Ka Lalpa hinna sâl in ka ti ahi; kei hi Aw Lalpa, zia tak ah la kiang ah hung ding ah Lalpa kiang ah pauchap kha ka hi.

1 SAMUEL 17:55

Philistin mipa do ding ah David a kuandaw lai chu Saul in a la mu in, sepai zosia chung ah hotupa Abner kiang ah chun, “Abner, zia tangval hi kua chapa ahi em?” ti’n a dong a. Abner in, “Aw lengpa, la hinna sâl in ka gen ahi, ka he him him puai,” ti’n a dawnhu a.

1 SAMUEL 20:2

Jonathan in, Chuti maijenlo e! Thi lo ding la hi. Ka pa’n a thilbawl ding zosia, a lian a neu, ei hil lo in bangma a bawl ngai puai; zia gual thu chu um hileh ka pa’n ka kiang ah îmlo hial ding ahi. Zia gual chu hi him him pua’n a! ti’n a dawnhu a.

1 SAMUEL 20:4

Jonathan in David kiang in, bang hiziang lehle la gen taphot hi’piak ing ka, a tia.

1 SAMUEL 25:26

Tu’hin, ka lalpa, Lalpa hinna leh nangma hinna sâl in ka gen ahi; thisan sua lo ding leh nangma ngei in phuba la lo dingin Lalpa‘n a hun tûktân ziakin; tu’hin vang, la mêlmate leh ka lalpa chung ah thil phalo bawl gaw tapo chu Nabal tawh bang in um mai tau hen.

1 SAMUEL 27:1

David in a lungthim in, “Saul khut ah hin chu ni khat vang thi ngei ding ka hi; kei â dingin Philistinte lak ah kisel khêl ah phazaw a um ta puai; chutileh, Saul in Israel gam paw lam ah ei delzui thei talo ding ahiziak in, a khut ah kipat suakcha hi mai ding ka hi,” ti a ngaitua a.