1 SAMUEL 18:30 - PATHIAN LEKHABU THIANGTHO (BSI)

³⁰ Chuleh, Philistin sepai hotute chu kido dingin a hung kuandok veu sek un; a hung kuandaw si’n ua leh Saul sepaite sâng in David a lawting zaw sek ah; ziaziakchun, a minthang ma ma tai.

1 SAMUEL 18:30 ပူးပေါင်းရင်းမြစ်များ

2 SAMUEL 11:1

Chun, chavâng hun a hung hita’n, lengte gâl bawl ah a kuan hun lai un, David in Joab leh a sepai hotute chu gâl bawl dingin a sawldok ah; Ammonte chu a vado un, Rabbah khua chu a la tau a. Himaleh, David chu Jerusalem ah a um den hi.

2 SAMUEL 7:9

la chiana lam lam in ka hun umpi in, la mêlmate zosia la ma-âng in ka hun thalup piak ta’n, khawvel ah mi thupite gual in la min hi’lian ding ka hi.

2 LENGTE 1:13

Lengpa chun a pathumna dingin sawmnga chung ah hotupa chu a thuaihuai sawmngate tawh a sawl kit a. Tichun, sawmnga chung ah hotu pathumna pa chu a chia to ah, Elijah ma-âng ah khupdin in, a kiang in hitin a don ah, “Aw Pathian mi, lungsiat tak in ka hinna hi tawh, zia la suakte sawmnga hinna hi la mit mu ah lûl tak hi hen.

SAM 116:15

A mithiangthote thi’na chu, Lalpa mit mu in lûl tak ahi.

SAM 119:99

La thu hetsakte ka ngaitua zing ziakin, ei zilsakte zosia sâng in pilna ka hau zawi.

THUPILTE 12:8

Mihing chu a pildan dungzui chiat in pakchatna law intin; mi chanlam beite vang mu tawm in um in au.

DANIAL 1:20

Pilna thu leh hetthiamna lam thu ah lengpa’n a dot taphot chu, a gam sung ah mitvaidawi thiam leh âisân thiam zosia sâng in ale’ sawm in a thiam zawu a.

LUKA 21:15

la mêlmateu zosia’n a hun dodâl ua, a hun nial thei lona ding un, la thugen diu leh pilna hun pia ding ka hi.

EPHESA 5:15

La hin dan uh chu mingolte gual ah umlo in, mipilte gual in pilvâng tak in um zaw tau in.

1 PETER 2:4

Ama chu suanghing, mihingte doilo himaleh, Pathian têl leh man tam chu ahi;

1 PETER 2:7

Ziaziakchun, nanghaw a gingte â ding ah chun man tam ahi, a ginglote â dingin vang: “Insate suang doilo chu, a kil ah suang phachuam pen a hung hi tai,” ti ahi ngal a.

1 SAMUEL 18:29

Saul chun David chu a lau zaw sêm ah, tichun, zia hun ah kipat chun Saul chu David mêlma a hung hi tai.

1 SAMUEL 18:5

David chu Saul in a sawlna lam lam in a chia ah, a lawting pek ah; ziaziakchun, Saul in a sepaite chung ah hotu dingin a siam tai.

1 SAMUEL 19:8

Kido’na a hung um kit ah; David chu Philistinte do dingin a kuan a. David in a gâlteu chu nasa tak in a zo ah, a taijak ta mai ui.

1 SAMUEL 2:30

Ziaziakchun, Lalpa, Israelte Pathian in zia gual hin a gen hi, ‘Nangma Inkuan leh la suantuteu Inkuan chu ka ma-âng ah kumtuang ah lut leh pawt in pansak dingin ka kitiam hi,’ ti’n; himaleh, tu’hin vang zia gual hin Lalpa‘n a gen tai: ‘Zia gual chu hilo hial ding a hi; keima ei chawisâng tapo chu chawisâng ing ka tin, ei musit tapo chu bangmalo ah koi ding ka hi.

1 SAMUEL 26:21

Ziaphatchun Saul in, “Ka chapa David hung kit in, ka la bawlkhial ta ahi; tu’ni hin ka hinkhua nang in lûl tak ah lei koi ziakin, bangma hun law ta pua’ng ka; ka la ngol ziakin, thil ka la bawlkhial nasa ta law ta ahi,” ti’n a hun dawnhu tai.

1 SAMUEL 26:24

Ka mit mu ah la hinna a lûl gual in, keima hinna le Lalpa mit mu in lûl hen la, lungkhamna zosia lak ah kipat in ei hukdok ta hen,” a ti tai.