1 SAMUEL 2:2 - PATHIAN LEKHABU THIANGTHO (BSI)

² Lalpa gual ah mithiangtho dang a um puai, nangma tilo ngâl chu; I Pathian uh tilo ngâl Suangpi dang a um puai.

1 SAMUEL 2:2 ပူးပေါင်းရင်းမြစ်များ

2 SAMUEL 22:3

ka Pathian, ka suangpi leh ka kisêlna ahi’n, ka phaw leh ka hukdamna kî, ka kuldet leh ka kisêlna, ka hukdampa ahi; nang in thagum suate lak ah kipat in lei hukdok tai.

2 SAMUEL 22:32

Lalpa tilo Pathian kua dang a um em? I Pathian uh ti lo ngâl suangpi dang a um ah a hem?

2 SAMUEL 7:22

Ziaziakchun, Aw Lalpa Pathian, nang chu la lopi hi; ka bil ua ka het dungzui un, nangma tawhbang kuama a um pua’n, nangma lo’ngal Pathian dang him him a um puai.

1 LENGTE 8:23

Zia gual hin a gen a: “Aw Lalpa, Israel Pathian, nang tawh bang Pathian chung lam van ah ahiloleh nuai lam lei ah a um puai, lunggil zosia tawh la ma ah um, la suakte â dingin thuthung leh hepina det tak la vop zing hi;

SAM 111:9

A mite kiang in tatna a hun sawl a, a thuthung chu kumtuang â dingin a guat tai. A min chu Thiangtho leh tizat um ahi.

SAM 18:2

Lalpa chu ka suangpi, ka kulpi det leh ei hukdokpa ahi; ka Pathian, ka kisêlna suangpi, ka phaw leh ka hukdamna kî leh ka kulpi ahi.

SAM 18:31

Lalpa tilo ngal Pathian dang kua a hem um? I Pathian uh tilo ngal Suangpi kua a hem um?

SAM 71:19

Aw Pathian, la thilhitheina leh, la dikna chun vante a tung hi. Aw Pathian, nangma, thil lopi takte bawlpa; nangma gual hi kua a hem um ngai?

SAM 71:3

Ka kisêlna leh kulpi det, ka hukdamna ding ah thu pepa la hi’n; ka bitna suangpi leh ka kisêlna la hi’ngal a.

SAM 73:25

Van ah nang lo’ngal kua a hem ka nei? Lei ah le nangsâng ah ka doizawk a um puai.

SAM 86:8

Aw Lalpa, pathian dangte lak ah, nangma gual a um pua’n, la thilbawlte gual bawlthei le a um puau hi.

SAM 89:6

Vante ah khin Lalpa tawh te’pi thei ding kua a hem um? Van ah umte lak ah Lalpa tawhbang kua a hem um ah,

SAM 89:8

Aw Sepai honte Lalpa Pathian, aw Lalpa, nangma tawhbang ah, hât kua dang a um em? La ginumnate chun a hun hual kîmvêl hi.

SAM 99:3

Amau in la min lopi leh lau um chu hun pâk tau hen. Ama a thiangtho ngal a!

SAM 99:5

Lalpa I Pathian uh pâk unla, a kengbul ah chun chibai bûk un. Ama chu a thiangtho hi!

SAM 99:9

Lalpa I Pathian uh chawihoi unla, a tâng thiangtho ah chun chibai bûk tau in; Lalpa I Pathian uh a thiangtho ngal a.

PAWTDAWNA THU 15:11

“Aw Lalpa, kua a hem pathiante lak ah, nang tawh te’thei ding? Kua a hem nangma gual ah thianthona ah lopi, choihoina lam ah lau um leh, thilmakte bawl?

ISAI 40:18

Pathian chu kua tawh la te’ a, ahiloleh, bang lim tawh a kipua em?

ISAI 44:6

Israel Lengpa, amau Hukdampa, sepai honte Lalpa chun zia gual hin a gen a: Keima hi a masa pen leh a nunung pen chu ka hi; keima tilo ngal Pathian dang a um puai.

ISAI 44:8

Lau kiu inla, lauthawng him him kiu in; masang lai ah kipat khan ka hun hilsa leh, ka la puanlatsa hita lo a hem? Ka thu hiatpite la hiu! Keima tilo ngal Pathian dang a um him him em? Suangpi det dang a um puai; pakhat chale ka hepuai.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 6:3

Zia gual hin a kidawngtua in a kiko ua: “Sepai honte Lalpa chu: A thiangtho hi, a thiangtho hi, a thiangtho hi; a lopina’n lei pumpi a lua dim hi,” ti in.

JEREMIAH 10:6

Aw Lalpa, nangma gual him kuama a um puai, la lopi in, la min chu hatna’n ahi’lopi hi.

THIAMPUTE LEKHABU 11:44

Keima Lalpa la Pathian uh ka hi’ngâl a; kisuthiangtho unla, thiangtho tak ah la um ding uh ahi: keima ka thiangtho ngâl a. Lei chung ah bokvâkte ziakin kisubuak kiu in.

THIAMPUTE LEKHABU 11:45

Keima Lalpa hi la Pathian uh ka hi’theina ding ah Aigupta gam ah kipat nanghaw hun puidokpa kha ka hi; keima ka thiantho gual in, la thiantho ding uh ahi.

THIAMPUTE LEKHABU 19:2

Israelte kiang in zia gual hin gen in, a tia: La thiantho ding uh ahi, Keima Lalpa la Pathian uh ka thiangtho ngâl in;

ROMTE 15:4

Pathian Lekha thu, ngilneina leh kitilkhona chung ah kinepna I nei thei zawkna ding un, malai ah thu a la kizikte kha, eimau kihilna ding ah zik a la hingal a.

ROMTE 4:8

Lalpa‘n gitlona nei ah a guatlote chu, mi hampha a hiu,” ti in.

DAN LEKHABU 3:24

“Aw Lalpa Pathian, la suak hi la lopi dan leh la hât dan lei musak pan ta’ngâl ah; nangma thilbawl gual leh la thilbawl nasa takte gual ah bawlthei pathian dang him him lei leh van ah a um puai!

DAN LEKHABU 32:20

Hiti’n a gen ah: “Amau ah kipat in, ka maichang sêlgu’ng ka tin; bang gual in a hung tawp awm a la en ma ing ka; ginumna bei cha leh nau, mi chavaite ahi ngâl un.

DAN LEKHABU 32:39

Keima, kei bep hi ka hi’n, pathian dang a um puai, ti he tau in. Ka that ah, ka hinsak ah; ka hi’liam ah, ka hi’dam sek; ka khut ah kipat in kuama’n a ladok thei puau hi.

DAN LEKHABU 32:4

Ama I Suangpiu, a thilbawl ah pha bukim, a lampi zosia dikna ngen ahi. Pathian ginum leh zuau bawlna um lo, thu dik leh dik tak ah bawl ahi’n;

DAN LEKHABU 4:35

Lalpa bep hi Pathian ahi’n, ama tilo ngâl a dang umlo ahi, ti la hiatsak theina ding un la kiang ua tâklat ahi.

DAN LEKHABU 4:39

Ziaziakchun, Lalpa chu Pathian, chung lam ah van leh nuai lam ah lei ah hin ama tilo a dang umlo ahi ti hen, la lunggil un ngaitua zing tau in.

1 PETER 1:16

“Keima ka thiantho gual in, nanghaw le la thiantho diu ahi,” ti ah zik ahi ngal a.