1 SAMUEL 18:27 - PATHIAN LEKHABU THIANGTHO (BSI)

²⁷ David chu a sepaite tawh kipan ah kuandok ngâl in, Philistinte mi za khat a va that tau ah; tichun, lengpa mâkpa’ a pan theina ding ah poimaw, Philistinte zekvun za khat chu David in Lengpa kiang ah kim tak in a hun chawi a. Saul inle a chanu Mikhal chu a ji dingin a pia tai.

1 SAMUEL 18:27 ပူးပေါင်းရင်းမြစ်များ

2 SAMUEL 3:13

Ama chun, “A phai, nang tawh I kikâl ah thuthung siam ing ka. Himaleh, thil pakhat hun phût ding ka hi: keima ei mu ding ah la hung phat leh, Saul chanu Mikhal kha la hun pui lo leh vang ei mu ngai ngai pua’n la,” ti’n a dawnhu tai.

2 SAMUEL 3:14

Ziaphatchun, David in Ishbaal kiang in palai a sawl ah, a kiang in, “Philistinte zekvun za khat a man ding ah ka piaksa, ka ji Mikhal kha ei pia kit ta’n,” ti’n a vagensak a.

VAIHAWMTE 14:19

Tichun, Lalpa thagau a chung in a hung tung a; chuleh, Ashkelon khua’n a chia suk ta. Khawpi sung ah tangval sawmthum a that ah, a puansilteu chu lâkpiak in, luaithe’na puanchênte chule a thu hetmaw hilchiante kiang in a pia tai. Tichun, lungna ma ma in a pa In lam in a chiato kit tau hi.

1 SAMUEL 14:49

Saul chapate chu: Jonathan, Ishvi tawh Malkhishua a hiu ah; a chanu panite min chu: a chanu upa zaw chu Merab ahi’n, a naupang zaw chu Mikhal ahi.

1 SAMUEL 18:13

Chutichun, Saul in David chu a kiang ah pat chawndok in, sang khat chung ah thunei in a siam tai; tichun, David in sepaite mapui in, gâldo in a kuan un, a hung kile’kit jel sek ui.

1 SAMUEL 18:17

Ziaphatchun, Saul in David kiang in, “Zia hin ka chanu upa zaw Merab a um hi; kei â ding ah hangsan tak ah la pan ah, Lalpa gâl la do ngachat phot leh, la ji dingin hun pia’ng ka, ti’n a gen a. Saul in a gêl dan chu, Keima’n that lo lengle Philistinte’n hun that tho tho na’n au,” a ti ziak ahi.

1 SAMUEL 18:28

Himaleh, David chu Lalpa‘n a umpi hi ti leh a chanu Mikhal in a ngai hi ti a het ziakin,

1 SAMUEL 25:44

Saul chanu, David ji Mikhal kha, Gallim ah um Laish chapa Palti tawh a la kichensak man tai.