1 SAMUEL 18:7 - PATHIAN LEKHABU THIANGTHO (BSI)

⁷ Chun, numeite chun a lopna’n zia gual hin La a kidawngtua in a sau ah: “Saul in a sâng ah sâng in a that in, David in a sîng ah sîng in a that hi,” ti in.

1 SAMUEL 18:7 ပူးပေါင်းရင်းမြစ်များ

2 SAMUEL 18:3

Himaleh, sepaite chun, “Nang vang la hung kuandaw lo ding ahi. Jamsiatna bang um taleh, keimau hi ei ngaisak pua’n tiu in; a kimkhat hial hi thi leng unle bangma’n ei ngai lo ding a hiu hi. Himaleh, nang chu kei haw sîng khat sâng ah le lul zaw la hiziak in, khawpi ah kipat in ei panpi ding hun sawl lechin phazaw ding ahi,” ti’n a dawnhu tau hi.

2 SAMUEL 23:1

Tu’hin, ziate hi David kamsuak nunung pente chu ahi: Pathian in a choisân, Jakob Pathian in sathau a nu’ leh, Israelte Mi Hatpa doisakna changpa, Jesse chapa David thugente chu:

2 SAMUEL 6:5

David tawh Israel Inkuante zosia chu Lalpa ma-âng ah chun a theitawp uh sua ah La sa kawm in, mût-ham, pêkgit, khetgitthei zosia tawh vaikhutbet tawh thua in a lâm malam pek ui.

PAWTDAWNA THU 15:21

Miriam in amau haw dawnhu in La a hun sa’n: “Lalpa chun lopi tak ah a zaw tâk ziakin, a min pakcha’n La sau inla; sakol leh a chung ah chuang mite, Tuipi sung in a pai lut ta’ngal in,” ti in.

1 SAMUEL 21:11

Akhish suakte chun, “Zia hi gam khat ah lengpa David kha hilo a hia hem? Lâm kawm ah kidawngtua ah La a sak uh: ‘Saul in a sangtêl a that in, David in a sîngtêl a that hi,’ a tiu kha ama hi a tiu hilo a hem?” a la tiu a.

1 SAMUEL 21:12

David in zia thu chu pha tak in a tepte ah, Gath khua lengpa Akhish chu a kicha ma ma ziang hi.

1 SAMUEL 29:5

Zia hi a kidawngtua ah lâm kawm ah La a sak uh: ‘Saul in a sangtêl a that in, David in a sîngtêl a that hi,’ a tiu David kha hilo a hem?” a ti tau hi.