1 SAMUEL 18:5 - PATHIAN LEKHABU THIANGTHO (BSI)

⁵ David chu Saul in a sawlna lam lam in a chia ah, a lawting pek ah; ziaziakchun, Saul in a sepaite chung ah hotu dingin a siam tai.

1 SAMUEL 18:5 ပူးပေါင်းရင်းမြစ်များ

THILSIAM THU 39:23

Lalpa chu Joseph kiang in a um ah, a thil hi’ tapo chu Lalpa’n a lawtinsak ziakin, suangkul vêngpa chun a khut ah thil um tapo chu a en se se ta puai.

2 SAMUEL 5:10

Lalpa, sepai honte Pathian in a umpi ziakin, David chu a hat deu deu tai.

2 SAMUEL 5:2

Tu’ma lam ah Saul ka lengpau ahi lai him ah khan le, Israelte a la puidok leh a la pui lût sektu kha nangma la hi’n. Lalpa‘n la kiang in, ‘Ka mipi Israelte chingtu ding chu nangma la hi’n, Israelte chung ah vaihawm ah la pan ding ahi,’ a la ti ahi,” a vatiu a.

2 KHANGTHU 17:3

Jehoshaphat in a pa nunchan masa a zui ziakin Lalpa‘n a umpi zing ah; Baal haw chu don lo in,

SAM 1:3

Amau chu tui luang zing kiang ah thing kiphu, a hun si’n ah ga sek, a dua vuai ngailo gual chu a hiu hi. A thilbawl tapo un a lamzang pek ui.

SAM 101:2

Demna bei lampi chu zil ing ka. Zia chu bangtik leh ka chang diam? Ka In sung ah thinlung thiangtho in um ing ka.

MATTHAI 10:16

Ngai un, ngei hon lak ah belam um gualin ka hun sawl la hiu hi; tichun, gûl gual ah pil, vakhu gual ah poikhoi lo in um un.

NASEPTE 7:10

a haksatna zosia lak ah kipat in a hukdok ah, Aigupta ah Lengpa Pharaoh mit tung thei ding in doisakna leh pilna a pia; ama chun Aigupta leh a Insung zosia chung ah lal in a hun pansak tai.

EPHESA 5:17

Ziaziakchun, ngolhuai tak in um kiu inla, Lalpa lung lam chu hawl in hiatthiam gaw zawu in.

KOLOSSA 4:5

Chuleh, hun apha thei pen ah mang zing in, pawlam mite lak ah chun chingthei tak in um un.

VAIHAWMTE 1:19

Chun, Judah chu Lalpa‘n a umpi ah; chutichun, thingtâng gam ah chêngte chu a nawdok ta’n; himaleh, phâijang ah chêngte chu thik kângtalaite a nei ziak un, a nawdok zo puai.

1 SAMUEL 13:2

Saul in Israelte lak ah mi sang thum a têldok ah; ziate lak ah sang ni chu Saul tawh Mikmash leh Bethel tânggam in a um khawm un, sangkhat chu Jonathan tawh Benjamin gam ah Gilead ah a um un; mipi dang sia chu a puanbûk lam chiat un a sawl kit tai.

1 SAMUEL 14:52

Saul damsung in Philistinte tawh kidona nasa tak tak a um ah; Saul chun mi hat leh mi hangsan a mu taphot chu a sepkhawmpi ding in a la lut jel hi.

1 SAMUEL 18:16

Himaleh, David chun Israel leh Juda sepai zosia puidok ah gual zo ah a hun pui tung kit jel sek ziakin, a puihuaite chun David chu a lungsiat deu deu tau hi.

1 SAMUEL 18:30

Chuleh, Philistin sepai hotute chu kido dingin a hung kuandok veu sek un; a hung kuandaw si’n ua leh Saul sepaite sâng in David a lawting zaw sek ah; ziaziakchun, a minthang ma ma tai.

1 SAMUEL 18:4

Jonathan in a puanâk âk lai a lîptha vak ah, a gâlvan chawi laite, a chemjam leh a thalpi tawh a kawnggâk tawh David a pia tai.

1 SAMUEL 18:6

Philistin mipa that zo ah David In lam ah a hung kile’kit phat ah chun, Israelte khua zosia ah kipat numeite chu, lengpa Saul lamtua dingin, dakkhutbette, thilgitheite tawh lim tak in La sa kawm ah lâm in a hung pawtdok tau a.

1 SAMUEL 3:19

Samuel a hung khanlet dungzui in Lalpa‘n a umpi zing ah, a thugen mal khat ziang le a thawn in a umsak puai.