1 SAMUEL 2:25 - PATHIAN LEKHABU THIANGTHO (BSI)

²⁵ Mi kua a hem khat in midang khat chung ah thil bawl khial leu, mi kua a hem khat bêk in Lalpa kiang ah a gitlonau chu ngaidam dot piak thei ding ahi’n; himaleh, min Lalpa chung ah thil bawl khial leu kua’n dot piak thei ta ding a hem?” ti’n a hil sek a. Himaleh, amau thalup ding chu Lalpa‘n pha a la sak lam a la hi tak ziakin, a pau thu gente chu bangma’n a ngaisak puau hi.

1 SAMUEL 2:25 ပူးပေါင်းရင်းမြစ်များ

THILSIAM THU 38:10

A thil hi’dan chu Lalpa mit mu ah huat um tak ahiziak in, ama chule a that tai.

THILSIAM THU 38:7

Judah chatîl Er chu Lalpa mit mu in migilo ahiziak in, Lalpa’n ama chu a that tai.

1 LENGTE 8:31

Mi kua a hem in a Invêng chung ah a hikhel ziakin, kihaksialna thutiam a chung ah tung ta hen la, zia In ah la mâichâm âng ah a hung kitep phat leh,

1 LENGTE 8:32

van ah la ngaitha’n la, mawna nei chu thiamlo chansak ah, a umdan gual ah ama luchung ah chuksak ding leh, midik chu a diktat dungzui ah dit ah thiamchan dingin, la suakte chung ah thu tan in.

2 KHANGTHU 10:15

Tichun, lengpa chun mipite thugen chu a ngaisak ta pua; Lalpa chun Shilon khua’ Ahijah kiangah, Nebat chapa Jeroboam kiangah a thutiam dungzui ah a guitun theina ding ah, Pathian in a chuti bawlsak chu a la hi’ngal a.

2 KHANGTHU 25:16

Himaleh, zia thu a gen zing lai ah chun lengpa’n zia gual hin a hun dawnhu a: “Nang phiangsan hi lengpa lemguat piak ding ah kuan a hun guat ua a hem? Thip hiat hiat mai in! Bang ding ah hun that mai ding ka hi em?” a ti’n. Ziaphatchun, jawlnei chule a thip ah; chomkhat zaw in, “Zia gual ah ka hun thuhilna la ngaisak lo ah, zia tawhbang la bawl ziak hin, Pathian in hun susia ding ahi ti ka hia’i,” ti’n a hun gen a.

JOB LEKHABU 9:33

Ka kikâl ua endiktu ding, ka chung ua khut tha thei a um paw’ngâl a.

SAM 51:16

Kithoina chung ah kipakna la nei paw’ngal a; hâlmang thillat hun pelengle pom lo ding la hi’ngal a.

SAM 51:4

La chung ah, nangma chung ngei in, thil ka la hi’khial ta’n; la mit mu ah thil diklo ka la bawl tai; tichun, la thugen ah thiam chang ah, vaihawmna le demna bei la hi’theina dingin.

THUPILTE 13:1

Cha pil chun a pa thununna a ngaisak a, mutawmtu chun vang thuhilna a ngaisak puai.

THUPILTE 15:10

Lam dik pêtsante chung in hânsia a um in, thununna ngaidate chu thi ding a hiu.

THUPILTE 29:1

Zilgai ahi zing lai ah ngaisak lo nalai chu, a hetlo kâl in sukdam kit theilo ding khop ah, khetbot in hung um in a.

THUGENTU 3:3

thalup hun a um ah, sukdam hun a um hi; phel jak hun a um ah, sak phat hun a um hi;

KISIMNA LEKHABU 15:30

Ahi’n la, a tup mawng ah thil bawl khial taphot chu, a gam sung mi hi hen la, gam dang mi a chêngdente lak ah kua hiziang taleh, Lalpa chung ah gilo ahi tâk ziak un, a chipite lak ah kipat paithâk ngâl ding ahi.

DAN LEKHABU 1:17

Doichuam nei in vaihawm kiu in; milian leh neu kibang in ngaitua piak unla; kuama lau chuam nei kiu in, vaihawmna chu Pathian â ahi ngalah. Nang uh ngaitua ding ah haksa talua phot chu, ka kiang ah hun tut un, keima’n ngaitua na’ng ka,” ti’n thu ka la pia ta ngal a.

DAN LEKHABU 2:30

Himaleh, Heshbon lengpa Sihon chun a gam sung ka hawthen ding uh a phal ta pua’n; Lalpa la Pathian un amau chu la khut ua a hun piak theina dingin a lungthim uh a hikhau piak ah, tu’ni tiang ah la mu gual ngei un, a lungthim uh a hi’lulul ta ahi.

1 TIMOTHI 2:5

A ziak chu, Pathian pakhat bep a um ah, Pathian leh mihing kikâl inle Palai pakhat bep a um hi, ama Khrista Jesu, Mihing ngei chu,

HEBRAITE 10:26

Thutak hetna I nei nung un gilo kitleu hin, gitlona thoina ding um kit ta pua’n tin;

HEBRAITE 10:27

vaihawmna lau um tak leh a dote kâng ding lungnatna mei chu um zaw ta’n a.

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

JOSHUA 11:20

Mosi kiang ah Lalpa‘n thu a la piak gual ah a sukchimit sik sek ah, daidawp lo ah a sukmang dik dek theina dingin Lalpa‘n a lungthim uh sutâk in, Israelte chu a dosak sek ahi ngâl a.

1 SAMUEL 3:14

Ziaziakchun, Eli Inkuante gitlona hi bang gualah kithoina leh thillat inle ngaidam hi talo hial ding ahi, ti’n sia ka sam ta a hi,” a hun ti tai.