1 SAMUEL 20:13 - PATHIAN LEKHABU THIANGTHO (BSI)

¹³ Himaleh, ka pa chun la chung ah thil phalo bawl gua ahileh vang, nang kiang ah ka hun hil lo ah, la bitna ding ah hun sawl mang lo ah ka um chun, Lalpa‘n Jonathan chung ah a khawk zaw sêm inle bawl mai zaw hen. Ka pa a la umpi gual in Lalpa chun hun umpi zing ta hen.

1 SAMUEL 20:13 ပူးပေါင်းရင်းမြစ်များ

2 SAMUEL 19:13

Chuleh, Amasa kiang inle, ‘nang hile ka chanau kinaipi hilo la hem? Tu’ kipat hin, Joab thasâng ah ka sepaite hotu lianpen ah ka hun pansak lo ngei ngei leh, Pathian in a nop nop ei law mai zaw hen,’ vatiu in,” ti’n a sawl a.

2 SAMUEL 3:35

Mipi zosia chun nitum masang ah bang a hem bêk ne dingin David chu a sawl un; himaleh, David chun, “Nisa tum masang ah an hileh nêkthei thil bang hiziang leh le ka nêk chun, Pathian in a law law ei law mai zaw hen,” ti’n a kitiam tai.

2 SAMUEL 7:15

Himaleh, la ma-âng ah ka paithâk, Saul ah kipat ka ja’ngaina ka lakdaw kit gual in ama chung in vang ladok pua’ng ka.

1 LENGTE 1:37

Ka lalpa, lengpa kiang ah Lalpa a um gual ma khan, Solomon kiang inle um hen la; ka lalpa, lengpa David lalchutpha sâng in ama lalchutpha siam lian zaw ta hen!” ti in.

1 LENGTE 19:2

Ziaphatchun, Jezebel in thupawtu pakhat Elijah kiang in a sawl a, “Jing ah tu’hun phat hileh amau hinna gual ah la hinna ka bawl lo ngei ngei leh, pathiante chun kei ei chuti bawl in, a khawk zaw’n le ei bawl uh hen,” ti’n a vagensak a.

1 LENGTE 20:10

Ben-hadad in a kiang in mi a sawl ah, “Ka nungzui mipite zosia hin, a khutdim chiat ua Samaria leivui a choi kham uh a tin ngei ngei leh, pathiante’n zia gual ah chun ka chung in bawl uh hen la, a nasa zaw’nle,” a tia.

1 KHANGTHU 22:11

Tu’hin, nang ka chapa, nang chung thu ah a gen dungzui ah Lalpa la Pathian In ding chu la sakdaw theina dingin Lalpa‘n hun umpi zing ta hen.

1 KHANGTHU 22:16

sanate, dangkate, sum-engte leh thik bawl dan chi chuam chuam ah thiamte le la nei hi. Tu’hin na chu sêm pan ngâl inla, Lalpa‘n hun kithuapi ta hen,” ti’n a gen hi.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

PHILIPPI 4:9

Keima ah la thil zilteu leh chanteu leh hiatteu leh muteu chu, bawl zing tau in; tichun, thamuanna Pathian chun hun umpi in a.

JOSHUA 1:5

La dam sung in mihingcha la âng ah pang ngam ding kuama um pua’n ah. Mosi ka umpi gual khan nang le hun umpi ing ka tin; hun kilepsan pua’ng ka tin, hun nusia diak pua’ng ka.

RUTH 1:17

La thi thi na’n thi’ng ka tin, zia chun kivui ing ka. Thi’na lo’ngal in nangma tawh ei khen chun, Lalpa‘n a nop nop ei law mai zaw hen! a ti chak kei tai.

1 SAMUEL 10:7

Zia gual ah tepte’na chu la hun mu phat leh, Pathian in a hun umpi ziak in, bawl ding ah pha a sak taphot chu bawl mai in.

1 SAMUEL 14:47

Saul in Israelte chung ah leng hi’na a chan phat ah chun, a lang a lang ah a mêlmateu a do ta’n; ziate chu: Moab, Ammon, Edom, Zobah lengpa leh Philistinte a hiu ah; a kiheina lam lam in a zo pek a.

1 SAMUEL 17:37

Chuleh, David in, “Sakeibaknei leh savom khut ah kipat ei la hukdokpa Lalpa chun, zia Philistin mipa khut ah kipat hinle ei hukdok ding ahi,” a ti nalai a. Tichun, Saul in David kiang in, “Chia in, Lalpa‘n hun umpi zing ta hen!” a ti tai.

1 SAMUEL 18:12

Lalpa‘n Saul chu taisan in David chu a umpi tâk ziakin, Saul in David chu a huphul ma ma tai.

1 SAMUEL 19:3

La kiselna kiang lam gamlak ah ka pa a hung phat leh, a kiang ah vading ing ka tin, thu hetdaw ka nei leh nang hun hil sawn ding ka hi,” a tia.

1 SAMUEL 20:12

Jonathan in David kiang in, Lalpa, Israelte Pathian in he ta hen! Jing jingkal a hem, a jingkal thumna a hem ah, zia thu hi ka pa kiang ah ka gen ah; David chung ah a lungdam leh, la kiang ah gen dingin palai hun sawl lo in um thei ding ka hem?

1 SAMUEL 20:14

Chuleh, ka dam nâk lai ahi chun, Lalpa hepina ginum tak chu ei musak inla, ka thi ahileh la,

1 SAMUEL 25:22

Jingkal khawvak tiang ah, zia mipa thil neite lak ah pawsal khat ziangle hawi lo ah ka bawl lo tâk leh, Lalpa‘n David chung ah a khawk zaw’nle hun bawl mai hen, a la tisa ahi.

1 SAMUEL 3:17

Eli chun, “La kiang ah a gen kha bang a hem? Ka kiangah îm kin. La kiangah a gen kha lei hil noplo chun, Pathian in la chung ah a nop nop bawl ziang hen, a sângah khawk zaw’nle bawl mai ta hen,” ti’n a gen a.