1 SAMUEL 20:2 - PATHIAN LEKHABU THIANGTHO (BSI)

² Jonathan in, Chuti maijenlo e! Thi lo ding la hi. Ka pa’n a thilbawl ding zosia, a lian a neu, ei hil lo in bangma a bawl ngai puai; zia gual thu chu um hileh ka pa’n ka kiang ah îmlo hial ding ahi. Zia gual chu hi him him pua’n a! ti’n a dawnhu a.

1 SAMUEL 20:2 ပူးပေါင်းရင်းမြစ်များ

THILSIAM THU 44:7

Amau chun a kiang in, “He pu, bangtidan ah zia gual thute hi gen la hem? La suakte hin zia gual thil chu ka bawl lo ding dan mai uh chu!

SAM 40:6

Kithoina leh thillat chung ah, kipakna him la nei pua’n, ahi’n, nakhang pil tak lei pia zaw tai. Hâlmang thilpiak leh, gitlo thoina thilpiak chu lei phût puai.

THUPILTE 29:24

Gucha kizoppi chun ama hinna mêlma ah kisiam ahi; mi sesapna aw he maleh bangma a gendok diak puai.

ISAI 50:5

Lalpa Pathian in ka nakhang ei hi’vâk piak ta’n; tichun, thukhel ta lo in, kihei mang kit ta pua’ng ka.

LUKA 20:16

Hung intin, a huan bawlte chu hung that intin, a huan chu midang bawlsak zaw ta’n a,” a tia. Amau haw chun, zia chu a het phat un, “Zia lawm lawm chu tung ki’hen,” a tiu a.

JOHAN 15:15

Tu’khêl vang suakte hun ti ta pua’ng ka, suak chun a pu thilhite a he ngai puai; gualte hun ti zaw ta’ng ka, ka Pa ah kipat ka thil hiatteu zosia ka hun hiatsak sik sek tangal in.

JOHAN 17:8

nang in thu gen ding ah lei piakte kha ka gen zo ta’n, nei le a nei tau in, nangma ah kipat pawt ka hi’danle a hechian tau in, nang in lei sawl ka hi tile a taksang tau hi.

JOSHUA 22:29

Lalpa chung ah hel ah, Lalpa kiheimangsan ah, Lalpa ka Pathian uh mâichâm a biakbûk ah um tilo ngâl hâlmang thillatna ding leh, thâi thillatna ding a hem leh kithoina ding ah mâichâm dang siam gua ka hilo hial ui,” ti’n a dawnhu tau a.

JOSHUA 24:16

Ziaphatchun, mipite’n, “Lalpa taisan ah pathian dang na sêm lo hial ing kau;

1 SAMUEL 14:45

Ziaphatchun, mipite chun Saul kiang in, “Zia gual khop ah Israelte hukdawna ding bawldokpa Jonathan chu maw la thalup ding? Thi maijen pua’n ah! Lalpa hinna sâl in ka gen ui; tu’ni hin ama Pathian in a kithuapi ziakin a samzang khat ziang le lei tual ah ketha pua’n ah,” ti’n a dawnhu tau a. Tichun, mipite chun Jonathan a hukdok tau ah, thalup a hita puai.

1 SAMUEL 20:1

David chu Ramah lam ah Naioth ah kipat in a taimang ah. Jonathan kiang in a hung ah, a kiang in, bang ka bawl ziak a hem? Bang a hem ka gitlona? La pa chung ah le bang bawlkhial ka nei ah, thalup ding ei guat a hem? ti’n a dong a.

1 SAMUEL 20:12

Jonathan in David kiang in, Lalpa, Israelte Pathian in he ta hen! Jing jingkal a hem, a jingkal thumna a hem ah, zia thu hi ka pa kiang ah ka gen ah; David chung ah a lungdam leh, la kiang ah gen dingin palai hun sawl lo in um thei ding ka hem?

1 SAMUEL 20:3

Himaleh, David in kitiam hial in, la pa hin lei ngainat hi a he chutiloleh, lungngai kha’n ah, a ti hiding ahi. Himaleh, a dik tak ah gen in, Lalpa leh nangma hinna sâl in ka hun hil ahi, thi’na tawh ka kikâl uh hi kãl khat bepcha ahi, ti’n a dawnhu a.

1 SAMUEL 9:15

A kiang ah Saul a hungma ni masa ah khan, Lalpa chun Samuel kiang in thil khat a la hil lawk ta’n: