1 SAMUEL 2:6 - PATHIAN LEKHABU THIANGTHO (BSI)

⁶ Lalpa‘n a thatah, a hinsak kit tai; Sheol ah a paitha suk in, a kaidok kit tai.

1 SAMUEL 2:6 ပူးပေါင်းရင်းမြစ်များ

1 LENGTE 17:22

Lalpa chun Elijah aw chu a ngaitha ta’n; naupang hinna chu a sung in a lutsak kit ah, a hung hal tai.

2 LENGTE 5:7

Israelte lengpa chun lekhathot chu a sim zaw phatin, a puante a botthêk ah, “Kei hi thi’na a hem hinna a hem pia ziang thei Pathian ka hia hem, zia mipa hin ka kiangah mi pakhat a phâkna ka sukdam piak ding ah a hun sawl ziang hi? En maleu chin, ei kinakpi gaw him him a hi hilam,” a tia.

JOB LEKHABU 5:18

Ama’n a suliam ah, a tuam kit ah; a vua hen, a khut ma ma’n a sudam kit sek hi.

SAM 116:3

Thi’na khauhualte chun ei zem ah, Sheol gûte chun ei zo ta’n; lungkhamna leh beidonna ka tuak hi.

SAM 30:4

Aw a mi ginumte haw, Lalpa chawihoi in La sau inla, a min thiangtho chu pâk tau in.

SAM 68:20

I Pathian uh hi hukhinna Pathian ahi; thi’na kipat hukhinna chu Lalpa, I Pathian uh â ahi.

SAM 71:20

Nangma’n, buaina leh lungjinna tam tak, ei la musak ma lechin ei suhal kit ding la hi’n; leinuai thûk tak ah kipat in ei puidok ding la hi.

THUGENTU 3:3

thalup hun a um ah, sukdam hun a um hi; phel jak hun a um ah, sak phat hun a um hi;

ISAI 26:19

La mithite chu hung hing kit intin uh, a luang damsau chu hung thodok kit in au. Aw nang uh, leivui chang zo sate haw, hung hal unla, kipak in La sa tau in! La daitui chu daichîm ahi’n, kum sawtpi a la thi tate chu, lei in hun hinsak kit in a.

EZEKIEL 37:12

Ziaziakchun, a kiang un zia gual hin vagen in: Lalpa Pathian in zia gual hin a gen hi: Aw ka mipite haw, la thânteu hong ding ka hi’n, la thân ua kipat in hun puidok ding ka hi; tichun, Israel gam ah hun pui kit ding ka hi.

EZEKIEL 37:3

Ka kiang in, “Mihing, zia gukeute hi a hing kit thei ding awm?” ti’n ei dong ah. Ke’nle, “Aw Lalpa Pathian, nang in la hia’i,” ti’n ka dawnhu a.

MATTHAI 12:40

Jonah chu ngapi gilpi sung ah ni thum leh jan thum a um gual khan, Mihing Chapa le lei nuai in ni thum leh jan thum um in a.

JOHAN 11:25

Jesu’n a kiang in, “Keima hi thawkitna leh hinna chu ka hi, ei gingcha taphot chu thi maleule hing zing in au;

DAN LEKHABU 32:39

Keima, kei bep hi ka hi’n, pathian dang a um puai, ti he tau in. Ka that ah, ka hinsak ah; ka hi’liam ah, ka hi’dam sek; ka khut ah kipat in kuama’n a ladok thei puau hi.

THUPUAN 1:18

Kei chu khatvei thisa, himaleh, hing kit ta chu ka hi; ngaitia, kumtuang â ding ah hing zing chu ka hi tai, thina leh mithi khua chabi chu ka nei tai.

1 SAMUEL 20:3

Himaleh, David in kitiam hial in, la pa hin lei ngainat hi a he chutiloleh, lungngai kha’n ah, a ti hiding ahi. Himaleh, a dik tak ah gen in, Lalpa leh nangma hinna sâl in ka hun hil ahi, thi’na tawh ka kikâl uh hi kãl khat bepcha ahi, ti’n a dawnhu a.