1 SAMUEL 20:1 - PATHIAN LEKHABU THIANGTHO (BSI)

¹ David chu Ramah lam ah Naioth ah kipat in a taimang ah. Jonathan kiang in a hung ah, a kiang in, bang ka bawl ziak a hem? Bang a hem ka gitlona? La pa chung ah le bang bawlkhial ka nei ah, thalup ding ei guat a hem? ti’n a dong a.

1 SAMUEL 20:1 ပူးပေါင်းရင်းမြစ်များ

SAM 54:3

Mi chapote ei soisa dingin a hung kipan un; mi nunsiate chun ka hinna hi’mangthai gua’n a hawl ui; Pathian a ngaisak puau hi.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

2 PETER 2:9

Lalpa‘n ama ngaisakte chu thepna kipat hukdaw dan leh, midiklote chu vaihawmna ni ding ah gawt zing kawm ah koihe dan a henai.

1 JOHAN 3:21

Doitakte haw, I lungthim un thiamlo ei chansaklo chun, Pathian âng in I hangsan un,

1 SAMUEL 12:3

Zia hin ka um hi; ka chung ah lungkim lo zosia’n Lalpa leh a sathaunu’ ma-âng ah hin gen un. Kua bawngchal ka lâkpiak a um em? A leh, kua sabiltung ka lâkpiak a um em? ahiloleh, kua dawha bawl in a nei ka lâkpiak la um awm? Kua ka hun êngbawl la um awm? Mit kithumsak in kua kiang ah golgûkna ka la ngai em? Zia gual chu a um chun hun gen un, hun dit kit sik sek ing ka,” a tia.

1 SAMUEL 19:1

Saul in a chapa Jonathan leh a sepaite zosia kiang in David thalup a guat dan a gendok ta’n. Himaleh, Saul chapa Jonathan in vang David chu a doisak ma ma ziang hi.

1 SAMUEL 19:18

David a tai mang ah, a suakcha ta’n; Ramah khua Samuel kiang a vatung ah, Saul in a chung ah a bawl dan zosia chu a hil a. Samuel tawh kiton in Naioth khua’n a vachêng tau hi.

1 SAMUEL 20:2

Jonathan in, Chuti maijenlo e! Thi lo ding la hi. Ka pa’n a thilbawl ding zosia, a lian a neu, ei hil lo in bangma a bawl ngai puai; zia gual thu chu um hileh ka pa’n ka kiang ah îmlo hial ding ahi. Zia gual chu hi him him pua’n a! ti’n a dawnhu a.

1 SAMUEL 20:32

Ziaphatchun, Jonathan in a pa Saul kiang ah chun, “Bang ding ah ama chu thalup ding la guat a hem? Bang a susia a hem?” ti’n a dawnhu tai.

1 SAMUEL 24:11

En in, he pa, la puanâk chual mong ka khut ah um hi; nang in tha dingin ei hawl vêl ziang malechin le, nang hun that lo ah, la puanâk chual mong ka âtthak thei ah kipat hin, la chung ah khut thanuam lo ka hi’dan hethei in la.

1 SAMUEL 24:12

Nang leh kei kikâl thu Lalpa‘n vaihawm mai ta hen! La chung ah ka khut ka thâk lo ziak hin a nop leh Lalpa‘n ka chung ah phuba la zaw mai hen!

1 SAMUEL 24:17

David kiang ah chun, “Kei sâng in nang la dik zaw ma ma hi; keima’n phalo tak ah hun bawl ka guat lai inle nang in thilpha’n lei dit hi.

1 SAMUEL 24:9

David in Saul kiang ah chun, bang ding ah la kiang ah, David in hun thalup gua ahi, tite thugen taksang ziang la hem?

1 SAMUEL 26:18

bang ding ah ka lalpa‘n a suakpa hi tha gua delzui zing a hem? Bang ka hun law ah a hem? Ka khut in bang bawlkhial ka nei em?