1 SAMUEL 2:21 - PATHIAN LEKHABU THIANGTHO (BSI)

²¹ Chun, Lalpa‘n Hannah chu a tepte ah; tichun, chapa pathum leh chanu pani a hun hing tai. Chuleh, naupang Samuel chu Lalpa ma’n a hung khanglian tai.

1 SAMUEL 2:21 ပူးပေါင်းရင်းမြစ်များ

THILSIAM THU 21:1

Lalpa’n a gen gual ngei in Sarah chu a vakantha ta’n; tichun, Lalpa’n a tiam dungzui in Sarah chung in a tunsak tai.

SAM 127:3

Chate hi Lalpa ah kipat I gochan uh a hiu a; gil ah ga kipakman a hiu.

THUPILTE 3:4

Chutileh, Pathian leh mihingte mit mu in doisakna leh, min phatna law ding la hi.

LUKA 1:68

“Lalpa, Israelte Pathian chu pâk in um ta hen; ama chun a mite a hung kan tha’n, a hung tandok tangal in.

LUKA 1:80

Tichun, naupang chu a hung khanglian deu deu a, lungthim lam in a hung hat tiat tiat a, Israelte kiang ah a hung kilâk masia chu gamthip in a um zing tai.

LUKA 2:40

Zia nausen chu hung khang lian deu deu in, a hung hat deu deu ah, pilna’n a hung dim ah; a chung ah Pathian doisakna a um zing tai.

LUKA 2:52

Tichun, Jesu chu pilna leh taksa lam in a khang tiat tiat ah, Pathian leh mihing doisak in a um deu deu tai.

VAIHAWMTE 13:24

Numei chun chapa a hun hing ta’n, a min dingin Samson a sa tai. Naupang chu a khang lian ah, Lalpa‘n a maljawl ta’n.

1 SAMUEL 2:26

Zia hun ah chun naupang Samuel chu hung khanglian jel in, Lalpa leh mipite doisakna chang in a khanglian deu deu tai.

1 SAMUEL 3:19

Samuel a hung khanlet dungzui in Lalpa‘n a umpi zing ah, a thugen mal khat ziang le a thawn in a umsak puai.