1 SAMUEL 19:4 - PATHIAN LEKHABU THIANGTHO (BSI)

⁴ Jonathan in a pa Saul kiang in, David phatnate chu zia gual hin a a gen ah; “Lengpa chun a suak David chung in, thil phalo bangma bawl ki’hen: la chung ah bangma a hi’khial kha puai. Nang â ding ah thilpha tak bawl zing ahiziak in, Lengpa’n le David chung ah thil phalo la bawl lo ding ahi,” a tia;

1 SAMUEL 19:4 ပူးပေါင်းရင်းမြစ်များ

THILSIAM THU 42:22

Reuben chun, “Naupang chung ah thil hi’khial kiu in, ti’n la kiang ua ka gen him hilo a hem? La ngai puau ah ahi kha lam: Tu’hin, a thisan phuba chu a lâk uh a hita hilam,” ti’n amau chu a dawnhu a.

THILSIAM THU 9:6

Kuale mihing thisan suatu chu, mihing ma ma in ama thisanle hun sua in a; Pathian kibatpi ah mihing siam ahi ngal a.

2 KHANGTHU 6:22

Kua a hem khat in midang chung ah thil a bawlkhial ah, zia In ah la mâichâm bul ah kihaksial ding leh kitiamna nei ding ah a hung phat leh,

SAM 35:12

Ka phatna siatna’n ei dit un, ka hinna a thawmhau hi.

SAM 59:4

Aw Lalpa, keima bawlkhialna leh, ka gitlona ziak le hilo in, a tai un, a kisa zo tau hi. Hung kipan inla, ei panpi dingin hung inla, en tiam in!

THUPILTE 17:13

Phatna gitlona thuk sekte In ah kipat in, thil phalo kichawidok ngai pua’n a.

JEREMIAH 18:20

Thilpha lai chu a phalo ah thuk ding a hem? Ahi’n la, ka kiaklutna dingin, lei a chokuak ta’ngal un. A chung ua la lungnatna la lâk mang theina dingin, la ma-âng ah hung dingin, a phatna ding uh ka la gen sek dante kha hezing in.

1 KORINTH 8:12

La suapiteu chung ah thil la hi’khial ua, a sia leh pha hetnau hat lo chu la sukliam uh chun, Khrista chung ah thil hi’khial la hiu hi.

1 JOHAN 3:15

A suapi hua taphot chu tualthat a hiu; tualthatte chun kumtuang hinna a nei puau hi ti le la hiau.

1 SAMUEL 2:25

Mi kua a hem khat in midang khat chung ah thil bawl khial leu, mi kua a hem khat bêk in Lalpa kiang ah a gitlonau chu ngaidam dot piak thei ding ahi’n; himaleh, min Lalpa chung ah thil bawl khial leu kua’n dot piak thei ta ding a hem?” ti’n a hil sek a. Himaleh, amau thalup ding chu Lalpa‘n pha a la sak lam a la hi tak ziakin, a pau thu gente chu bangma’n a ngaisak puau hi.

1 SAMUEL 20:32

Ziaphatchun, Jonathan in a pa Saul kiang ah chun, “Bang ding ah ama chu thalup ding la guat a hem? Bang a susia a hem?” ti’n a dawnhu tai.

1 SAMUEL 22:14

Ziaphatchun, Ahimelekh in lengpa chu a dawnhu ah, “La suakpa David gual tuk ah ginum kua dang a um em? Ama chu lengpa mâkpa le hi, a bawl ding la ti taphot bawl ziang leh, la Insung ah mi za-um ahi nalai a.