1 SAMUEL 2:1 - PATHIAN LEKHABU THIANGTHO (BSI)

¹ Hannah in zia gualah gen in a pauchapah: Ka lunggil hi Lalpa ah chun a kipak hi; ka hatna chu ka Pathian ah choisa’n in a um tai, Ka gualzaw’na ka kipak ziakin, ka kam in ka mêlmate ka engho tai.

1 SAMUEL 2:1 ပူးပေါင်းရင်းမြစ်များ

2 KHANGTHU 20:27

Lalpa‘n a gâlteu a zaw piak tâk ziak ah kipak ma ma in, Judah mipite leh Jerusalem khua mipite chu, Jehoshaphat tawh Jerusalem khaw lam zuan in a hung kit tau hi.

NEHEMIAH 11:17

Asaph chapa Zabdi chapa Mika chapa Mattaniah chu, kipak thugenna hun pantu lak ah hotu ahi’n; ama kithuapite lak ah hotu Bakbukiah tawh Jeduthun chapa Galal chapa Shammua chapa Abda le a hiu a.

JOB LEKHABU 16:15

Ka vun tuamna dingin saidip puan ka kikhû ta’n, ka hatna chu leivui lak in ka paitha tai.

SAM 118:14

Lalpa chu ka hatna leh ka tha ahi’n; ka hukhingpa a hung hi tai.

SAM 13:5

Ahi’n, ke’n vang la ngilneina ka taksang a, lei hukhinna ah hin ka thinlung kipak ding ahi.

SAM 148:14

A mite a chawisâng ta’n, a mi ginum zosia’n pâk uh hen la, Israel mipite, ama doichuam mite ngei chun. Lalpa chu pâk tau in!

SAM 18:2

Lalpa chu ka suangpi, ka kulpi det leh ei hukdokpa ahi; ka Pathian, ka kisêlna suangpi, ka phaw leh ka hukdamna kî leh ka kulpi ahi.

SAM 20:5

La zawna lawm ah lim in La sa’ng ka tiu in, ka Pathian min un ka puanlap uh jak ing kau. Lalpa‘n la dotna zosia lawtin sak ta hen.

SAM 21:2

A lungtup chu la pia ta’n, a thil dot chu la ît ngai paw’ngal a.

SAM 35:9

Ziaphat chuleh, ka hinna hi Lalpa chung ah kipak intin, a hukdawna ziakin kipak ta’n a.

SAM 51:15

Aw Lalpa, ka kam ah thu ei gen dawsak inla, tichun, nangma hun pâk ing ka.

SAM 71:8

Ka kam hi nang pâkna’n a dim in, nitum in hun chawihoi ing ka.

SAM 75:10

Mi nunsiate zosia kî chu sattan piak ing ka tin; mi dikte kî vang chu choisa’n in um in a.

SAM 89:17

A hâtnau lopi tak la hi’ngal a; la doisakna ziakin ka dinmun uh, choisa’n in a um tai.

SAM 89:18

Ka phawu hi Lalpa â ahi’n, ka lengpau hi Israel Mithiangtho â ahi.

SAM 89:24

Ka ginumna leh ngilneina’n umpi zing intin; ka min ziakin a kî choisa’n in um in a.

SAM 9:14

nangma pâkna zosia chu hiatsak ing ka tin; Zion chanu kotkhakte ah chun, lei hukdawna ziak ah ka lim theina dingin.

SAM 92:10

Himaleh, jangsial kî gual in ka kî la chawisâng ta’n; sathau thak lei sun khum tai.

PAWTDAWNA THU 15:1

Ziaphatchun, Mosi leh Israelte chun Lalpa pâk in zia La hi a hun sa tau a: Lalpa pakna’n La sa’ng ka tin, lopi tak in gual ei zawsak ta’ngal a: sakol leh a chung ah chuangte chu, Tuipi sung in a pai lut tai.

PAWTDAWNA THU 15:21

Miriam in amau haw dawnhu in La a hun sa’n: “Lalpa chun lopi tak ah a zaw tâk ziakin, a min pakcha’n La sau inla; sakol leh a chung ah chuang mite, Tuipi sung in a pai lut ta’ngal in,” ti in.

HABAKKUK 3:1

Shigio-noth dungzui ah jawlnei Habakkuk pauchapna:

HABAKKUK 3:18

Lalpa ah chun kipak zing ing ka tin; ka hukdamna Pathian ah chun kipak zing ing ka.

LUKA 1:69

A suak David In sung ah kipat in ei uh â di’n, hukdampa hat tak a hun tungdok tai;

ROMTE 5:11

Zia bep chule ahi puai, kichamna, tu’ ei musakpa I Lalpau Jesu Khrista jal ah hin, Pathian chu I suang tau ahi.

DAN LEKHABU 33:17

Ama chu bawngchal piang masa pen gual ah ja’um hita hen! A kîte chu jangsial kî gual hi hen la, a kîte chun nam tin phil hen la, khawvel gam tin ah thejâk ta hen. Ephraim suan ah mi a sîngtêl leh, Manasseh suan ah mi a sangtêlte thil chan hi hen.

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

PHILIPPI 4:4

Lalpa ah chun kipak un; ti kit ngen ing ka kipak un.

PHILIPPI 4:6

Bangmalo mai mai in lungkham kiu inla, bangkim ah pauchap leh don in, kipak thu gen kawm in, la dotnateu chu Pathian kiang in hiatsak zaw tau in.

1 PETER 1:8

Ama chu mu lo maleu chun la hepiu a. Tu’hin mu lo maleu chun la ging ua, kipakna gen theilo khop ah lopi’n la kipak uh ahi.

THUPUAN 18:20

Aw nanghaw vante leh sawlchâk thiangthote leh jawlneite haw, amanu chung ah chun kipak ta un; Pathian chun la phubau chu amanu chung ah hin a la tai!” a tiu a.

1 SAMUEL 1:6

Ama chu Lalpa‘n cha a neisak lo ziak ah a lungngaina belap ding in, a lawinu chun nasa tak in a engho nalai sêt a.

1 SAMUEL 1:7

Kum si’n ah Lalpa In ah a chia si’n ua leh, a lawinu chun a êng êng in a ho sek ah. Ziaziakchun, Hannah chu kap in, an le a ne nuam ngai puai.