1 SAMUEL 2:12 - PATHIAN LEKHABU THIANGTHO (BSI)

¹² Tu’hin, Eli chate chu mi chavai a hiziak un, Lalpa a ja puau a;

1 SAMUEL 2:12 ပူးပေါင်းရင်းမြစ်များ

1 LENGTE 21:10

milepchia pani a âng zawn in chutsak unla, amau chun zia gual hin a mawna thu gendawsak un, ‘nang in Pathian leh Lengpa la gensia ahi,’ ti sak unla. Ziazaw chuleh, puidok unla, suang in seplum un,” ti in a zik a.

1 LENGTE 21:13

Mi lepchia pani chu a hung ua, a âng zawn in a kichuu ah; chuleh, mipite âng ah chun mi lepchiate chun ama mawsak in thu a hun gen tau a: “Naboth in Pathian leh Lengpa gensia ahi,” a tiu a. Tichun, ama chu khawpi pawlam in a puidok ua, suang in a seplum tau hi.

JEREMIAH 2:8

Thiampute’n, “Lalpa chu khoi ah a um tam?” a ti puau a; Dan mangte chunle ei he’pha ta puau hi; thuneite chun ei do un; jawlneite’n le Baal min in thu a gen un, milim mantheilote ei hosan tau hi.

JEREMIAH 22:16

Michaga leh tasamte panpi’n vai a hawm ah, zia chu ama â dingin a pha ngâl a. Zia chu keima ei hetna ziak hilo maw? Lalpa‘n a tii.

JEREMIAH 9:3

Zuau gen dingin a lei uh chu, thalpi gual in a kisazosa’n a um in, gam sung ah hin zuautheina leh, thu taklo’na lam in a khanglian ui. Thil phalo a ban ban in a bawl un, keima ei he’pha ta puau hi, Lalpa‘n a tii.

JEREMIAH 9:6

Kinuaisiana’n chintawk a nei pua’n, kithepna’nle chintawk a nei puai! Keima ei het ding uh le a nuam puau hi, Lalpa‘n a tii.

EZEKIEL 22:26

A thiamputeu in ka thuhilna bawtsia’n, ka thil thiangthote a hi’buak ui; a thiang leh thianglo le a khen chuam puau in, a thiang leh thianglo kikhiakna le a hil diak puau ah, ka sabbath nite le a ngaisak ta puau hi; ziaziakchun, a lak un ka min a sia tai.

JOHAN 16:3

Pa leh keima ei het lo ziak un, zia thilte chu hun bawl in au.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

JOHAN 8:55

ama chu helo maleu chinle, keima’n vang ama chu ka hia’i; ama chu ka hepuai ti leng, nanghaw gual tho ah zuau thei hiding ka hi; himaleh, ama chu ka hia, a thule ka jawm ahi.

ROMTE 1:21

Pathian he maleu, Pathian ahi’na gual tak in a chawihoi puau ah, a chung ah kipakna châng le a hepuau hi; ziaziakchun, a lungthim suangtuanau in thil manlote bep a ngaitua tâk ziak un a lungthim ngol tak uh chu a thim zo tai.

2 KORINTH 6:15

Khrista leh Belial inle bang a hem a chan khawm uh? Ahiloleh, gingtu leh ginglo in bang a hem a chankhawm uh?

DAN LEKHABU 13:13

khua sung ah mite pui mang gua, la het ngailo pathian ho ding ah mi jawl ah: “Hung tiam un, pathian dangte ho dingin chia hi tiu,” ti aw git la het phat ua leh,

DAN LEKHABU 13:14

zia thu chu gunchu tak in kan chian unla, hawldok tei tei guau in. Zia gual ah thil kidak um tak chu la lak ua um tak tak ahi ti la hetchian phat ua leh,

VAIHAWMTE 19:22

Chutia, lim leh kipak tak ah a um lai ua chun, khawpi sung ah michavai hon khat hung in, zia In chu hun ûm in, kotkhak chu a chûm tau a. Inneipa têksepu kiang ah chun, “La In ah hung tung pa kha ei hun pedok in, ka kipawlpi nuam ui,” a tiu a.

VAIHAWMTE 2:10

Chuleh, zia khang ah mite zosia chu a thizo tau ah, amau nung in Lalpa he’phalo leh Israelte â ding ah thil a la bawl piakhaw he’phalo khangthak a hung dingdok tau hi.

1 SAMUEL 10:27

Himaleh, michavai khenkhatte chun, “Zia mi phiangsan hin bang ei ti humbit ding a hem?” a tiu a. Ama chu a musit bêk ziak un thilpiak bangmale a pia puau a. Himaleh, ama chun a limsak puai. Zia lai ah chun Nahash, Ammonte lengpa chun Gadte leh Reubente chu a la sugenthei ma ma ah. A changlam mitteu a kheldaw piak ah, Israelte hukdaw ah a um ding uh a phal puai. Jordan luigâl ah Israel mi, Ammon lengpa Nahash in a mit uh a kheldaw piak lo pakhatle a um ta puau a. Himaleh, Ammonte khut ah kipat suakcha, pawsal sang sagi zet chu Jabesh-gilead a hung tung tau hi.

1 SAMUEL 25:17

Ziaziakchun, tu’hin zia chu hia’n la, la bawl ding dan ngaitua in; ka pu leh a Inkuante zosia chung ah thil phalo tak hung tung tawl in ah; ka pu lah a lungchom ziakin bangma genna thei ahi paw’ngâl in, a vati tau hi.

1 SAMUEL 3:13

A chate’n Pathian a gensiatnau hezing ngâl in, a khawlo’nau haisan ding ah a hil lo ziakin, a In sung chu kumkhua’n gawt ding ka hi, ti ka la hilsa ahi tai.

1 SAMUEL 3:7

Zia hun ah chun Samuel in Lalpa a hechian naipua’n, Lalpa thu chu a kiang inle suklat in a um nai tadi puai.