1 SAMUEL 2:5 - PATHIAN LEKHABU THIANGTHO (BSI)

⁵ Mi kiningtingte chun nêk kawm ding a kilaw tau in, mi gilkialte chu vang gâl lâkah suk-hausat in a um tau hi. Cha nei theilonu chun pasagi a nei ta’n, cha tam tak neinu chu a thawmhau tai.

1 SAMUEL 2:5 ပူးပေါင်းရင်းမြစ်များ

SAM 113:9

Numei chîng chu chênna In a pia’n, chate â ding ah nu nuamsa leh kipak in a siam hi. Lalpa chu pâk un!

SAM 34:10

Sakeibaknei vanglaite chu, tasam in, a gil uh a kial sek hi; ahi’n, Lalpa hawlte chun vang, thilpha a tasam ngai puau hi.

ISAI 33:9

Gam chun a sûn ah a chautha tai; Lebanon chu mualpho in a vuaitha tai; Sharon chu Arabah gamkeu a bang ta’n, Bashan leh Karmel chun, a dua zosiau a thingtha tau hi.

ISAI 54:1

Aw, nangma cha hing ngai lo ah chîng, La hun sa’n; nangma nauvei ngai lo, La sa’n hung kikodok inla; ngai tak in hung kikodok ta’n! Pawsal neinu chate sâng in, thawmhau tak ah umnu chate chu tam zaw’n au, Lalpa chun a ti ahi.

JEREMIAH 15:9

Cha sagi neinu chu hatsam ah chausia’n, a hat lâk ding bep a buaipi tai; sûn lai tak in a nisa chu a tum tai; zakcha leh mualpho tak in a um tai. A dang cheng chu a mêlmateu âng ah chemjam ah, thalup dingin pia ta’ng ka, Lalpa‘n a tii.

LUKA 1:53

Gilkial chu thilpha’n a hitai in; mihausa chu khutngawn in a sawl mang tai.

LUKA 16:25

Himaleh, Abraham chun, “Ka chapa, nang in la dam lai khan thilpha la chang in, zia gual ma chun Lazar in thil phalo a chan kha hezing ta’n; tu’hin vang ama zia hin lungmuang tak in a um in, nangma thuakgim tak in la um ahi tai.

GALATIA 4:27

‘Nang chîng, cha nei ngailo, kipak in, nang nauvei ngailo, La sa’n kikodok in; pawsal neinu sâng in lunglengnu’n chate a nei tam zaw ngal a,’ ti zik ahi.

RUTH 4:15

Ama hi la hinna tungding leh la têk nung ah enkoltu hung hi hen la; la monu, nangma hepitu, chapa sagi sâng ah nang â dingah phachuam zaw chun, chapa a hing ta’ngal in,” a tiu a.

1 SAMUEL 1:20

A hun tak in Hannah in nau a hun vopah, chapa a hun hing tai. A nu chun, “Lalpa kiangah ka dotdaw ahi,” a ti ziakin a min in Samuel a sa tai.

1 SAMUEL 1:6

Ama chu Lalpa‘n cha a neisak lo ziak ah a lungngaina belap ding in, a lawinu chun nasa tak in a engho nalai sêt a.